Editorial

AIDS LAKAH I INVENG LAWK ANG U.

Zirtawpni (Ni 24.5.09) khan I&PR Auditorium ah Literature Sub-Committee te hmalaknain , CYMA & I&PR Dept te huaihawt Media Workshop neih a ni a. hetah hian kan branch aiawhin kan News Editor Tv.Lalremliana a tel a, kan News editor hian thu beng var thlak tak tak kan hriat tur leh kan zawm turte a rawn hawn a, a bengvar thlak hle. He seminarah hian State Aids Control Society lam pawhin hun hmangin Veng hrang hrang YMA News lettera thailan tur, HIV /AIDS chungchanga inzirtirna te hemi ni-a kalte hnenah hian sem a ni a, tin, heng thu te hi kan chhuah ngei ani tih hriat nan CYMA Office-ah kan chhuahna issue theh lut turin min ti nghe nghe a ni.
Hetiang taka inzirtirna leh mipuite kan him tlan theih zawk nana anthheih tawka thahnem an ngaih lai hian mipui te hian ho lam taka en liam mai lovin kei leh ka chhungte, ka thiante hian kan mamawh ani tih hriain heng zirtirna te hi kan dawnsawn thiam angai a, midang tana dah mai lovin, keimahni tan theuh a ni tih i hre thar ang u. Heng inzirtirna leh hriattirna te hi YMA Newsah thai-lan a ni thin dawn a, Thalai zawk te pawhin uluk leh chik zawka kan ngaihtuah chian a ngai hle a ni. Keimahni tan ani tih kan theihnghilh tur a ni lo. Tun laiah Zoramah AIDS natna ahluar em em a, kan Zoramah bu a khuar nghet hle a, Nakin ni lovin ‘TUN’ atang hian kan veng chhunga AIDS natna-in bu khuar lo turin i inveng lawk teh ang.

SILVER JUBILLEE SAWMNA

I.T.I Corps chuan Dt.27th April 09 (monday) - 1st May 09 (Friday) hian Silver Jubilee kan lawm dawn a, Zirtawp ni (Dt.1.5.09) khian a lawmna ruai theh tur a ni. He hun min hman pui tur hian Veng chhung NGO / Tlawmngai pawl hrang hrang te leh veng mipui zawng zawngte he hun min ngaih pawimawh saka min tel pui turin kan sawm che u a ni.

sd/- (LALCHHANDAMA)
Corps Secreary,
I.T.I Corps.

ITI CORPS SILVER JUBILEE 1984 - 2009

Dt. 1st May 1984 khan ITI Salvation Army hi mi thahnem ngai tlemte in an din tan a. Tichuan, Pathian kaihhruaina hnuaiah hlim leh lawm taka rawngbawlna te kalpui zelin tunah hian Silver Jubilee an lo thleng ta a ni. Silver Jubilee lawmna programme hi naktuk Dt.27-4-09 (thawhtan) zan atang hian kar tluangin a awm dawn a. Dt.1.5.09 (Friday) hian Jubillee Lawmna programme pui ber chhun dar 10:30a.m ah neih a ni ang a, tlai lamah Jubilee Ruai buatsaih an tum a ni.

CHHIARTUTE HUANG

‘I.L.P ANG THO’ : Kan I.T.I Veng chhung ah hian ,hnam dang mi, Hindu nge Buddhist tih pawh hriat loh ‘Thir cher’ te hian kan Pathian ni pawh min serh pui lova, chawlhni zingah pawh an chher bur bur reng mai hi chu, kan khawtlang hruaitu zahawm tak V/C, YMA, leh kohhran upa te thlengin in-beng lo chhi ve teh u.
Indian Constitution Labour Act ah chuan, hnathawk reng rengin kar khatah nikhat an chawl ngei ngei tur a ni tih a awm a. india ram pum ah hian Office, zirna school, , industry etc reng reng an chawl vek a, chawlhni (Pathianni) an zah em em a, athen erawh chuan Nilaini an hmang a, Sevenday in Inrinni an hmang a, kar tlauna chawlhni pawh sawi lova an thawm ri hriat reng mai hi chu, a khamawm hle a ni. A theih hram chuan Dan hamngin emaw ILP hmangin thawnkir emaw, khap bet emaw ni thei se a duhawm ngawt ang. Ngaia neih mai hi thil pawi a ni, Veng chhung tana tha tur kan han tarlan hi hotu zahawm tak ten hma la ngei se a lawmawm ngawt ang.

Lalduhawma Pu.

------------------------------------------------------

infiamna khawvelah hma kan sawn nasain Media (TV etc) atang te pawhin kan thlir chang chang tawh a, hriat pawh ka inti hre vetawh viaua alan lai hian.. kan veng hian hman atang tawh a hmasawn theihlohna lian tak kan la neih reng chu .. Football, Volleyball etc .. Eng game pawh nise, COACH ( Vengchhungmi emaw veng dang mi) te kan han ruaia ve a, Practice te nei a tournament kan han khelh chiah hian coach aia hria halftime, timeout etc vela khelh dan tur leh fuihna thu hrilh tuma kan players te hual tuau tuau ching kan la tam hle mai. Hei hi zep nak emaw ‘KAN MAWLNA KAN SHOW’ a ni. A ni, hruaitu kanni emaw, experience kan ngah emaw, hetiang hunah hian COACH, MANAGER etc tehnathawh hun atan i kian hram hram ang u. Coach chuan players te potential, style, tactic leh an zawh tawk a hria ang a,chumi hre reng chuan coach in khelmual chhungah players te hmangin a thluak/technique a show ang, coach khelh tir dan chu a hlawhtling lova, a tha kan tih loh chuan next Tournament ah chuan coach chu CHANGE mai tur a ni.... Hmmm.. tihian khaikhawm mai teh ang. Pawl hruaitu, veng mihlun, experience nei tha, infiammi senior, sawi duh nei hrim hrim, Pastor, Abrahamovic, Neil Quinn, players te best friend, Boby Charlton, Manmohan Singh leh Sri-Devi, pawh ni la, technical staff zing ami i nih loh chuan i awmhmunah supporter rinawm ni la, thuthmun thawhsana technical area/players te awmna i pan uak uak zel hian, thahnem ngai viau mahla ‘I MAWL FAL NALHNA’ alang tlat zel a nia. Coach, Manager te mawhphurhna ah dah rawh,. tha i tih leh fak ang a, tha i tih loh chuan i sawi sel thiang bawk, helam hawi zawnga kan mawln hi i dahtha tawh teh ang u khai..!
Tin, kan veng infiammi tamtak te pawhin sim hmak tur (mawl veng vengna) kan neih chu mawTournament kan khelh zawh hnu ah. kan jersey hawh submit lova kan kawl reng thin hi a ni. Thenkhat inhmeh fal deuh ten awmhmunah leh practice na hmun thlenga kanla ha zui zel thinte hi chu(h)..!! I jersey a ni lova, in Team/pawl-in inhawh a ni a, su-fai la submit mai ta che. I ta nila i hak/kawl reng khani sportman ta viau lova, miin an ngaisan phah bawklo che a, jersey pakhat (thil te tham) mai mai ah pawh i rinawm loh te chuan sum leh thil dang liantham tam tak ah pawh i rinawm dawn chuang em ni?... I nihna diktak a lang chiangin i inti ZERO vek zel a lawm...

helen of Troy

Branch YMA Executive Meeting Vawi 5-na

Dt.24.4.09 (Zirtawp) zan khan YMA RUN ah Branch Executive Committee
Meeting neih a ni a, thurel tlangpui te :

1) YMA Day hman dan tur: Kumin 2009 YMA Day hman dan tur rel a ni a, Zau zawk leh kim zawka ruahmanna siam turin kum 2009 YMA Day Celebration Committee hetiang hian siam a ni.
Chairman : Pu Lalniliana Hauhnar Br. Asst.Secretary
Secretary : Nl.Mary Lallawmawmi Br. Exe
Member :
1) Section Leader zawng zawng te.
2) Nl.C.Lalhmingsangi Br. Exe
3) Pu Lalkkhawngaiha Br. Exe
4) Pu K.Lalhmuchhuaka Br. Exe
5) Pu C.Lalchhuanawma Br. Exe
6) Pu Darchhawna Br. Exe
7) Nl.Laltlanthangi Br. Exe

2) Dustbin Siam : Veng fai lawmman pakhatna kan lak atanga veng chhunga bawlhhlawh bawm (Dustbin) siam ni 24.1.09 a branch-in alo passed angin siam hna tan nise senitation sub-committee hma lo la tura tih an ni.

3) Committee Hun Nghet Neih : Thla tin branch YMA Executive meeting hun nghet neih nise, zirtawpni vawi 3-na zanah Branch Executive Committee meeting neih thin nise tih a ni.

4) Specialist Doctor : Kan Veng mipui ten awlsam zawka kan rawn theih tur Doctor Specialist, sorkar atanga hmuh dan kan khawtlang hruaitute berawn chunga ngaihtuah a hmalak nise tih a ni.

5) GAS Thuk Lian Lei Thar : Gas thuk lian pahnih (2) a thar lei tha tih a ni a, Property Sub-committee ten lo lei mai se tih a ni.

6) Chhiatni Thatni Fund : Khuangchera Section huam chhungah Chhiatni Thatni Fund la pe lo engemaw zat an awm avangin K.Section area bik atan hian tum khat dang khawn leh nise tih a ni.

7) Khuang Lei Chungchang : Tuna kan khuang nupa neih te enfel a repair dan tur ngaihtuah nise tih a ni a. A tul dan azirin khuang nupa thar pawh lei mai nise tih a ni.Property Sub-Committee kutah mawhphurhna dah a ni.

8) CYMA Sports-a pual bik sum hman : Donation atangin - Rs.8,300/- , Branch sum atangin Rs.4115/- hman tel a ni bawk.

Tual chhung

** ITI Corps chuan May ni 1 khian ruai thenin Silver jubillee a lawm dawn. dt.27.4.09 Thawhtan zan atang hian kar tluangin zantin Silver Lawmna inkhawm programme a awm reng bawk dawn a ni.

** nimin dt.25.5.09 khan YMA chhang sports neih a ni a, YMA chhang member ten nuam an tiin an hlim tlang hle. Results erawh kan hre hman ta lo.

** South Zone Football Tournament Republic Field-a khelh mekah kan veng tangin team thum telin Inrinni khan khan mualpuiin an khel a, thawhtan (dt.27-4-09) ah G.S.A Vs Venghlui leh Young Star united Vs Tuikhuahtlang ten an khel ang.

** Zirtawpni (Dt.24.4.09) khan CYMA leh I&PR Dept. tangkawp Media Workshop an buatsaih ah Branch aiawhin ITI YMA News, News Editor Tv.Lalremliana a kal. Tin, Zirtawpni (Dt.24.4.09) vek hian MBO atangin workshop cum seminar neih a ni a, hetah hian kan branch aiawhin Branch Executive member Tv. Zathangliana leh Pu F.Vanlalruata te an tel.

** ITI Veng Wushu Club ten YMA Hall hman an dilna chu phalsak an ni a, May 2009 thla thlenga an hman phalsak an ni.

** BAG Chhar : ITI Taxi stand chhak P.C.O (Pu K.Vanlalchhuanga) bula ThingKung hnuaiah Bag dum (Sports) chhar a ni a, A neitu-in P.C.O (Pu K.Vanlalchhuanga) ah hian arang lama lam turin hriattir in ni e.

2009 CYMA SPORTS REVIEW

(BRANCH YMA EXECUTIVE COMMITTEE
MEETING VAWI-5-NA) 2009 CYMA SPORTS REVIEW

Kumin 2009 CYMA Sports thlir let a ni a, kan branch atanga participants ten lanna position tha kan neilo na-a, kan branch member inpe te an fakawm hle a, kawng hrang hranga infiamna hmachhawn dan han thliriin kan player tha te fit tak a intihsiakna hmachhawn atan an itawm hlein a alang a, kawng hrang hrang a thlirin beidawn rum rum awl tak a ni thei bawk a, hmasawn tura tan lak erawh angai hle thung niin a lang.
CYMA buatsaih Sports a tel thei branch kan ni hi a lawmawmin branch puitling zia a niin kan hmasawnna ni zelah ngai ila. Tin, participation price Bal-tin (Alluminium) pathum (3) Branch in kan dawng a ni.

Section News

Khuangchera Section

** May ni 9(Inrinni) khian House Number leh Name Plate siam hnatlang neih tur a ni a, Leader Pu R.Lalbiaksanga te Inah inghahkhawm tur a ni e.

** Dt. 25.4.09 (Inrinni) a Volleyball tournament huaihawt an tum chu engemaw rawlkhawlhna avangin thulh a ni a, Dt.16.5.09 (innrinni) ah sawn a ni. entry fee Rs.300/- a ni ang a, pakhatna in ‘Ui’ lian tak an la ang. Entry Free pekna tur chu angai (Pu K.Vanlalchhuanga In Bethel) (leh ITI Kawn PCO) ah apek theih. Tie Draw chu ni 15.5.09(Zirtawp) zanah Pu K.Vanlalchhuanga In ITI Bethelah neih tur a ni.

Vanapa Section

** kar chho khan zing tin hnatlang an nei a, nimin nileng khan lei laih hnatlang an nei a ni. Tin, Zirtawp tlai khan sum tuak nan vawk an talh a, Vawk talh tirtu Pu TC.Hmunliana (V.Sec) chungah lawmthu an sawi.

** Section huam chhunga House No la nei lo leh ti bo tawh ten Section Asst.Secretary Pu Lallawmthanga (Malawma) hnenah in hriattir tur a ni e.

Chhiartute hnena ngenna

YMA Member state danga awmte tan Article leh thu engemaw YMA News a thailan tur thu thawh duh tan ymanews_iti@rediffmail.com ah a thawn theih e. YMA News 'chhiartute huang' ah eng thu pawh a thawh theih a, thu te rawn thawh ve thin turin kan ngen a che u. Chhiartute huang atan bik hian 9862322272 ah sms in a thawn theih bawk e.

SECTION NEWS

TAITESENA : Dt.17.4.07 zingkar hnatlang neih a ni a, Sidedrain leh khawlai remchang thenfai a ni. Hnatlangte thingpui lum nan VCP-in Rs.500/- a pe a, Section Hruaituten lawmthu an sawi a ni. Tin, Taitesena Section hian Name Plate leh house Number an siam zo tep tawh a, an la buaipui mek a, sem theihin an peih fel tep a ni.

VANAPA : Kar tluanin PHE Pipe phumna tur lei laih hnatlang an nei a, kar leh hian zing tin chhunzawm tur a ni. Inrinni zing ah Pu F.biaksanga (T.Sec) vawk talhin an inhlawh a, sum tuak nana inhlawhna siamsaktu Pu F.Biaksanga chungah lawmthu an sawi a ni. Nimin nileng khan lei laih hnatlang an nei a ni.

Dated Aizawl the 19th April 2009

PRESS RELEASE

Sailopari Sailo I.T.I Veng Dt. 14/4/09-a rawng taka vihhlum a ni hi kan lainat takzet a, hetianga hmeichhe awmnem zawk-te chunga hleilenna leh rawng taka kutthlak awm fo hi kan dem a, Sailopari Sailo kutthlaktu hi dan hmanga a phu tawk hremna pek ngei ni rawh se.

sd/-
( ROKUNGI )
President

CLASS 10 RESULTS

Veng chhunga Class 10 pass thar kan hriat theih te :
Taitesena Section :
1) Lalbiaknungi d/o Lalchungnunga 1st
2) Benjamin Lalbiakhlua s/o Vanlalthara 1st
3) Lucy Lalawmpuii d/o Lalbiakmawia 1st
4) Lalparmawii c/o H.Vanlalrawna 1st
5) C.Lalnunpuia s/o PC.Lalnunkimi 2nd
6) C.Lalnunpuia s/o PC.Lalnunkimi 2nd
7) J.Lalhmingliana s/o S Vanlalliana 3rd
8) K.Lalthangkhuma s/o k.Mangchhuana 3rd
9) Esther Lalhruaizeli d/o LZ.Pazawna 3rd
10) C.Lalnunsanga s/o C.Lalhmingthanga 3rd
11) R.Lalramnghaki d/o SL.Liantawna 3rd.
11) Lalhruaitluanga s/o PC.Sangthuama(L) 3rd.
12) C.Lalremruata s/o C.Lalbiakmawia 2nd
13) V.Lalsiama c/o R.Lalengliana

Chawngbawla Section :
1) K.Lalremruata s/o K.Lalremmawia Dist.
2) Vanlalremruatii d/o C.Lalsangliana 1st
3) Lalawmpuia s/o Lalrohlubera 1st
4) Melody Laltlanliani d/o R.Ramfangzaua 1st
5) R.Lalnuntluanga s/o Ramengmawia 1st
6) Amosa Vanlalhruaia s/o Lalsiamthara 1st
7) F.Zonuntluanga s/o F.Zakhuma 2nd
8) Rebeca Vanlalruati d/oPB.Lalduhawma 3rd
9) Lalramnghaka s/o R.Laldingliana 3rd
10) Lalawmpuia s/o Lalrohluchhara.

Vanapa Section :
1) Lalramhluni d/o PC.Lalchawimawia Dist
2) Lallawmzuali d/o Lalbiakngura 1st
3) Lalhmangaihi c/o R.Lalneihkungi 2nd
4) Marvin Zodinsanga s/o HC.Lalrawngbawla 2nd
5) Lalmuanpuia s/o C.Dailova 2nd
6) Cicilia VL.Awmpuii d/o TC.Hmunliana 3rd
7) Rebecca Zonunsangi d/o Zoramchhana 3nd
8) B.Muanzara s/o Lalawmpuia 1st
9) Vanlalchhuani d/o C.Lalzarliana 1st
10) Lalhminghlua s/o Kapngenga 1st
11 Vanlalhriati d/o Ramthangi 2nd
12) Zothanpuii d/o S.Zodinpuia 2nd
13) David Lalremruata s/o Vanlalchhuanga 3rd
14) Vanlalnghaka s/o Liansanga 3rd

Khuangchera Section :
1) Lalremruati d/o FK.Sanghluna 2nd.
2) Malsawmkima s/o K.Lalrithanga 2nd
3) Lalrohlui d/o H.Vanlalchhuanga 2nd
4) Lalrinchhana s/o H.Lalkhuma 2nd
5) Hmingthansiami d/o H.Vanlalchhuanga 2nd
6) Lalhmangaiha s/o F.Lalhmingmawia 3rd
7) Lalparmawii d/o H.Lalthanzama 3rd
8) Lalruatkimi d/o Tialthawnga 3rd
9) Elbethelruali d/o B.Vanlalhmuaka 3rd

HSSLC RESULTS

Tun tum MBSE-in Class-12 results a tih chhuah takah kan veng chhung atanga pass thar kan hriat theih te :

CHAWNGBAWLA SECTION
1. Joseph Ramdinmawia 3rd (arts) s/o R.Laldingliana
2. R.Lalhruaitluangi 2nd (Sc) d/o Ramengmawia
3. C.Lalrinzuali 1st (Sc) d/o C.Lalrinliana
4. Laldingliana 1st (Sc) s/o C.Lalbiaka
5. Nancy Lalrinzuali 3rd (Arts) d/o Lalrinmawia
TAITESENA SECTION
1. Esther Lalruatkimi 2nd (Sc) d/o R.Lalbiakvela
2. R.Lalrindiki 2nd (Arts) d/o Zohluta
3. Laldinpuii 2nd (Arts) d/o Vanlalbuka
4. H.Zodinsanga s/o Neihliana

VANAPA SECTION
1. Lalbiaksiama 3rd (Arts) d/o Thangzela
2. Serena V.L.Hriatpuii end (Com) d/o T.C.Hmunliana
3. Lalduhawmi 3rd (Arts) d/o C.Dailova
4. C.Lalnunmawii 3rd (Arts) d/o Lalhlimpuii
5. Laltlanmawii 1st (Compt. Sc) d/o Lunglawma (L)
6. Lalrinpuia 3rd (Arts) s/o Mankungi

KHUANGCHERA SECTION
1. Vanlaldiki 2nd d/o Ramngaihzuala
2. Isak Lalchhuanawma 2nd s/o K.Dokunga
3. F.Lalrinchhana 3rd s/o F.Lalhmingmawia
4. Hmingthantluanga 3rd s/o Vankhuma
5. Ngilneihkima 3rd s/o F.Lalrina
6. Hmangaihsangi 3rd d/o Chawngchhuana
7. Zorami 3rd d/o J.B.Gale
8. PC.Lalramnghaka 3rd s/o PC.Vanlalhmuaka
9. Lalruatfela 3rd s/o R.Thangzauva

CYMA SPORTS LEH A KAIHHNAWIH

Central YMA Sports neih mek atan Pu PK.Das (Pangkos) chuan Rs.500/- a thawh. Tin, Kar hmasa Central YMA Sports atana pawisa thawhtute hming tihlan zingah Pu R.Zirsangliana Rs.200/- (Chawngbawla Section) tih kha tih sual palh a ni a, Rs.2.000/- tih tur zawk a ni. Tin, Pu Lalhmachhuana K.Section tih kha Pu Lalhmangaiha zawk a ni e. tihsual palhah thupha kan chawi e.

Central YMA Sports-ah hian atel turte kalna atan Pu B.Lalthansiama chuan a Motor phal taka a hmantir avangin Member te an lawm hle. tun dinhmuna Results kan hriat theih te :

Volleyball (M) ah Tuikual ‘S’ 3-1 in kan hneh ta lo, tin Tug of war ah pawh Sihphir 2-0 in kan hneh lo bawk.

Shot put ( (M&W), Jevelin(M) Relay race (M&W) leh 100m (W) ah final round kan thleng pha ta lo. 100m (M) , 1500m (W) leh 3000m (M) ah final round kan lut a, zirtawpni a tlan tura ruahman chu khuain a zir loh avangin a nimin inrinni khan tlan tura ruahman a ni a, nimin result hi kan hre hman ta lo.

EDITORIAL

KHAW-CHHIA LEH HNAWMHNAWK

Tunlai ruahsurin Vengchhung kawr thenkhat a hnawh leh a, kawngpui leh a velah hnawmhnawk a chhawp chhuak hnur a, tuihawk luanna tur mumal pawh awm lovin kawr a in hnawh vek hlawm a ni. Veng tawntirh ‘holy Trinity’ skul bul kawra bawlhhlawh rawn tawlh chhuak chuan kawngpui a hnawh a, motor a kal tlang thei lo hial. Hetianga kawr leh sidedrain bawlhhlawhin a hnawh atam hle a, section YMA ten hnatlangin an thian fai a, VC lam pawhin thingpui lumna te pein an tawiawm a ni. Heng kan veng chhunga kawr thenkhat te hi tuihawk luan theih tura siam a nih chuan heng harsatna kumtina kan tawh thin hi a kiam thei a, tin, siam harsa tak niin a langlo bawk. khawtlang hruaitu ten hmalak dan tur ngaihtuahin; hetia a awm ang tlawnga dah mai lo hian kut thlak dan tur han ngaihtuah sela, Tui hawk pangai taka luang thei tura siam han ni sela, kan veng hian thianghlimna leh faina kawngah pawh nasa takin hma kan sawn ngei ang. Kan Veng hi veng dang aia a hniam avangin veng dang atanga tuihawk leh a ken tel hnawmhnawk kan dawng tha hle a, hei vang hian KAWR tha tawk, tha taka tui hawk luan theihna kan neih angai a ni. Kawra bawlhhlawh paih atam telh telh si a, Kawr te siamthat annih loh chuan, kum tinin kan vengin hnawmhnawk a dawng hnem telh telh ang a, tihfai tur leh kan kawngpui hnawhtu kan ngah telh telh mai dawn ani.

TUAL CHHUNG

**LAWMTHU SAWINA : Pu Dohuaia leh a fate Vanapa Section te chuan an Nu Pi Chalrochhungi Boral chungchangah khawtlang mite tlawmngaihna leh khawngaihna an dawn te avangin lawmthu an sawi.

Volley Ball tournament

**25.4.09 (Inrinni) hian Volleyball tournament siam tum a ni a, entry fee Rs.300/- a ni ang a, pakhatna in ‘Ui’ lian tak an la ang.

**Two Wheeler chahbi tibo chuan Branch Secretary (Pu B.Lalhmangaiha, Mobile No.9862578658) hnenah chahbi awmdan sawifiahin a lam theih e.

**Tv. R.Lalrammawia s/o SK.liantawna T.Sec chu India Under 17 Football Camp neiin tunah hian Goa ah an awm mek a, Tun thla tawp lam hian a rawn haw beisei a ni.

LUIRAL RAMAH

Pi Sailopari (kum 27)
D/O Pi Malsawmi Khuangchera Section chuan Ni 14 April 2009 (Thawhlehni) khan Chatuan ram min pansan ta. tin, Pi Chawngkungi (kum 70)
C/O Pi Zorini taitesena Section pawhin Ni 16 April 2009 (Ningani) zing khan Chatuan ram min pansan ta Khawhar chhungte kan tawrhpui a, Pathianin awmpuiin thlamuan
zel rawh se.

RAN KHUAHKHIRH CHUNG CHANG

Ui leh Ar khuahkhirh chung changah VC te chua nveng chhung hmun hrang hrang tlawh kualin Ui leh Ar khuahkhirh lote, khawtlang dan bawh chhia te hnenah, warning pein an ran te chhuah zalen tawhlo leh, khuahkhirh ve tawh turin hriattirna leh ngenna an siam tawh a. Tun atang chuan VC ten Ui leh Ar chhuak an vai reng tawh dawn a, Ui leh Ar chhuak hmuh, aneitu hriatchiante chu VC Court-ah koin, an chungchang ngaihtuah a ni zel tawh dawn a, chumi hnuah kan khawtlang dan bawhchhia te chu VC Court-in Action lain, an phutawk hremna Lei chawitir an ni zel tawh ang. (VC hian Rs.500/- thleng hremna lei chawi tur theihna dan a hmang thei ang).

He dan bakah hian, kan veng chhung a Ui leh Ar chhuak hi mi tupawhin man theih tho a ni a, miin Ui leh Ar a man chuan a khung/thlung ang a, VC-ah reportin vengchhung Information ah puantir a ni ang a, puantir atanga darkar 24 a ral hmain ran neitu ten Ui a nih chuan Rs.300/- in, Ar a nih chuan Rs.100/- in an khul chhuak tawh ang. Darkar 24 a ral hnu pawha khul chhuaktu an awmlo anih chuan VC-in a duh angin an ran man te ati ral thei tawh ang a, Ran neitu ten an sawi buai thei tawh lovang. Ran manna man hi
Ui 1 (Pakhat) : Rs.300/-
Ar 1 (pakhat) : Rs.100/-
a ni ang. Ran manna pawisa hi a man tuten an tel (nei) vek ang VC ah chhun luh a ngai lovang.

sd/-(F.BIAKSANGA)
Secretary,
Village Council Court
ITI Veng, Aizawl.

HLAWHFA RATE MIPA PUITLING TAN Rs.150/-

Tun atang chuan kan veng chhung hlawhfa Rate hi Sorkar ruahmanna zulzuiin mipa puitling tan Rs.150/- hmang vek tawh turin veng chhung a Hlawhfa la thin tute zawng zawng kan hanin hriattir a, lo zawm theuh turin kan hanin ngen nghal bawk a ni.

19th(Sunday) April 2009

Y.M.A CHHANG SPORTS NEIH A NI DAWN

Dt. 25.4.09 (Inrinni) hian Nilengin YMA Chhang Sports neih a ni dawn a, Programme hi zing dar 6:00a.m ah tan tur a ni. Zing dar 6:00a.m ah hian G.S.A field ah football khelh tur a ni. Zing dar 10:00a.m ah G.S.A Volleyball Court-ah Section tinte inchhiarna neih a ni ang a, inchhiarna neih zawh hian intihsiakna dang te neih chhunzawm leh tur a ni ang. Hemi ni a kalte hi eitur tui tak siam sak an ni dawn a, hemi atan hian sawhchiar siam leh tul dangte lo buaipui turin Branch O.B leh Section tin Asst.Leader te ruat an ni. Tin Section tin te Colour (Rawng) siam hran theuh an ni a, Section tin te colour tur chu :

Taitesena Section : A Sen
Chawngbawla Section : A Hring
Vanapa Section : A Var
Khuangchera Section : A pawl

Mahni Section rawng theuh hi hemi ni a kal te hian kan nei remchang a ni chuan hak theuh tur a ni.