Branch YMA Hruaitu thlang dawn ta

Ni.15.12.09 (Thawhleh) zan hian kum 2010 kumthar hruaitu tur thlanna neih tur a ni a, nomination committee-ah Branch executive committee chuan hengmite hi a ruat a ni. Convener: Pu R Lalthankunga Sr Adviser , member te: Pu H Lalduhawma Br executive committee member leh Pu V Lalzawmliana te an ni. RO atan VCP Pu F.Bawithuama ruat ani a, PO ah nomination Committee zawng ruat an ni.

YMA dan bu Bung 3-na chang 28(9) “Branch YMA Office Bearer-ah nihna ngai a zawnin kum 3- bak chelh theih a ni lo” tih tun General Conference-in a lo Passed chu CYMA Committee-chuan rawn ti chiangin, Br YMA tin te hmang nghal tur a tih kan ni. Tun kum atanga chhiar tanin, kum 3 bak azawnin OB ah nihna ngai chelh theih a ni lo a, kum kal ta kha chhiar loh tur a ni a, tun kum atanga chhiar tan chauh tur a ni.
Kum 2010 a ITI Veng Branch YMA Office Bearer thlan tur atan Nomination siam a ni a, chung mite chu :
1. CVL.Siama (T.Section)
2. F.Zakhuma (CH.Section)
3. Vanlalrema (V.Section)
4. Lalremtluanga Varte (T.Section)
5. F.Zirliana (V.Section)
6. P.Zoliana (T.Section)
7. K.Lalngurliani (K.Section)
8. Synodsanga (CH.Section)
9. B.Lalhmangaiha (T.Section)
10. Darchhawna (V.Section)
11. VL.Dingliani Sailo (V.Section)
12. HC.Lalnunthara (T.Section)
Programme :
A Hmun : ITI Veng YMA Hall
A Hun : Ni 15.12.09 (Thawhleh) Dar 6:30pm
Hruaitu : Pu P.Zoliana Br.President
Hunserh : Pu V.Lalzawmliana
Special Item : 1) Pu R.Lalkohbika (Solo)
2) Nl Vanlalruati (Solo)
3) Tv Ramdinmawia (Solo)
4) Wonder Forever (Dance)

Zai Hruaitu tur te: 1) Pu R.Lalkohbika
2) Pu Martyn Lalramnunpuia
Hla Chang Sawitu : Nl C.Lalnunpuii

Zaihona tha tak neih theih tum a ni a, a tul dan anga request programme kalpui tum a ni. (Thingpui tui tak buatsaih a ni ang).

Tualchhung

Luiral Ramah
Pu Thankhuma H/o Pi Mangi Vanapa Section Kum 75 chu Ni 12.12.09 (Inrinni) zing dar 4:45am khan chatuan ram min pan san ta. Khawhar chhungte kan tawrhpui -in, Pathianin thlamuanin awmpui zel rawhse.

Kawn (T.Park) Chei ani dawn
Kan khawtlang hruaitu VC te hmalaknain UD&PA in kawn cheina Rs 10,000/- min pe dawn a, Branch YMA hruaitu ten Monday-ah hian an la dawn niin hriat a nia, hma la tute an fak awm tak zet. Hnatlang pui neih a ngaih leh ngei a ngaih hmel a, YMA member te i lo inkau ila a
tha hle awm e.

THIL BO...
Kuang khuhna ( A hring dal) Br YMA ta chu a awmna chin hriat lohin a awm mek a,a awmna chin hria chuan Branch YMA hruaitu te hnenah emaw YMA NEWS EDITOR hnenah khawngaih takin min han hriat tir teh u khai.

Naute Thar Nei
Pu Varhmingliana te Nupa (Taitesena Section) te chuan Fapa thar duhawm tak an nei a, kan lawmpu e.

Lawmthu
Ni 25.11.09 a boral
Pi Roengi kum 64 an khua Neihdawn a aruang phurh chungchangah Vengchhung mite tlawmngaihna avangin Pu Rodawla te chhung chawngbawla Section chuan lawmthu an sawi.

khawmpui Thleng
Republic ITI Isua Krista Kohhran te chuan General Assembly (Khawmpui) an thleng a, Inkhawmpui hi Zanin hian a tiak ang.

Mi thlauh chhar
Pi Laldinpuii (Mimi) (Ph - 9862380992) c/o Pu Zanawka Taitesena Section chuan an In zawn kawngpuiah Ip dum a chhar a, a chhunga thil awm te sawiin a hnenah a neitu hian lam theih a ni e.

Sum Audit
Ni 10.12.09 (ningani) zan khan YMA Library room ah Branch Sum leh YMA News Sum Audit a ni.
Branch sum Dinhmun
Rs.214706.00 Recv.
Rs.148498.00 - Expt.
Chhiatni, Thatni -
Rs 70903.00 Recv.
Rs 70903.00 - Expt.
Sumpui atang hian chhiatni Thatni a indaih loh avangin Rs 2708/- hman a ni.
YMA News :
Recv - Rs.53034/-
Expt - Rs.12845/-
Taitesena Section
Total income : Rs.16,035/-
Total Expdt : 11.416/-

Editorial

Hruaitu thlang ang le'
Kum 2010 chhunga Branch YMA hruaitu tur kan thlang leh dawn ta a, YMA Member ten kan mawhphurhna leh kan tih tur ani tih hre rengin member te inthlan zanah kim takin kal theuh ila, kan thiante sawmtu zawkah tan theuh i tum teh ang.
Branch YMA-in Nomination Committee a din angin Nomination Committee chuan Nomination a siam a, heng te hi uluk takin lo thlir ila. Inthlan zan hian Programme pawh member te tana hlimawm tura duan a ni a. Tin, mitin ten YMA inthlang kanni tih hriain tawngkam uluk leh thlahdah loh a tha hle. Inthlan zawh hnuah pawh Nomination chungchangah eng thu emaw kan pai ru anih pawhin midang beng tikham zawnga tawngkam hman loh te hi a tha hle a ni. Tun tum chu Hruaitu thlan zanah YMA Member te kim thei ang ber a kal turin beisei kan ni tih te hre reng ila, Member ten phur takin kum 2010 kan hruaitu tur thlang ang le.

Chhiartute Huang

** Het2 mai,? Krismas a lo hnai leh ta, lenrual duh ten hlimte’n kawplai ‘D’ nen an leng ang a, keini zawng mahriak te in chhawrhthlapui hnuaiah (Aw kumhlui) hla sa leh mai teh ang, thalai te ruihhlo tel lovin hlim takin aw....
- Guns over flower.G7
 
** Lalhriatzuala s/o Khawlthanga Sailo vanapa section mi kha Gu Jung Pyo a i ang kan ti lutuk che. Vacancy te la awm em???
- Duhlai

**  Street light eng deuh chi, Vanapa section a awm kha, thlanmualah hian awm thei zawk se a tha lo maw? Nge VC te awmna veng a nih vang ... nge kan veng lamah VC member kan neih ve loh vang..???
- Thlanmual-thim-hrehawm-ti-a.

**  Khawngaihin aw... kan ti ve lawk.. thahnem ngaih thu.. veng faiber kanni ta fo mai, a lawmawm lutuk, kan thawh hona leh kanin lungrualna a fakawm a, tihzel tlak a ni. . Hetih rual hian maw.. mualpui road a vawk talh thin te hian zilh hauna tawngkam tha anla dawng lo ani mai thei, hei aia thianghlim hian an ran talh te an sawngbawl thei ang mawle.. Veng hrana kan thiante leh kan mizopui ten an ei ve ngei awm si a...!!
- Five Ten.

** Falkland Lalpa Pu KB, i scooty dum tle zak chunga palang nen, dak vah mai a in chuang hi chuh.. Dampui nula ho ha i ti trim ania aw... Falkland Lalnu Zirpui, Scooty chahbi kawl rawh.. kan tan tlat che..
- Dampui MHIP.

** ITI a pianga seilian ka ni a, A nuamlo ka ti phal mawlh lo. Mahse khawimaw laia lo insual buai hmuh tur awm thin hi chu, awm tawhlo hram rawhse, Christmas leh kumthar vuakvet velahte pawh (Buaina) i buaisaih lo hram hram ang u. Chuan... thudang, P.Mawia Rilru zau tak i pu a, ngaihsan awm khawp mai
- Cancerian Boy Rlnth

** M@***pui Ka lawmpui lutuk che, A hun ve tawh reng a ni..!! Khawtlangin kan lawmpui che.
- Ungsukhuan.

** EPIC EASIN UTD member zawng zawngte Christmas leh Kumthar chibai vek ule.. Tin, Tournament in khelh mekah in chak kan lawmpui che u a, in khelh chhoh leh zel tur ah pawh chak zel turin duhsakna sangber kan hlan a che u.
- EEU Fans.

Chhiartu te huanga thu thawh duh tan, 9862322272 ah sms in a thon theih e, YMA Library Kawngka bul a Letter Box-ah a thlak theih bawk e. Tin, Chhiartute huanga thu chhuah te hi Editorial Board ngaihdan a ni vek kher lo.

YOUNG MIZO ASSOCIATION , ITI VENG BRANCH.(2009) SECRETARY KUM TAWP REPORT

Branch member zat: Vanapa Section : 376, Chawngbawla Section : 437, Taitesena Section : 484, Khuangchera Section : 312, total :1609. Office Bearer neih zat : 6. Branch Executive member neih zat : 26. Senior Adviser neih zat : 3. Section neih zat : 4. Branch Executive neih tawh zat : Vawi 12. O.B Meeting neih tawh zat : Vawi 10
@ Hnatlang neihdan tlangpui : Veeng chhung thianfai a hnatlang vawi 30 lai kan neih thin bakah Sub-committee hrang hrang hmalakna atangin hnatlang vawi 16 lai neih a ni a, hengah hian member tlawmngai mi engemawzat hnatlanga chhuak thin te an fakawm tak zet. YMA chhang hnatlang taima tak tak te avanga kan khawlai han fai em em mai te hi sawi hmaih phal chi a ni lo, an hlu thlawt a, kan chhuang tak zet a, nakin lawka kan khawtlang hmel lanna tur an ni.School hrang hrang, Kohhran thalai hrang hrang,NGO hrang hrang veng chhung thianfaia hnatlang nei thin te, kan khawtlang hruiatu te inpekna leh an mi kaihhruaina, sum leh pai thahnem tak seng a, veng chhung faina tur a hma an laknaan chhuanawm kan ti a, a va lawmawm tak em!
@ YMA Hallbul Jubilee lungphun chung khuh siam a ni.
@  Kumin 2009 chhunga mitthi kan neihtawh dan : Vengchhunga vui : 27, Ruangchhuak : 6,
@ Pem lehkha dawn : 26, Pem lehkha pekchhuah=38
@ Kumin chhunga YMA bungrua heih thar te:- 1) Gas thuk lian 2 nos. 2)Silpouline 3 nos.( Social welfare 2nos & Pu J.Vanlalliana T-sect. Donated 1 nos. 3)Tea Cup 8 Dozens.4)Chawngbawla section YMA a tangin chhiatni/ thatni a kan hmanrua silfaina Steel chawhtawlh/Thleng lian tha tak pahnih Branch tana an siam te.5)Vanapa section atangin Tui bottle engnge mawzat Bungrua a YMA tanpui thin tu te chungah Branch YMA chuan lawmthu a sawi tak meuh meuh a ni.
@ YMA chhang sport hlimawm tak neih a ni a, he sport a tihthat dan indawt a, an lawmman lak te Branch-ah chhunluh vek a ni.(Steel chawhtawlh pali. i/c te an inpeknaah an fakawm tak zet).
@ Information Bungrua engemaw zat neih thar a ni bawk.
@ Hmalakna langsar zual te: Social Education Deptt.a tanga YMA HALL cheina tur sanction Rs 350,000/- kan dawn hmangin YMA HALL kawngkhar zawng zawng thlak thar a ni.Zunin panna varanda thlanglam siam thar a ni a,tui chhe luanna mumal tak siam a ni. kan rinrawl ber tuizem lian a lo chhiat tawh avangin tuizem(syntex) lian lei thar a ni a, tin, a awmna hmun pawh tha zawka siam that a, sawn a ni a, a chung pawh mawi hnai taka rangva thar tha chi ngat a khuh a ni.Library chung ceiling siam thar a ni. Book cell kawngkhar pawh mawihnai taka siam thar a ni. Hall chhung leh pawn rawng hnawih thar a ni.Hall ceiling mawi taka siam a ni a, chumai nilovin Hall chhung electrification- tih changtlun nan tube light 9 dahbelh a ni bawk.Kan Hall/ YMA RUN, LIBRARY-ah tui hmun leh tui a hmuna hman mai theih tura internal connection- tha tak siam a ni.
@ NSS(mice) atanga sanction Rs 10,000/- kan hmuh hmangin Bus waiting shed nuam tak, vengchhunga city Bus service lo nghak tute thutchawlhna siam a ni.
@ Vengchhung atanga damlo Damdawiin a admit mi engemawzat YMA hminga pawisa faia tanpui an ni.
@ YMA leh SSA tangkawp hmalakna atangin Vengchhunga zirlai harsa zual mi paruk hnenah an zirna atana mamawh Rs 2100/- man leisak a sem fel a ni.
@ Branch YMA in kumtin a lo kalpui thin angin kumin 2009 pawh hian chrismas present vengchhunga chhungkaw harsa zual te tan Rs 5000/-hman a, sem tura ruahmanna siam mek a ni.
@ Dated 7th December 2009 khan PHE Dept hmalakna kal mek Vantlang inthiarna changkang tak siamna, sak theihna tur Work Order chu Hall compound remchang laia sak a nih theih nan lak fel a ni a, a hnathawh dan tur erawh chu Kum 2010 Branch YMA hruiatu tharte hmalakna hmasa atan an kut a dah a ni.
@ Vanduaithlak takin kumin hian kum dang kan tawn ngailoh kan Branch chhungkuaah hruiatu atanga chatuan ram min pansan ta kan nei a, a mah chu Pu Lalthangpuia Vanapa section Secretary chu Dt. 7.Aug.09(friday) khan YMA member ten ui takin pawndum nen kan thlah a, a kalsan chhungkua te Branch YMA chuan a tuarpui tak zet a ni.
Kumin 2009 a chhiatni thatni fund kan khawnkhawm tlingkhawm te thilman lo sangzel avangin kumtawp hmaa hman zawh a ni a, khawtlang mipui ten rilru zau tak kan put a, kan inhuamna te pawh kan san hret a tul dawn ni te pawhin a lang ta.
Kum 2009 Branch YMA Sum dinhmun:
Hmuh zawng zawng : Rs.214706.00
Hman zawng zawng : Rs.148498.00
@ CENTRAL YMA Sport kan tel ve atangin Participation Prize Baltin (Aluminium) 3 nos dawn a ni.Infiammi Branch ai awh tin te kan chhuang tak zet.
@ Cultural Meet 2009 Zarkawt Recreation Babutlang-a neihah kan Branch aiawhin member thahnem tak Social & culture Sub-Committee hmalaknain tel ve a ni.
@ Veng faiber nihna (kumin 2009 Faina Hapta hman liam takah kan hauh leh hlauh kan khawtlang hruaitu te kaihhruaina inn lawmman hlu tak Rs10,000/-kan la a, Citation mawi tak nen heng pawisa hmang hian veng chhunga khai tur Dust Bin- tha hnem tak siam mek zel a niin, hmunphiah, khawlai phiahfaina tur Rs 600/-man lei thar hlim hlawl a ni.

Kum 2010-atana Branch YMA Hruairu Thlan

Pathian hruaina leh malsawmna dawngin kum 2009 kumtawp lam kan lo chuangkai leh ta reng mai ! Khawtlang rawngbawlna a kan hmalakna kawng hrang hrangah YMA Member tin te thawh hona duhawm tak a vangin hmasawnna ke kan pen chho bek bek zel a, a lawmawm tak zet a ni. Kum tam tak kan chhuikir lo thei lovang, kan hruaitu hmasa te sul lo sut kuak a kan hmasawn chhoh mek te hi an thawhrimna duhawm tak hrerengin, zah leh ngun taka chhut chunga kan mawhphurhna hlenchhuah ve tur kan neihah YMA Member tin te tlanchhe mai bik lo leh tei bosan mai lova Mizo Thalai ten heng kan Vengchhunga YMA-in hma a sawn chhoh zelna tur a Hruaitu thlan hun lo inherchhuak thin te kan ngaihpawimawh a, Member a kan inpek chhanin a ken tel tlat a ni tih kan hriat a, kan Veng leh Khawtlang hmangaih tak takna thinlung pu Br YMA / Section YMA hruaitu tur te thlang tu tur kan nih hre thar leh theuh teh ang. Hruaitu hlan zana Member pungkhawm kan chhiat viau hian, kan hmasawnna tur daltu/tichhetu kan lo ni reng tih hi Member ten kan haider loh hram a tha hle ang.
Tichuan, tun kum Dec ni 15 zan a Kum 2010 chhung a kan Branch YMA hruaitu tur thlan hunah pawh Member te kan Hall a leng lo khawp a kan punkhawm ngei theih nan he hun hi i ngai pawimawh hram hram ang u. YMA member pungkhawm te a huhova ramngaih hla han sak ho dup dup pawh a chakawm e...Member ten tul dang kalsana kan ngaihpawimawh ngei a va tha em ...!

ADMISSION NOTICE

Springfield English Secondary School
Springfield English Secondary School chuan kum sarih-na tur admission a hawng leh mek a, uluk leh fel fai tak a enkawl theih tur chin chauh admit tum a ni ang. H.S.L.C Result neih tawh dan:
Year                      Percentage                       No.of Passed
2004-2005               90.9%                                    62
2005-2006               96.67%                39+41 (Old Course) = 80
2006-2007               93.33%                                94
2007-2008               100%                                  120
2008-2009              98.91%                                 116
Matric Passe tawh zat : 472
Contact No : 9436196215, 9436789530, 0389-2317361
Sd/- Principal

ITI Veng High School
ITI Veng High School lut tur te tan a hnuaia mite hnenah hian Admission tih
fel theih a ni e.
1) Pu K.Lalremsanga & 2) Nl.Laltlanthangi
Admission Fee : Rs.200/-
Monthly Fee - Awmlo/Ngailo
(1st Div. chin Admission Free)
Sd/- Headmaster, ITI Veng High School.

Bethel English medium School
Bethel English Medium School a lut turte tan KG I- class VII tan Zing dar 10 - chawhnu Dar 2 thlengin Working days ah Admission a
tihtheih reng e.
Admission Fee ah admission thar ti tur tan Rs.800/-. A hlui tan Rs.700/- a ni.
Hriatchian duh nei tan : Ph No - 9862223142
Sd/- Principal

Oriental High School
Oriental High School a lut tur te tan Admission a tih theih reng e. Admission Fee Rs.500/- a ni e. Admission chungchanga hriatchian duh nei chuan a hnuaia phone No ah hian a zawh fiah theih e.
Ph No. 8956836626
Sd/- principal, Oriental high School

Genesis English School
Genesis English School, Bethlem, A.Lalvunga Building-ah Nusery - Cl VII tan admission hawn a ni e. Admission ti duh tan Monday - Friday 9:00 A.M - 3:00 P.M thleng School-ah a tih theih e.
Ken Turte: - 1. Passpost Size Thlalak - 2 Copies
2. Admission Fee - Rs.300/-
3. January 2010 Fee - Rs.250/-
Ph -9436199758/9612166416, 0389-2322673
Sd/- Principal ,Genesis English School

VIVE

TK Sailo
Leitlangpui(Lunglei) ka kal hmasak berah mizo zaithiam zinga ka duh ber Bethsy Lalrinsangi ka hmu ngei tur a ni tia thu ka lo tiam tawh ti hlawhtling turin, zah pawh dawn lovin Dt.17.11.09(Tuesday)khan an in-ah ka kal ve thuai a, mahse he mi tum hian College Sport- an lo nei hlauh a, kan in hmu ta lo. A chhungte hnenah, naktuk zingah ka lo kal leh ang” ka ti a, khua a lo var a, an in lam chu ka pan leh ta hnuang hnuang a, a pi dam that loh vangin zan an mengrei deuh a, a thawh hmain an in-ah chuan ka lo nghak ran tawh a, a lo tho chhuak a, aw! a tak ngei in, nung chungin ka hmu ta. A u chuan hei hi a nia, nimin tlai a lo kal chu, a tih zawh hnu rei lo te an, inhmelhriat tirna kan nei chhunzawm nghal a, ka chibai pahin, Bengkhuaia tupa Lalthlengkima sailo ka ni e. ka ngaisangin, ka duh lutuk che” ka ti zo chiah chu(h) unaupa Zawma Egypt khawpui Cairo- a kal, a mah lo hmuak tu Aigupta nula hmeltha rual kut a chibai mai duh tawk lo, ka fawp kher dawn’ a tih kha a lo lang a, a kut a chibai mai kha keipawn ka duhtawk bik lo?Chumai a la ni lo, a hmuh loh laiin mit ka ‘siai’ sak.. RALHRAT EDITOR P.Mawia ten a puan hmawr chauh pawh dek ila, an ti ngam tawk .Tunah hian Aizawl-ah a awm mek a, a zainaah kal ve turin min sawm hial a sin..
VIVE-eng tih na nge? Thu tam tak sawi a, inzawt a, a thingpui lum tui tak kan in dun hnu chuan, I.T.I Veng, kan Vengah ngei mai hian Tualchhung Chanchinbu ka chhuan em em YMA NEWS- Fatu te zingah ka tel ve thu kan hrilh a, kan Edotor-a te, University Of Mumbai-a ka thianpa Vavoha & ka Chhass meuh pawh ka hrilh phal loh VIVE-hi mizo tawngin eng tihna nge’ tih, min zawt ta mauh mai le, khawiah mah ka la puanzar phal loh chu ka phawrh chhuak a, ka inpuang rup mai, ka thu tiamah ka ding chang zo ta lo.Ih maw! nangmah chauh ka hrilh ang che aw, French- tawng a nia maw, Mizo tawng chuan, “Dam reng rawh se” tihna a ni e” ka ti ta a..Bethsy-i zar in zo e!Ei lo fe fe an awm leh ngei ang.
Kan Br YMA kan inthlang dawn:Tahrik 15.12.09(Tuesday)hian kan Br YMA kum 2010-hruaitu tur kan thlan tur chungchang ka sawi pui a, thawk peih tak tak mang si lo, hming thatna chiah duh Pu Moses-a te I Dol, Pu Ni-a Hauhnar hi chawl tawh turin thu min rawn..He2!!
Kan tel ngeina chi a ni: Kan hman a, kan dam a nih ngai chuan keini te ang Br YMA puitling chuan kan ngai hluin kan zah hle turah a ngaih theih, tumah thlan tur pawh ka hre lo, an thlan sa hi an tha mai a lawm ti a, namnul ching mi chu mi puitlingah chhiarloh a tha viau ang em?tiin zawhna kan siam a, ni e ti raw, kei pawn heng hun hi ka ngaipawimawhin, ka mi it zawng tak thlang tura kal hi tha ka ti” a ti a. Tin, inthlan na a kal te hi a hlawk thlak”a ti a. Eng nge a chhan? mi puitling & mi thiam tak tak ten thu tha min hrilh thin a” tiin min chhang a.Mi khawsa zia a tangin inzirna tur a tam thin reng a ni.Mi fing chu mi cheziaah a in zir thin si a. kei ni ho hi?
Harh fim in aw: Inthlan zanah hian keini Veng nula & tlangval te hi zawng hrilh lawk kan ngai lo Bethsy-an fel tawp, mi puitling kalkhawm tih takah rui chung & mawl taka inthlan an duh teuh lo, thing an ti a, zahthlak an ti a, an hmusit zawk a sin, hming chherna nei lo, in tihlar tumna ang lekah an ngai thin.Hun a kal anga, inchhirlehna tura awm an duh teuh lo.chutiang mi nih te chu kan Veng thalai rual kawng tin reng a hmsawn mek ho hian an duh bau dawn lo..Section feeling- pawh a awm dawn lo??
Bethsy- tu nge kan thlan ang? Section-ah tak ngial pawh hruaitu la ni ngai mauh lo pawh thlan chhuah takah chuan a hman tlak viau thei a.Hruaitu la ni mek ho hi an la hman tlak viau rualin, thangthar thachak zawk lut ve ta nawlh sela kan chak phah viau thei. Thangthar te mil a khawsa thiam, khawtlang tan a in pe, Mi tlawmngai, hmahruai thiam..... sawi vek sen a ni lo, tu nge? eng mi nge i thlan dawn??Val upa ten an rawn chhawp chhuah chin tawh hi chu mi pangai chunglam thah an ni tawh a, thlan tlak vek an nih ngei a beiseiawm.!!An tlin tawk bik lohna te hai derin, lungawi taka, Pathian rawn chunga inthlang turin thalai rual te kan in sawm a ni!!

Branch YMA Executive Committee Meeting Vawi 12-na

Ni 4th Dec 2009, (Zirtawpni) 6:30pm khan YMA Run-ah Branch Executive Committee Last Meeting neih a ni a, Thurel tlangpui te :

Kristmas Present : Kumin 2009 hian kum tin a Branch YMA-in alo kalpui thin Kristmas leh kumthar Present Veng chhunga mi harsa zual tanpuina atan Rs.5,000/- rem tih a ni a. A thlan dan tur erawh chu Section tin hruaitu ten mahni Section a mi harsa zual te lo thlang chhuakin, Branch OB te nen a la thitfim leh tura rel a ni.

CYMA Chanchinbu man : Heng ahnuaia tarlan te hnenah hian Branch Executive Member ten CYMA Chanchinbu man 8th Dec ‘09 ral hmain pek fel vek tur a ni e. (Lak man - Mi pakhat tan Rs.70/- a nih kha). Taitesena Section - Tv K.Lalrinpuia, Vanapa Section - Pu C.Vanlalrema, Chawngbawla & Khuangchera Section - Pu Lalkhawngaiha.

Vengfai Lawmman Hmanna : Dustbin 75 siam a ni a, 19th March 09 khan ITI Trade hrang hrang te hnenah Principal Pu Lalmuanawma hmalakpuinain Faina kawnga awareness hman a ni a, Hmunphiah Rs 600/- man lei thar a ni bawk. Faina kawnga Veng chhung mite kan tanrualna leh theihtawpa kan thawhna-ah Branch YMA chuan lawmthu a sawi a ni.

Thlanmual (Report) : 2009 a phum Mi 26, Ruang chhuak Mi 6, Total Mi 32. Thlan nghaktute infiamna tur Chess leh Draugh Lung, Checker lung te a bo avangin lei thar a ni.

Committee Kalkim lawmman : Kum 2009 chhunga Branch Executive Committee Meeting kal kim a hnuaia te hnenah lawmawm pek a ni. Committee Meeting kal kim te :
1. Nl. Vanlaldingliani Sailo
2. Pu Darchhawna
3. Tv Zathangliana
4. Pu P.Zoliana
5. Pu B.Lalhmangaiha
Kal kim te hnenah hian lawmman atan Plastic Bucket Rs.99/- man sem a ni.

Vantlang inthiarna Hna : S.E PHE Aizawl Dist atanga Vantlang inthiarna YMA Hall Compound siam tur Work Order chung chang bawhzui dan tur leh a thawh dan tur, Branch OB leh Senior Adviser te kutah dah a ni.

Halpuah chungchang : Kristmas leh kumthar vuakvetah kan khawtlang a halpuah etc leh thil tha lo laka kan veng a fihlim theih nan hmalak dan tur te rel a ni.

JAC Fund : Krismas leh kumthar vuakvet a JAC Duty ten a tulna apianga an hman tur Rs.2000/- chhunluh / pek ni se tih a ni.

Hnatlang : Vengchhung vawn faina kawnga hmalakna pawimawh tak kan tih thin, vengchhung tihfai hnatlang chu a tul huni apianga koh/rawt zel nise tih a ni.

Tualchhung

Naute Thar Nei
YMA News Editor Pu Martyn Lalramnunpuia
chuan fanu duhawm tak a nei thar, Tin, Pu Biakchungnunga T.Section Asst.Leader te chuan fanu duhawm tak an nei thar leh ta bawk, kan lawmpui e.

Section Sum Audit
Khuangchera Section :
Total Income : Rs.9,884.00
Total Expt : Rs.9078.00
Balance : Rs.306.00
Chawngbawla Section :
Total Income : Rs.12,036.00
Total Expt : Rs.11,190.00
Balance : Rs.846.00
Vanapa Section :
Total Income : Rs.14,729.00
Total Expt : Rs.11,885.00
Balance : Rs.2,844.00

JAC-in Khap
Tun Christmas leh kumthar vuak vet ah JAC chuan vengchhung mipuite puak thei thil reng reng hal lo turin min ngen a, boruak muanawm leh thianghlim tak he hunah hian nei thei turin JAC chuan theih tawpin tan ala mek zel a ni.

Hnatlang nei
Nimin zing khan Branch YMA chuan vengchhung tihfai hnatlang a nei a, YMA chhang an tangkaiin
an thawkchhuak tha hle a, YMA member te erawh thawkchhuak kan chhe deuh a, tan thar kan ngai hle a ni.

Jt. Advance Christmas Hmang
Nilaithawhtan zan khan ITI Corps Prayer Hall ah Vengchhung thalai ten Jt Advance Christmas hlimawm takin an hmang.

JAC Fund
Kristmas leh Kum thar vuakvet laiin JAC Duty an awm thin a, tlaivarin hah takin an duty thin a, heng mi-thahnem-ngai, Veng chhung ven hna thawk tuten atulna apianga an hman tur tanpuina hi khawn a ni dawn a, he a khawn hna hi Branch YMA-in a kut ken dawn a, Mahni remchan ang tawk zelin chhungtin ten lo tanpui turin kan inngen a ni e.

Library News
Ni 4.12.09 khan Raja Rammohan Roy Library Foundation (RRRLF) atangin tanpuina (State Library kaltlangin) lehkhabu 95 lai dawn a ni.
 YMA Library hi Ni 12.12.09 thleng lehkhabu hawh chhuah theih a hawn tum a ni a. Ni 19.12.09 ah chuan kan Lehkhabu hawh te kir vek tura hriattir leh ngen kan ni e.

ITI Veng VC Thuchhuak
Kan hma lawk Christian tana kan hunpui hlim tlang taka kan hman theih nan tunah hian kan Vengah Join Action Committee (JAC) din thar a ni a, VC,JAC leh VDP tangtlang te chuan, khawtlang thenfaina hna a thawk chho mek a, tun atang chuan khawtlang phalloh thil, Zu zawrh, Ruk-ruk, Zuruih vanga buaina siam te an awm a man an nih chuan Krismas -Kumthar zawh hma chu tan tir an ni tawh dawn a ni. Thilsual ti lui te dim an nia lovang.
Dated 3.12.2009 khan zu zuar man an ni a, an kut atang hian ZU fun 65 a ni a, an zu kawl te nen hian Police hnenah hlan nghal an ni. Heng mi te hi-1. Chalthanga S/o Lianpauva
2. Lalhuthanga S/o Lianpauva
3.Iangi D/o Lianpauva
Sd/- Secretary VC.

Editorial

Beiseinain Hmalam
Kan kal bek bek a, kum tawp kan lo hnaih leh ta kuar mai, Zirlai naupang thenkhat ten an kumtluan thawhrimna chu hlimtaka an seng laiin thenkhat chuan ‘Tih that peihloh rah’ lungngaihna nen an seng a, chutiang bawkin zirtur ka neilo, zirlai ka ni tawh lova pawh ti te pawhin kan nun theuh in enin kan kum khat hun hman theuh kha han chhut ila ‘Chumi khami kha ka lo ti ta kher kher a, a va han pawi tak em’ tih vawng vawng tur kan lo ngah lo maw ?? Nge ‘Tun kum ka hman dan chu ka lungawi mai nilovin, chunglam a mi pawh khi a lawm ve ngeiin ka ring’ kan ti ve thei dawn le ??  Ni e mitin te hi kan hun kal tawh te hian eng kawng emaw zawng theuh hian min nghawng let leh thin tih chu a hre tu te theuh kan ni ang, thenkhat te kan tih sual pawi kan tih vawng vawng tam takin min delh rih em em laiin thenkhat chuan kan thil tih tawh te a vangin vanneihna engemaw tak kan tawk /chang bawk ang. Heng auh kir rual loh kan nunhlui te hi ( a thalo lai) siamtha thei tawhlo mah ila kan Future thleng thleng khawih buai tur erawh chuan kan rilru hi nem lo sela, kan tihsual tawh chu engpawh lo ni se, rilru paukhauh takin ‘Ka tihsual tawh chu ka tihsual a ni a khawnge ka hmalam hun turah hi chuan siamthat ngai tawhlo turin tan kan la teh ang’ ti thei ila...Chuan, nun a lo zangkhai sawt dawn mai bakah sawngsawhlawtlo takin kan rilru kan tihah thlawn lo a ni mai dawn si.... Hmalam beiseina nei tawh lo nia inhria te hringnun rapthlak zia chu kan hriat fo angin a tawpna a chhiat theih zia darthlalang a hman tur tamtak kan tawngin midang nun a tang te pawhin zirtur tamtak kan hmu fovin a rinawm. Chu tianga insiamthat nachang hre lo kan nih chuan ‘Future a va Bright lo em’ tih kha kan thunawn a ni ve maiang tih a hlauhawm si a...

Chhiartute Huang

** Sweepy,Piana,Vala, Valkawnga (Tv Senior ho)Sangte,Pate,,Rova,,Mama Pa,Marema (w/o Zorini,Sangtei,Juliet, Sangpuii, Partei) etc.... Khisma Card lei a buaithalak...sum a hek mai2...YMA News Kaltalangin Kumthal nen.. Chhibai bek mai ule.
-Sunder Ali Sailo

**  Pu Editor kar hmasa Article kha chhiar a va nuam em ! Mizo te mizia hi fak vek tlak a ni lo reng a ni....mahse kan mize tha lai chu i vawng nung zel ang u.
- L.Liana

** Pu Editor kan veng YMA Hall hi, Vengchhung miten TT kan khelh theih loh laiin Vengdang miin an duh duhin an hmang thei bawk si a !!! Enge a chhan O ???
- 9862596438

**Pu Editor khual khua a tang in.... Pu Zohminga ( U Vala) w/o Pi RCi(U-Rami) te chhung ITI SA Biakin thlang World Bank Road a mi te..in lo damtlang zel m aw ??In ngaihawm thin khawp mai..Krismas chibai inchhungkuain kan buk a che u... In Unau te Sanga (Mapuia te Chhungkua
-Durtlang Mel5

**Arsenal boy5 in chaklo elaw..?? Ka lawmpui hle mai che...
- (SCHWARZKOPF) THE BLUSE Chelsea

**Pu Madela i fakawm e, phal tak a i tui i chawitir thin vangin midang tan malsawmna ni zel tur leh zonunmawi chhawm nung zel ang che.. Mahse i malsawmna tui hi a pipe thin te hian, zan reh / mamawh hun lo deuhah hian pipe thin se harsatna an siam lo deuh ngei ang.
- The Mehman

**Thaa kha apa kan ti lutuk, mahse Mapuia Hair style kha chu la tawh suh. I ti common..
- 9862873260

** Falkland Street a Vawk -Chaw-Bel rawn khawm tu kha i ngam chuan rawn ti leh rawh, kan hre ru reng che.. kan ti mualpho duh lo mai mai che..
Sim hmak rawh..Tin, Merry Christmas to all members
of We & Us family....!!
- Mr. Falkland

** Joint Advance Kristmas a nuam tek tek hle mai..!! Kum khatah vawi
nga vel tal awm se ka va ti ve...
- Ungsukhuan.

**ITI Veng thalai Joint Advance Kristmas Hman zawh tak kha avan nuam em..!! kohhran hrang hrang hi taksa peng hrang hrang ang kan nia, Kristaah chuan pumkhat kan ni, Joint Advance xmas khan thawh hona tha tak min siam se, kohhran inthliarna awmlovin, chuan Salvation Army khan invan ti tha em em ve, in thlengzo, in inpeknaahPathianin
malsawm che u rawh se.
- Mr.Gates.

**SA Thalai Joint Advance Christmas in thleng hnehsawh hle mai.. Programme duangtu Mualpui Thalaite an fakawm bawk.. ITI thalai kalkhawm ten hun hlimawm tak kan hman thei a, khatianga hlim taka Pathian fak hla kan han sa ho kha avan ropui tak zet.. Nakum joint Advance Christmas a va nghahhlehom tak em..!
- 18 till i die.

**ITI VC huam chhung thalai ten Joint Advance Christmas kan hmang a, kohhran hrang hrang te kan kalkhawm a, a ropui, Pathian faka kan zai lai te khan ka hnuk a ulh, hetiang hian veng dangin hmang ve thei maw..?? Mahse Kohhran kan tling lo, kim leh ni a awm ang em??
- Didiki Pa.

Allied Agriculture Credit Coorperative Society Ltd Member te hriattur

ITI Veng Vawk Vulh Pawl chu Sorkar thar hian a ngaihven reng a, hmun hma remchang kan la hmu theilo nachungin kan vawk vulh sa atang hian a note Rs 2500/- in member ten kan chang thei a, tin a pui vulh ten note a neihin pakhatin an chang tam a, a hmunhma a remdchan loh avangin, member te vulh tir an ni a, tunah pawh vulh tur ala awm reng a ni. Tin, kan pawl hian hmathar lak zel kan tum a, Vawk vulh chauh nilovin, member nghet leh tui deuh te tan sum puk theih dan te, Ar chaw (Ran chaw) zawrh ve te leh thil dang dangin hma lak a tum mek a, member te pawhin share holder te hnenah Collection khawn chunghcangah te thahnem ngai lehzual turin kanin chah duh a, Mizo Society ang ah te hi chuan kan nghakhlel lutuk deuh thin a, zawi zawi a hmasawn hret hret turin hun te alo duh a, nghah peih leh dawh theihna kan mawmawh a ni. mi rethei leh pheichham kan man thut te anih lemloh hi chuan neih thur thur hi a har a ni e.! kum alo thar ang a, member ten tan i la thar leh teh ang u.
R.T Zauva Ralte (Taitesena Section)

Bo Zawnna

Thursday 3.12.09 tlaiah khan I.T.I Veng Taxi, ( College gate bul thleng a min thlahtu) ah khan, A hnungah Bag-uk khai chi, a chhunga mipa naupang pheikhawk pair khat leh Hmeichhe boot pair khat awmna kan theihnghilh a, kha Taxi khalh tu khan kan thil theihnghilh te chin min la hriat sak emaw min la kawl that sak chuan khawngaih taka min pe leh turin kan ngen a che. Ph : 9862656006.

Admission Notice

GOVT. AIZAWL HIGH SCHOOL
6th Dec 2009 atang hian headmaster leh Pu Lalchhuangliana Teacher hnenah kum 2010 a tan Admission a tih theih ta e.
Tin, 7th Jan 2010 atangin School Office-ah tih zui theih a ni bawk ang.
Admission Fee leh thil dang a tan-
Old Comer tan Rs 500/- per Student
New Comer tan Rs 530 /- per student
Tin, Class VII Board Exam tling te-
1. Distinction a pass tan Admission Free
2. First Div a pass tan Admission
Fee a chanve zel.
Admission ti tur ten Original marksheet leh Transfer Certificate ken ngei tur ni.
Aizawl High School 2009 HSLC Result 100 %
Sd/- Headmaster , Govt Aizawl H/S


ITI Veng Govt.Middle School
Kum 2009 atan ITI Veng Govt. Middle School a lut tur tan hengah te hian Admission a tih theih reng e.
1) Pu H.Roenga Headmaster (In lamah)
2) Pu Lalnuntluanga Pachuau (In lamah)
Sd/- Headmaster, ITI Veng Govt Middle School

Genesis English School
Genesis English School, Bethlem, A.Lalvunga Building-ah Nusery - Cl VII tan admission hawn a ni e. Admission ti duh tan Monday - Friday 9:00 A.M - 3:00 P.M thleng School-ah a tih theih e.
Ken Turte: - 1. Passpost Size Thlalak - 2 Copies
2. Admission Fee - Rs.300/-
3. January 2010 Fee - Rs.250/-
Sd/- Principal ,Genesis English School
Ph -9436199758/9612166416, 0389-2322673

Govt. Primary School
Govt. ITI Primary School a lut turte tan KG-I - Class IV thleng Admission a tih theih ta e. New Admission ti tur tan Birth Certificate xerox copy ken a ngai.
Admission hi School-ah leh zirtirtu tinte hnenah a tih theih e. Admission chungchanga hriat chian duh neite tan heng phone No-ah te hian biak theih reng kan ni.
Ph No. 9862300795, 9774399639.
Sd/- Headmistress,
ITI P/S.

New Dawn School
New Dawn School a lut turte tan KG I- class VII
admission a tihtheih ta e. New admission ti tur tan Birth Certificate Xerox a ngai.
Admission chung changa hriat chian duh nei tan Heng phone No ah hian engtik lai pawn
biak theih kan ni e.
Ph No - 9436197568, 9862364047.
Sd/- Principal

Joint Advance Christmas Vawi 9-na

‘ I.T.I Veng Kohhran hrang hrang Thalai Pawl’ te hmalaknain Joint Advance Christmas Vawi 9-na chu Ni 3.12.09 (Nilaithawhtan/Ningani) hian kan lo thleng leh dawn ta reng mai. Tun tum Joint Advance Christmas hi ITI Corps in a thleng dawn a, Tin, Programme duan leh siam hi Mualpui Police Kohhran thalai te kutah dah a ni. He Advance Christmas hi ITI Veng chhung thalai zawng zawng te tupawh aduh apiang tan chhim theih ani.

Joint Advanced Christmas Vawi 9-na
A hun              : Ni 3.12.09 (Ningani) 6:30p.m
A Hmun          : ITI Corps S.A Prayer Hall

Hruaitu :
1) Pu F.Lalhmingmawia, Leader, MKTP
2) ITI Corps SAY atangin.

Thuchah : Tv Malsawmtluanga, IKK, ITI Rep.

Items :
Zaipawl : 1) KTP ITI Vengchhak Branch
2) TKP, ITI Unit
3) Mualpui Police Kohhran Thalai Pawl

Worship Dance : SAY ITI Corps
Solo (Mal Zai) : Nl B.Lalremtluangi, MKTP
Duet : Tv Lalfakzuala & Nl.Laldintluangi, Bethel
Priase Dance : TKP ITI Unit
Special No’s : KTP, ITI Vengchhak Branch
(IKK, Republic ITI atangin items pakhat besei ani)

Hraittur Pawimawh
1) Thilpek lakkhawm ani ang a, a thlengtu pual a ni ang.
2) Zaihruai a thlengtu kutah dah a ni ang.
3) Kum 2010 Joint Advance Christmas Organiser atan TKP, ITI Unit tes ruat an ni.

Executive Committee member ten hnatlang an nei



Tualchhung

Kan Veng atanga Vawk vulh Tanpuina Dawngte
1) Pu Lalnuntluanga s/o Patawia (L)
2) Pu C.thangkhuma s/o Lenchhunga
3) Pu Darchhunga s/o Laihluta
4) Pu Lalniliana s/o Darngura
5) Pi Zohmingliani D/o Tluanga
6) Pu Rozika s/o Hrangaia (L)
7) Pu Zionsiama s/o VL.Lawma
8) Pi biakmawii D/o C.Rozika
9) Pi Lalduhawmi D/o Ringaia (L)

ITI Veng Congress Unit Hruaitu Thar
Kum 2010 ITI Veng Congress Unit Hruaitu thlan thar te :
Pre : Pu H.Lalthansanga
Vice Pre : Pu F.Zochhuma
Tres : Pu chawngchhinga

Dustbin Thar
Vengfai lawmman kan lak atangin khawtlang hruaitu te Joint meeting-in a rel angin Bawlhhlawhbawm (Dustbin) thahnem tak siam peih a ni tawh a, sign pek anih veleh atulna hmun hrang hrangah dah ani ang.

TAITESENA SECTION
Pu V.L.Siama Fin.Sec te Inah Sum Audit tur a ni.
Remchang hmasaber ah Section Area tihfai hnatlang neih tur a ni.
Ni 21 Nov ‘09 (Inrinni) khan Section Last Committee chu Lungleng Lal Inah Branch Hruaitu thenkhat te nen neih a ni.

Editorial

A lawmawm hle mai

A lawmawm mang e, Joint Advance Christmas kan hmang thei hi. Veng dang mi / thiante bula sawi chhuah chang pawhin ITI Veng a thalaite inlungrual zia tilang tu anih avangin Veng Inlungrualtak nih chu a zahthlak lohin a nuam thin zawng anih hi. Kan inlungrualna hian rah tha tak pawh a chhuah zel a beiseiawm.
Hetianga hun hman nikhua, vengchhungin HUNPUI-a kan neih, Jt Advance Christmas kan hman piah lam thil pawh ni sela, mimal ropui nan emaw, kohhran ropui nan emaw, pawl ropui nan emaw kan ngaihtuahna te seng lo ila, kan inlungrual theihna ber tur zel chuah zawk ngaihtuahin kan ko a tihtur tla te kan theihtawk leh phak tawk ang zelin ti ila, ahlawkna leh malsawmna kan dawng tlang theuh thei dawn a, Chutiang nilova Mimal emaw Mahni Kohhran ropui taka lantir tumna rilru pu tlat a, heng hunpui remchanga la kan nih chuan Vengchhung inlungrualna a tichhe thuai dawn a ni.
Jt Advance Christmas 2009 chu Pathian zarah tluang taka nei thei turah inngai ila, kan ngaihdan te leh kan hlawkpuina te, a boruak kan hip dan thlengin YMA News Next Issue a ‘Chhiartute Huangah’ inthlahrung hauh lovin thu neih theuh i tum teh ang..

Chhiartute Huang

** Mahni that lohna, kan thil lo tih sual tawh vangin kan lungngai a, vawi tam kanin dawm kun phah a, inchhirna a thlen ve pawh a ni mahna. Mahse Pu Editor , simna a tel leh si loh chuan thil hnawk tak ava ni dawn em.. tiraw??
- Awmhar Run.

**  ITI Veng faiber ni thin kha kan theihnghilh ta em ni aw..?? kan Bus Stand chawlhbuk te khi luak nen, zu funna kawr ruak nen ain pawlh ta nuaih mai. ITI nih kanin theihnghilh ta em ni aw..?? ka ti thin.
- Utd a.

**  Pu Editor kan ti ve loks teh ang... Mualpui Road Vawk Farm leh Tuibur lui inkarah hian pipe hi a leak reng mai a, engtia tih chi nge niang,..?? Pipe neitu te emaw a bul vel a cheng te hian PWD siamsa kawr chhete hi han siam tha hret se lang kan hul tlang ni mai tur aniah... thlasik thal khaw ro lai pawh a kawng diak leh thin hi a ninawm e... hawh u tangrual ang u,
kan ti thei ang.
- Sipai pakhat.

**  Kar hmasa chhuak a mi In leh mi motor a a neitu rawn hmasa lova mei zuk chin loh atha tih kha atha kan ti a, tin, ITI Veng chhunga lirthei chak tak tak a tlan thin leh zurui chunga motor khalh thin te hi kan ning lutuk.. an tlan lai vuak thluk mai kan duh tawh. VDP te khan tan la teh u. Kan thlawp
tlat che u a nia.
- ITI Pa ho.

**  The moon is for night, the sun is for day, and i think i’m for you.... !!!! MTEI....!!
- Arsenal Boy.5/RAMOS.

**  Inrinni kalta a Lunglenga taitesena Section Last Committee atan khan mahni theih ang angin motor thawhin Section sum seng hauh lovin a mi tlawmngai te zarah kan kal thei a , alawmawm hle mai.. Thil hre chiang lova lo sawi ve ngawt hi sim tlang thei ila atha ngawt ang...
- 9862492240

**  Beramputen beramte kalsanin Lal chibai an buk a , keini pawhin he hun lawmawmah hian puak thei thil te kalsanin Lal chibai i buk ang u.
Tin, Bus fare to fu ni..!! SiKulPuiKawn to Zarkawt Rs.4 anih laiin ITI to New Market (Student pakhat) Cheng sarih a ni hi to fu ni..!! Mi rethei tan tawrh ahar fu ni..!! Hmalak dan te a awmlo a mawni le??? Hmalak a tha fu ni..!!!
- Jordan Boyz.

** Electric leh Tui ah harsatna kan va tawk rei ve. Bethel welfare leh kan VC te kha, inthlan hmaa ngaihsak kan hlawh tehreng nen, vengchhung tana kan thawh tur hi kan hai tan ava ang ve?? Tui leh Current harsatna hi chuan buai a ti thhuah hnih viau a ni.
- BethelVengpa.

**  Christmas rim anam leh ta rem rem mai, a nuam tawp..!! Mahse, ruih hlo khawih tu te, zuin te pawh vengchhung muanna ti chhe zawngin i omlo vang u. Kholaia inla por leh ruihmel hmuh tur awmlovin aw niang..
-ITI Tlangval.

** Davida Pulsar 200, a head a R15 head sen vuah kha, kan star bon top che. MPA i inhmeh kanti ber..!! Chuan... i tlan thei kan ti tawp che..
- 9612369382

** Buhfai lakna a Clinic Plus Shampoo lei tel ziah hi buhfai latu tan a ninawm..
- Mr. Fanai.

** Ven gthar lamah hian Ar a bo leh ta zauh zauh mai a, a ti tu kha kan hria che ania aw.. tun chinah i ti leh a nih chuan VDP, JAC ngai lovin keimahni ngeiin kan rawn kal ang a, a tul danin ACTION lak a ni ang.. Tin, i tan a pawi viau ang.
- Ar Lawma.

** T-Sec Hruiatute kha an in tihlim ringawt lo,an thurel a pui,tin sum leng pai engmah sen ral ann ei lo,an mahni in tum a ni e.Karhmasa a Khawvel neitupa mi rawn ti tu kha ka lawm e..mi ngairopui hle mai mase ka phu lo...i mi ngaihsan naah ka lawm a,khatin min kap ngam kha ka ngai ropui hle mai che..rilru zau deuh put hi a nuam a hlimawm..infiam bawrh bawrh tur.
- arshavin Aka M.

Suih Tak

Ni 23.10.09 (Zirtawpni) chawhnu dar khat khan John Lalnunfela s/o Vanlalnghaka Khuangchera Section leh lucy Malsawmdawngliani d/o Ramchhunga (Vanapa Section) te chu Mualpui Police Kohhran Biakinah Pathian leh a kohhran te hriatpuinain an innei. Nupa tuak thar te kan lawmpuiin Pathinain awmpuiin fanau maltluan chawia malsawm turin duhsakna kan hlan e.

Chhiartute huang

**  Pu H Laldela Work Shop bul, (Tui Pump Public Point) bula Gypsy dah tawl reng hi tu ta nge aw ??. Motor a tih jam ngun mai bakah, tui a haw changin he laia tui dawh thin te tan leh a bul a khawsa te tan hian a va hnawk em. Traffic Police kan hnuh sawn tir hma ngei hian a neitu chuan rawn dah sawn vat teh u.
- Chelsea chak changa pawr ve em2 thin a

** Chibai Pu Editor, Kan hotuten ruihhlo an khap ta sa sa bawka, ITI Mualpui Road motor silna saw tlai lam dar 5-6 vel hian rawn fang thin se awmhmun atanga khap ngawt lo hian, an tih hnawk tuk tina thenfai pawh hi a va ninawm tawh em!! ITI Veng faiber kan nih kha, kan hruaitute hian hma an la teh se.
- UTD-a ITI

**  Bike Seat zai ching, Petrol ruk ching leh mi motor khawih ching ho kha lo fimkhur tawh rawh u aw..!! A tam zawk hi chu hrait ruk vek in ni tawh a, kan la khai dawn khawp che u lawm...!!
- Changes

**  Oh.. Kop (Liver-Pul).. Now you start walking alone... Your Dreams Tossed and blown away... walk on, walk on with hope in your heart but you’ll alwayz walk alone.. forever and ever..!!
- Da Blues

** In sa tura vai kan chhawr chhan : 1) Duh duha tih kawi theih leh vin kan duh vang, 2) Chapona vang a ni. Mahni Mizopui i duhsaka i hmangaih lo zawk anih chuan he Zoramah hian awm chhan tur i nei lo mai ni lovin... Pathian hian vanram i kai a phal ka ring lo...!!
- Go

** Tawmi of Ch.Section a mi kha kan Strar * lutuk che....
- Lover Boy

**  Stamford Bridge is falling downnn... falling downnnn....!! Stamford Bridge is falling downnn... falling downnnn....!! .... Dear Ancellotti...!!
- Mr. Fergu

GSA NEWS

GSA Football Ground leh Volleyball Ground te hmang duh tur reng rengin GSA president emaw Secretary hnenah ziakin dilna siam thin tuyr a ni. GSA in hman phalna a pek te chauhin an hmang thei ang. Tin, GSA bungrua reng reng GSA hriatpuina lo chuan hman / hawhchhuah phal a ni lo bawk

VOLLEYBALL LOCAL TOURNAMENT
Pu K Liantlinga MLA Volleyball Running Trophy tan a ni leh dawn ta. Team a tam thei angber tel turin GSA chuan a sawm a, He tournament hi Mipa leh Hmeichhe tan a ni ang.
Entry Fee Rs 100 ?- Per team @ Four Brothers VCD Library YMA Hall Chung

Sumtuakna
GSA ITI chuan Sum tuak nan hun remchang hmasaah BP check, Inbuk leh Pheikhawk nawta inhlawh an tum a, Vengchhung mipui te inhlawhna remxhang lo siamsak turin an ngen.

AXI WELFARE I.T.I VENG

Dated 15th Oct 2009 khan I.T.I Veng Taxi Welfare te chuan Rising Day hman pahin 2009-2010 atan a hruaitu tur te thlanna an nei nghal a heng te hi thlan chhuah an ni.
Leader : C. Lalramenga
Asst Leader : C. Lalengzama
Secretary : C. Rodingliana
Asst Secy : Rosangliana
Treasurer : Robert Lalnunrema
Fin Secy : C. Malsawmtluanga

HRIATTIRNA

AWKPUI VULH TE TAN
Vawk Pa chi thlah tur, A zak rang, thla 9 leh ni 20 a upa, A mamawh te tan : Mobile Phone : 9862785938 -ah koh theih reng kan ni e.

LOST AND FOUND
Pi Zochhuani Dawr( SIKAINA STORE) ah thil theihnghilh a ni a, a neitu dik tak chuan engthil nge, eng zat nge tih chiang taka sawiin tun thla chhung ngeiin lam theih a ni e. Hun tiam chhunga lam a nih loh chuan lo riral ta pawh ni se sawi buai theih a ni lovang.
Tin, YMA Bus waiting shed a Nihliap theihnghilh chuan Pu Chhuanga PCO ah a lam theih reng e.


RATION CARD BO
YMA Hall leh Pu C.Lalsangliana (CH-Sec) in inkarah Pu H Lalchhawna te Ration Card tihbo a ni a, a chhar chuan khawngaih taka a hnuaia Adress-ah hian min pe thei ula kan lawm ngawt ang.
Martyn Lalramnunpuia
News Editor YMA News
Ph No : 9862055781


YMA New Agent thlak
YMA News Agent (K.Section) Zothanmawii aiah remchan zawkna avangin Rosangkimi chu YMA News Agent a tan ruat thar a ni.


Electoral Photo ID
EPIC a thlalak awm lo zawng zawng ten Ni 29.20.2009 ral hma ngeiin a hnuaia hming ziak te hnenah hian in report tur a ni.
1) Part 5 area : Pu H.Roenga
2) Part 6 area : Pu Lalnuntluanga Pachuau
3) Part 7 : Pu Ramngaihzuala
Roll a awm, thlalak neilo tih inhre chiang chuan Passport Size copy 2 nen in report nghal mai tur a ni e.

TUALCHHUNG

YMA Kutah Hlan
Veng faiber lawmman VC kuta pawisa fai Rs.10,000/- hlan chu
VC-in a tul anga hman turin Branch YMA ah a pe a, tin, certificate pawh YMARunah tar a ni.

Global Hand Washing Day Hmang
Ni 15th Oct’ 2009 (Nilaithawhtan) khan ITI Veng High School Eco Club Member te chuan an School ah ‘Global Hand Washing Day’ Kut silfaina ni an hmang. Variety Programme bakah kut silfai tangkaina te inzirtir leh inhrilhfiahna-te neih a nih bakah Practical-in kut silfai dan te in zirtir a ni.

Vanapa Section
Vanapa section Asst Sec ruatthar kha Lalhruaipuii d/o Rothangliana tih tur zawk a ni e.
Tin, C.Vanlalrema (Marema) Ast.Leader te inah bucket chinai rawng hnawih hnatlang neih ami kha lam lohin ala awm e.

Medal La
Ni 13 & 14.10.2009 a RamhlunSport Complex a Panchayat Yuva Krida Aur Khel Abhiyan district Level Competition 2009 - 2010 Aizawl Dist awmah ITI Veng atangin heng mite hian medal an la :
1) Lalramdini d/o Lalngilneia Silver (60Kg)
2) Rebecca Lalnuntluangi d/o Rochungnunga Bronze (48 kg) 3) PC.Lalvenpuii d/o PC.Hlimlawma Bronze (45kg)

Gospel Camping Nei
ITI Veng Presbyterian kohhran chuan Camping an nei mek a, Ni 19-23 thleng chhawng 2-na neih ani anga, Ni 26-30 hian chhawng 3-na a awm ang.

64th YMA General Conference

64th General Conference chu October Ni 20-22, 2009 hian Chalfilh Group, Darlawn-ah neih a ni dawn a, Khuallian atan Pu Lal Thanhawla, Chief Minister, Mizoram a ni ang. General Conference chhung hian Vantlang Inkhawm vawi-3 a awm ang a, Variety Programme vawi-2 a awm bakah Rorel Inkhawm leh Hruaitu Thlan Inkhawm neih a ni ang a, Hruaitu atan Nomination mi 16 te pawm an ni:

1) C. Chuaukunga Mission Vengthlang
2) C. Zoramliana Tuikual North
3) D. Lalrintluanga Bethlehem
4) J. Lalsailova Mission Veng North
5) Lalbiakzuala Khatla
6) Lal Chungnunga Ramhlun North
7) Lalchhanhima Pautu Ramhlun South
8) Lallianzuala Dawrpui Vengthar
9) Lalrochuanga Pachuau Zarkawt
10) Lianzuala Electric Veng
11) R. Lalngheta Hlimen
12) R.L. Rindika Bungkawn
13) R.S. Lalrinsanga Tanhril
14) T. Sangkunga Dinthar
15) Vanlalrema Rokhum Zemabawk
16) Vanlalruata Tuikual South

Tin, heng mite hi inthlan buaipui tura ruatte an ni :

Returning Officer - Pu J.H. Zoremthanga President, CYMA
Asst. Returning Officer - Pu H. Vanlalrawna, CEC
Asst. Returning Officer - Pu C. Lalzamlova, CEC
Recording Secretary - Pu J. Chamliana, CEC
Recording Secretary - Dr. Lalnuntluanga, CEC
Polling Officers - CEC, Nomination a tello te,
(A tul angin Central YMA Hruaitu hlui, Sub-Hqrs. YMA hruaitute leh Group YMA hruaitu remchangte sawm theih)

Kan Branch atanga palai kal turte Motor chuan man Branch-in a tum sak dawna, Kan Branch atanga Palai kal turte hi Nizan khan YMA Runah inhmu khawmin kal dan tur te an rel a ni.

Palai lawm zan inkhawm Ni 20.10.2009(Thawhlehni) zan dar 7:00 pm - 10:00pm CHALFILH RÛN ah neih ani ang a Pu Vanlalruata, Asst. Secretary, Central YMA in inkhawm a kaihruai anga, Pu Zothankima Zote Treasurer, Serlui Group in hunserh a hmang ang, palai hnena lawmthu sawina Pu PC Lalthlamuana, President Chalfilh Groupin a nei bawk ang. Hemi zan hian zaithiam lar tak tak, Tetei Ralte, TBC Zaithanpuia, Baby Malsawmtluangi, PBK Liankhuma, H. Lalchhanchhuaha Sumsuih, etc te an zai dawn a ni. Tin, Group leh branch hrang hrang zaipawl thiam tak tak te an zai dawn bawk ani.

ROREL INKHAWM
Ni 21.10.2009(Nilaini) 10:00am-4:00 pm
A HMUN : CHALFILH RÛN
HRUAITU : Pu JH Zoremthanga, President, Central YMA
HUNSERH : Major PC Lalduhawma, CO, Darlawn Corps
MEMBER BORAL SUNNA : Pu Lalrochuanga Pachuau, CEC
ZAIPAWL (SUNNA HLA) : Khatla Branch ZAIPAWL (SUNNA HLA) : Bilkhawthlir Joint YMA, Serlui Group
PALAI CHHIARNA : Pu Lalbiakzuala, Gen. Secretary, Central YMA
ZAIPAWL : Zobawk Group
BUDGET, 2008-2009 PHARH : Pu Vanlalrema Rokhum, Treasurer, Central YMA ZAIPAWL : Vantawng Group
R O R E L
Malzai : Nancy Zothanmawii, Miriam Hnamte, Lalremthangi Pautu, Lalhruaitluangi Hmar etc.

VARIETY PROGRAMME Rorel hlan hian (11:00 am- 3:00 am) Darlawn Community Hall ah neih tur a ni a, items chi hrang hrang hlimawm tak tak a awm dawn a ni.

HRUAITU THLAN inkhom hi Ni 22.10.2009 (Ningani) 11:00am-3:00 pm ah chalfilh runah neih a ni ang a, inkhawm hi Pu JH.Zoremthanga, Returning Officer-in a kaihruai ang. Hemi hlan hian Variety Programme Darlawn Community Hall ah neih ani bawk dawn a ni.

VANDUAI

Pi Lalliani Republic Veng chu Vanduai thlak takin a Artui zuar chu Ni 14.10.2009 (Nilaini) tlai dar 4:30 vel khan Tuihawkin a la a, Pu Sena (L) te In bulah aruang chhar a ni a.

Chhiartute huang

** Veng faiber kanni bawka, kan veng tifai zel ang u, kar khatah hian vawi khat tal hnatlang koh thin nise, tichuan kan fai kumtluan ang a, Veng entawn tlak kanni mai dawn ani.
- Be A Man

** VIVE,, VIVE sawiselna leh fakna te hian hmasawnna a thlen thin, Kawngpui pawh thei tur thahnemngaih luata selna avanga hnual mai lovin theih tawpin le.
- Lovely

**  South Zone Football Tournament kan veng khel ka en ve a, a khel te kha an naupang mah mah, tlema upa ve chu pahnih chiah an awm. An ruh ala no deuh. Young star an duhsak khawp mai. Young star hlang deuhthaw a ni a,.. Young star ami lo thiam tak tak an tam nen. nge an duhsak bik vang.
- Be A Man

**  ITI Taxi stand leh ITI Baptist Biakin inkar kawng khuar nasa lutuk hi ahrehawmin Veng a tibal.. hnawh a har dawn si lo va, fur zawha hnawh theih turin VC te hi lo inhmakhua ta se... Lei ringota hnoh hi zawng hmun a ti trawp duh bawk si.. Lung nawi leh Lei ringawt lo a thawm that dan han dap vat vat sela avan lawmawm dawn em..!!
- Rock@18

**  LAlnuthara Ralhrat Ex-Editor Nupui fel leh hmel tha tak i han thing chhuak thei hi avan ropui em..!! Hetiang lam hi i chem kalna anih kan rinloh vei nen.. I thianpa Thlengkima hi Coaching ilo pe ngei ngei dawn nia.. A chhung ten a Vo-in an vo tawh a, tunah pawh a hna chhuanlamin Thingtlang khaw lamah ran ngo zawngin a zin chhuak reng a, vengchhungah pawh tunkum chu a awm hman meuh lo. Fanau maltluan chawia leng turin duhsakna ka hlan a che u.. in nupain... thianpa
- P.Mawia@Arsenal Boss

**  YMA news kan lo chhiar ve thin a, ITI veng a ngaihawm thin hle mai.. In zara Vengfaiber kannih kan lawm hle mai..
-Bangalore lama inthiante

VC atanga Hriattirna

ITI Veng V/C leh VDP tangkawp te chuan Ruihtheih thila khawtlang, Veng chhung thenfai hna ngawrh takin a chhun zawm zel a, Ni 11.Oct.2009 Sunday tlai khan Lalthlamuani (Tawitei) Pasal Rinzela (‘K’Sec) hnen atangin Rakzu fun tam tham tak leh Lalremthangi Salem Veng hnena mi Rakzu fun thahnem tak man sak an ni a, Anni pahnih te hi an zu fun te nen Police (Excise) kutah hlanin Police hian an la nghal a ni.
Kan Veng V/C leh VDP tena Zu an check naah hian Zu zuar kherlo pawh Motor-a Zu lo in emaw, Mualpui kawng vela Zu lo in te pawh kan khawtlang ti hmelhemtu an nih avangin Zu zuar leh kawl te nen thuhmun angkhat a Action lak zel tur an ni ang.

sd/- F.Biaksanga Secretary V/C

Suih Tak

Ni 15.10.09 (Ningani) chawhnu dar khat khan Ramengmawii (Numami) d/o C.Kapthanga Taitesena Section leh Lalrochhunga s/o Rozinga (L) Republic te chuan Republic Corps S.A Biakinah Pathian leh a kohhran te hriatpuinain an innei. Nupa tuak thar te kan lawmpuiin Pathinain awmpuiin fanau maltluan chawia malsawm turin duhsakna kan hlan e.

Editorial

NGENNA

Faina Hapta zo tawh mahsela mitinin kan thinlungah erawh hmang zui zel ila, Fai Duhna thinlung kan put te hian ‘Faina Hapta’ zawh rual hian min tin san mai suh se. Theih tawpin kan In leh avel te, kawngpui dungte i vawngin i tifai zui zel teh ang. Faina kawnga kan tan tlanna te Veng dang fak tlak ani ta hial. Veng dang paw’n min fak nauh nauh mai..!
Thla a sik leh tan ta a, Sava chi hrang hrang pawh kan vengah hmuhtur an awm nual mai. Tin, rah tlan pawh a awm leh tan tawh a, heng te hi Nu leh pa ten Humhalh nachang kan hriat a tul hle. Naupang zirtir, khap nachang hre lo Nu leh Pa kan la awm fur niin alang. Tun hnai mai pawh khan Naupang Sava Veh kan Veng chhungah ngei mi thenkhatin an hmu fo mai.
YMA News man khawn a hun leh tawh a, khawn tan mek a ni a, a khawntu ten a tawpna anih tawh dawn avangin News man hi a full a khawn tawh tur a ni. chhungtinte tha taka YMA news man pe turin kanin ngen bawk e.

Advertisement

Sihphir Bawnghnute
Sihphir Bawnghnute Sikaina Star (Pi Zochhuani) Dawrah Zawrh ani a, A duh tan englai pawhin lei theih reng a ni e.

Min Ko Mai Ta Che
Fridge, Water Cooler, Deep Freezer, A.C chhe nei tan koh theih reng kan ni e.
Contact : 9612306847 / 9863158937


HOLY TRINITY SCHOOL
(Admission Notice)
Academic Session 2010-a KG-I lut turte tan 19th Oct atangin School hour 9:00 - 3:00 chhungin Admission form lak chhuah theih a ni. Birth Certificate Xerox Copy ken bawk tur a ni ang.
sd/- Headmistress


VAWK TALH SOCIETY HRIATTIRNA

Vawk talh Society-a member nilai te pawh member nih thar a ngai a. Member nisa-in Rs.100/- pein member a nih theih a, tin, member thar ni duh chuan Rs.150/- pein member anih theih reng bawk.
Tun thla October 2009 thleng member anih theih a, October 2009 chunga pe lo chu member anih theih tawh loh ang. Vawk pawh an talh thei tawh lovang. Member Fee chu Pu Ch.Liankunga hnenah pek tur a ni e.

sd/- Savunga, Chairman.

G.S.A Comiittee Kohna

A hnuaia hun leh hmun tar lanah hian GSA Committee pawimawh tak koh a ni a, OB leh Committee Member te kim taka kal turin kan
inhriattir a ni e.

A Hun : Ni 20.10.2009 (Thawhlehni) Zan dar 6:30
A Hmun : Pu Vanalthara Ralte te In

sd/- Secretary GSA

Veng Fai-Ber I.T.I Veng


Faina Hapta Vawi 33-na Aizawl khawpui chhunga hman zawh tak ah ITI Veng chu Veng faiber ah min thlang a, lawmmanah Certificate mawi tak leh Pawisa Fai Rs.10,000/- kan dawng a ni. Tin, ITI Veng Govt.Middle School chuan School fai ber nihna a hauh bawk. Veng fai lawmman 2-na hi Sakawrtuichhun-in an dawng a, 3-na College Veng & Ramhlun South an ni. Fai inelna lawmman hi Zirtawpni (Ni.9.10.2009) khan Vanapa Hall-a Faina Hapta kharna inkhawmah sem a ni a, he lawmman dawng hian kan V/C te an kal a ni.

VC Lawmthu Sawina :
Veng chhung mipui kan tanrualna avangin Aizawl khawpui chhunga Veng fai ber lawmman pakhatna a vawithumna atan kan lak leh tak avangin V/C chuan Veng chhung mipui zawng zawng te, Pawl hrang hrang leh Kohhran hrang hrang te chungah lawmthu kan sawi tak meuh meuh a ni. Tin, lawmman kan lak pawisa fai Rs.10,000/- pawh a tul dan ang a hman atan
YMA kutah hlan a ni bawk.
sd/- H.Laldawnga
VC Member.


YMA LAM ATANGIN
Hei le kumin 2009 chhungin Aizawl Veng hrang hrang te faina kawnga kan inelnaah vanneihthlak takin kan veng chuan pakhatna dinhmun kan chang leh ta reng mai. Hei hi kan veng kan tanrualna rah a niin lawmman kan lak te pawh kan veng hming mawina vek a ni a a lawmawm mai piah lamah kan veng hming mawi takin tarlan a ni leh ta a, a va lawmawm em. Hei mai nilovin Kan veng Govt. M/S te chuan Middle School fai ber lawmman an dawng bawk a, hei pawh hi kan veng hming mawina bawk a ni leh a a lawmawm leh zual em em a ni.
Awle, fai lawmman kan lakna kawngah VC te, Vengchhung pawl leh Kohhran hrang hrang te thahnem ngai taka kan hnatlan thinna leh tha leh zung kan senna te a hluin kan tanrualna a fakawm em em a, tuna kan faina hi duhtawk mai lovin kum tluana fai reng thei turin i tangrual mar pat ang u hmiang, tiin kan han insawm nghal a ni e.

Sd/- B.Lalhmangaiha
Secretary
Branch Y.M.A, I.T.I Veng

Tualchhung

Lawmthu sawina
Pi Rammawii leh a fate chuan an pa Pu Vanlalchhuanga boral chungchangah leh Pu lalfakzuala te chhung Ch.Sec chuan an fanu Lalsiammawii boral chung changah leh Pu Hrangdailova te chhung chuan an fapa Lalrohlua boral chungchangah vengchhung mite tlawmngaihna leh khawngaihna an dawn te avangin lawmthu an sawi.

In thar luah.
Kan Branch President thin Pu PC.Lalremtluanga Ch.Sec te chhung chuan an In thar (Taitesena Section-ah) an luah fel ta. Editorial Board-in kan lawmpui e.


Vanapa Section
Ni 1.10.2009 (Nilaithawhtan) Zana Vanapa Section Committee chuan Boral ta Pu Lalthangpuia aiah Nl Lalhraitpuii chu Asst. Secretary atan an ruat.
Tin, Tui bottle 12nos leh Thingpui suah chhuahna tur No/Fian-lian 3nos Branch ah pek an tum.


Passing Out Parade
Naktuk hian Mualpui (3rd Btn MAP) a police training te chuan Ni 12.10.09 (Thawhtanni) khan passing out parade an nei

YMA News Man

YMA News man khawn a hun leh ta a, chhungtin te tha taka pe theuh turin kanin ngen a. Tin, YMA News man la pe tla lo ten khawngaih taka lo pe tla nghal turin kan inngen a ni. Kum khat lak man Rs.100/- anih kha. Thenkhat chuan kum tirah an pe tla nghal a, YMA News man pe tawhtu zawng zawng te chungah Lawmthu kan sawi e.

Editorial Board YMA News

CHHIARTUTE HUANG

** Editorial Board te thawhrimna leh hmalakna a ropui hle mai.ka lawmpui che u in ka duhsakna sangber ka hlan a che u.In zarah hmun danga awm te pawhin kan hriat chak em2 mahni veng a thil thleng te kan lo hre thei ta zel mai a lawmawm.Ti daih teh ang kan hma lawk a YMA Day lo thleng tur hi hlim tlang tak a hmang turin ka YMA memberpui zawng zawng te duhsakna sangber ka rawn hlan e.
Mawia Ralte (Bangalore).


**  Awi, U Numam hetia nang lehzelin pasal minneihsan te chuan....khua a va han har dawn vawng vawng em !!
- Tharpuii, I.T.I Canteen

**  Pa pakhat pawh hian an nu kha a phone ve a, Nu-i (Muante) khawnge i phone i dah zuk
ti ve a. (True base)
- Ku Dari

**  Pu Editor, Veng fai ber nih chu ava nuam kher vele eeee... kan tlan nui vur vur mai alawm mawle... ITI Veng tlangval chu vengdang nula pawn min siai sak sak mai.. Veng faiber Result puan tlai phei kha chuan Nula hlir ka phur niaaa.... MAK NGEI MAI..!!!!
- Ungsukhuan

** Chheiraw khai ‘We are the best of the best’ came from the valley deep. Tu pa fa innge veng tlafual leh veng thing ti a hmusit thei..Aizawel veng fai ber lawmmankan dawng leh ta a !! Hei hian veng mipui te kan thawh hona that zia leh kan inpekna a tilang chiang hle mai. Faina i chhunzawm zel ang u.
ITI Veng Middle School, Pu Roenga hote leh a naute School fai ber lawmman in dawng pawh hi a va ropui tak em!! Veng timawitu leh tihmingthattu in va ni tak em!!duhsakna ka hlan a che u.
- P Moia @ Arsenal

**  Aizawl Vengfai ber kan lo ni leh ta reng mai, heng zawng zawng hi vengchhung NGO hrang hrang leh Kohhran hrang hrangte lungrual taka kan thawh rah a nih rualin Kawngpui kama inneitute’n kan In bulte fai taka kan phiah thin vang hi a key pui ber chu a ni pakhat ka ti lo thei lo a ni, kumtluanin tang zel teh u, veng hmel
lanna pui ber in ni e.
- Man. Utd.

**  Aizawl Veng fai ber chu ITI, hip hip... hurray................!!!!!!!!!!!
- Ku Dari

**  Veng fai ber kannih denchhen hian Veng chhungah ro tling tak Cooler hun theihna kawng hi kan VC te hian Dept. lamah sual chhuah ni thei se...
- Rock@18

SAWMNA

Pu C Kapthanga te chhung Taitesena Section chuan Ni.14-10-2009 a an fanu Ramengmawii (Numami) pasal neihna turah vengchhung mipui te a tam thei ang ber lawmpui turin an sawm.

VIVE

TK.Sailo
Khawhar In riah hi:- A zahthlak kan hming chu thailang lovi’n Hnam hming ang zawng in aw” an tih lawm lawm avangin an hming kan telh lo ang. He mite thian inkawmna hi a ril a, a chhinchhiah tlak. Pachuau Pa chuan, Renthlei Pa & Chawngthu Pa te kiangah, Thiante u, Khawhar In riah tih tawp ve mai te hi kan Veng hian a mamawh / hun ve tawh lo maw? Khawhar In riak tha peih Thalai zingah hian an awm ta meuh lo zawng a nih hi..A changin, Riak tur kan in zawng chawp a, Hruaitu te tan pawh hian a zahthlak a, a mualpho thlak inti ve viau lo maw? Thangthar te zingah a tam zawk hian, eng he huah an ngai lova, an ngai pawimawh tawk lo a, tih tur a ni tih pawh an hre mang tawh lo a nih hi, a awmzia pawh an man phak lo, eng nge a hlutna tih pawh an hre mawlh lo.Tu thiam loh nge? Khawtlang hruaitu(Val Upa) Nge? Chhungkaw Nu & Pa...Mahni nuam tih dan zawnga hun hman an thlang tlangpui zawk a, Khawhar In riah te chu changkang lo riauva hriatna & ho mai maiah an ngai ta a ang riau a ni”Tiin, Pachuau Pa chuan zawhna an siam a. A thusawi lo ngaithlatute chuan, ti hian an chhang let a. Hman lai Tlangval te ang khan Khawhar chhungte hna thawh sak tur a awm ta meuh lo pawh a ni thei, zingah pawh kaihthawh hial ngai zawk an ni thei, In riak tur te hi thahnem lem lo pawh nise, a riak chhun te lah zanah rei tak tak meng a, manners- hre tak karah, hre vak lem lo fe fe inpawlh nawk pawh ni raw sek sek, “ka hrechiang chiah lo” Kei zawng Khawhar In riah chhunzawm zel hi tha ka ti” an ti a. Enga ti maw? Tiin, Pachuau Pa chuan, zawhna a siam leh ta a. Chawngthu Pa te bawk chuan,..!! Tawngthu chhe lovah kei chu chhiat hi tawk ve ta ni ila, Tlangval In riak neih miah loh chu a hreawm dawn hian ka hre lutuk a, zing kan han tho anga, mahni Chhungkua te chauha han awm ruk ruk chu kei zawng ka ngai ngam mawlh lo, a na dawn e mai!Ka zuam mawlh lo, a khawhar thlak dawn lutuk”an ti vawng vawng a.
Khawhar In riak te hian kan Lunglen, Khawhar & Rilru na ngawih ngawih/Na lutuk tur hi min veng dawn a, min hnem thin a ni” tih an sawi zawh chiah a, an han kun ngaih mai chu(h) E, alo ni maw, Khawhar In riah hi a van lo thain, a van lo hlu em em ve a. Kan Veng bikah chuan tih tawp chi a la ni reng reng lo a nih chu mawle”a ti chhuak hial a.Pachuau Pa chuan, kan Veng Tlangval tlawmngai Khawhar In riak thin te chu a kawm kual a, a chhuichiang hlawm a, Tlangval fel tak tak vek, Lehkhathiam & Zirsang lem lo pawh pianpui B.A an tih ang chi, mi chuanawm tak vek Section -tin an lo ni fer fur hlawm a, mi thenkhatin kan lo hriatdan ang lo takin, Khawhar chhungte Lungngaih, Khawhar hnem thin an lo ni tlat zawk a.. Veng chhungah Tlangval dang mi engemawzah mahni In luma mu an awm tih hre reng chung pawh a, phunnawi miah lova, tumah phutletna nei hauh lova lungawi taka riak thin mi an lo ni zawk. Rawlthar te tan pawh entawntlak an ni a, he Khawtlang hian chawimawina NOPUI pek hial an phu niin a hmu a ni..!!.

YMA GENERAL CONFERENCE 2009 CHUNGCHANGA HRIATTUR

Palai nawlpuikal kal tur tan:

1) YMA te hi ritphurh inchhawk tawna midangte zangkhai thintu kan nih avangin, Mutbu leh zan riak buhfai intodelh ni thei se.
2) Thosilen ken ni thei se.
3) Palai kal turte chu Branch-in an thunun theih ngei nise.
Inthlan chungchang:

1) YMA Danbu Bung V Chang 26(7) in a sawi angin Central YMA hruaitu thlang theite chu hengte hi an ni:-
a) Central Co-ordination Commitee Member
b) Central YMA Office Bearers lo ni tawhte
c) Sub-Hqrs. YMA Executive Member
d) Group YMA Office Bearers
e) Branch YMA tin atangin Branch YMA aiawh mi 6 zel, inthlannaa vote nei tura Branch Executive Commitee-in a ruatte. (Branch aiawh mi 6 an kal lo a nih chuan a kal zat I.D Card lak chhuah mai nise)
f) Heng a chunga sawi,nihna pawimawh pakhat aia tam chelh an awm thei a, chutiang mite pawh chuan Vote khat (1) chauh zel an nei thei ang.

2) Kumin hian Vote Identity Card siam tur a nih avangin, Branch President leh Secretary Seal chuang ngei lehkha kengin Voter ID Card hi Election Office/Pandal bulah ni 21.10.2009 zing dar 10:00 atangin ni 22.10.2009 zing dar 8:00 thleng lak theih a ni ang. Huntiam chhunga Voter ID Card la chhuak hman lo ten a hnu lamah lak chhuah theih a ni lovang.

3) Voter ID Card lakchhahna tur Counter 6 siam a ni ang, hetiangin :-
1) Sub-Hqrs YMA, Lunglei.
2) Sub-Hqrs YMA, Champhai.
3) Sub-Hqrs YMA, Kolasib.
4) Sub-Hqrs YMA, mamit.
5) Sub-Hqrs YMA, Serchhip.
6) Aizawl City Branch, CCC, Su-Hqrs. hnuaia awm lo Group leh Branch 6 te.
Inthlanna chungchanga thu zawhfiah duh neite chuan Asst. R.O leh Recording Secretaries Address tarlanahte hian zawhfiah theih a ni e.
Counter No.
1. Pu H.Vanlalrawna CEC - 9436154776 1
2. Pu C.Lalzamlova CEC - 9436142736 2
3. Dr.Lalnuntluanga CEC - 9436152361 3
4. Pu J.Chamliana CEC - 9436360380 4

Central YMA Committee neih a ni.

Ni 28th September 2009 (Thawhtanni) 12:30p.m khan Central YMA Committee roomah Central Executive Committee meeting (2009) VAWI-15na neih ani a. Hetah hian General Conference neih tur chungchang te relin Central YMA hmalakna te report pek a ni. General Conference Chungchang relah hian, Palai te hnena sem turin Legal Awareness Seminar Paper buatsaiha sem nise tih a ni.
Tin, General Conference chhung hian Grape Wine khuahkhirh a nih theih nan hmalaka atul anga sorkar thuneitu, Excise & Narcotic Department te sawipui nise tih a ni.

Committee hian Zirlaibu (Text Bu)-a mizo History dik lo taka an tarlan/ziah chu an thlir ho a, CYMA chuan tha a ti lovin a dem tak zet a, MBSE-in a tul anga ennawn a siamthat an tum hi lawmawm a tiin tha a ti hle a ni.

Branch YMA Lawmthu Sawina

I.T.I Veng Br. YMA in faina kawnga hma kan lak meknaah, hengah te hian lawmthu kan sawi tak zet zet a ni.

· Faina atana pawimawh, Chinai, Brush, Hmunphiah, Stell Brush leh a tul dangte lei na tur pawisa min petu, Banner mawi tak tak an tar a vang te Hnatlang koh te, an tha leh tui ngaihtuahna senga thil engkima min puitu I.T.I Village Council (VC) Chungah kan lawm hle a ni.

· I.T.I Veng Presbyterian Kohhran hmeichhia, MHIP, MUP, I.T.I Veng leh I.T.I Veng School naupang leh Zirtirtu te Vengchhung min tih fai sak avangin kan lawm hle a ni.Vengchhung Kohhran dang te pwhin Vengchhung min tih fai sak dawn niin kan hria a,an chungah lawmthu kan sawi lawk a ni.

· Dt.2.10.09(Friday) nilengin UPC(NEI) PYD ten YMA Hall Room hrang hrang min tih fai sak avang leh Hall bul vel min phiahfai sak a,Rawng min hnawih sak bawk avangin an chungah kan lawm hle a ni.

· Kan Veng TAXI Stand- a ding TAXI Driver, ten an dinna hmun leh a bul vel felfai taka an vawn thianghlim vang leh an Pasenger te Bawlhhlawh tamlak a paih mai mai lo tur a an hrilh thin bakah Vengchhung chhiat tawk an awm ni khua a, an TAXI ui lova Thutthleng leh tul dang te Pawisa phut hauh lova,phurh inchuh a, an rawn chet chhuah thin naah an fak awm kan ti a, an chungah kan lawm hle a ni.

· Vengchhung thil zuarte'n kan thil zawrhna hmun hma leh a bul vel te3 fai taka kan enkawsl thin avang leh an mahni dawr tute Bawlhhlawh tamlak a paih mai lo tur a, an hrilh hriat thin avangin kan lawm hle a ni.

· Pu Lalfakzama te chhung chuan, A nu Boral ta Pi Vanhmingliani boral ta, hriatreng nan Gas Stove Br. YMA I.T.I VENG min pe a, an chungah kan lawm hle a a ni.

· YMA Member, YMA chhang leh Vengchhung mipuite hnatlang chhuah leh Faina kawng a thahnem ngai taka in tha leh zung in sen avangin kan lawm tak meuh a ni.

· Pu Lalchhuanmawia Mini Market Bazar sakna bul a mi chuan Bawlhhlawh paihna tur a, a Motor a rawn thawh chhuah pui thin avangin kan lawm hle a ni.

A tawp ber atan, Faina kawngah Vengchhung mipui tetha thlah lova, tan la chhunzawm zel turin kan insawm a, Faina kawngah kan penchhuak lo a nih pawhin a ti baltu,ti tawptuah chuan tumah ni lo turin kan in ngenin, kan insawm tak zet zet a ni.

Khawtlang tana in thawhpui,
sd/- (B.LALHMANGAIHA)
Secretary, ITI Veng Branch YMA.

Tualchhung

PYD(NEI) Lawmthu
Penticostal Youth Department I.T.I(NEI) Tte chuan, Dt. 2nd. oct.09(Friday) North East India huapa PYD Social Work Day bawhzuina leh Cleanliness Week bawhzuina in, YMA Bungbel, YMA Hall leh Room hrang hrang thianfaiin hnatlang an nei a. Hmathawh tur siam sak tur. YMA I.T.I Veng chungah lawmthu an sawi.


WUSHU CLUB Lawmthu
Dt. 29.9.09(Tuesday)- 1.10.09(Thursday)chhunga SSA Buatsaih 1st Mizoram Elementary School Games Wushu Competition neih chu I.T.I Veng YMA Hall-ah zawh fel a ni ta. I.T.I Veng Br. YMA ten Hall- phal takin min hman tir a, he Competition-ah hian,keini Aizawl District te chuan, Gold-15, Silver-2, Bronze-3 la in Team champion nihna kan hauh a, Wushu Club chuan Branch YMA chungah lawmthu an sawi.


Lawmthu sawina
Lalfakhlena T.Sec te chhung chuan an Nu Pi Vanhmingliani boral chungchangah vengchhung mite tlawmngaihna t leh khawngaihna an dawn te avangin lawmthu an sawi.


MUP DAY Hmang
Nimin Ni.3.19.09 (Inrinni) khan ITI Veng MUP Unit chuan YMA Hall-ah MUP Day denchhenin Programme hlimawm tak an hmang. Member ten an hlutin, hlimawm an ti hle a ni.


Handset chhar
Handset (BSNL SimCard) tibo chuan Pu Kapthuama te (Top Up zawrhnaah) hnenah a awmdan chiang taka sawiin a lam theih e.

V/C hriattirna

ITI Veng Village Council Area chhungah Zu leh Ruihtheih lak luh leh zawrh khap tlat a ni a, he khapna thupek bawhzuiin VC leh VDP tangkawp chuan hma a la mek a, he thenfai hna hi a thawk chhunzawm zel dawn a.
Tin, zu rui leh buaina siam te, rukruk thil tih ching te pawh, tumah a ngaizam mai mai dawn lova, an phu tawk hremna pek zel an ni ang.
V/C DAN thu chhuak zawm lo tute chu a na thei ang bera Action lak
zel tur a ni ang. Tunah pawh hian VC thu awihlo mi 2 chu Central Jail-ah dah mek an ni bawk.

Veng chhung mipuite VC thuchhuak zawm theuh turin hriattirna kan han chhuah a ni e.

sd/- (F.BIAKSANGA)
Secretary, V/C. ITI

SUIHTAK

R.Lalnunthara s/o R.Lalrinngheta Vanapa Section & Lalrinmawii d/o Lalthanliana Mission Veng te chuan Pathian leh a kohhrante hriatpuinain Ni 2 October 2009 (Zirtawpni) khan ITI Corps SA Hall ah tiam tlat e an ti. Tin hemi ni vek hian K.Lalremsanga s/o Kapthuma Taitesena Section & R.Lallawmsangi d/o R.Thanzuala Tachhip te pawh ITI Veng Presbyterian Kohhranah kut anin suih. Nupa tuak thar te fanau maltluan chawia hlim taka awm zel turin duhsakna kan hlan e.

VIVE

TK Sailo
Khaile ka lo kir leh ta e,mi thenkhatin min sawisel vang mai mai a chawl ka ni lo.Thu chhuah tur a thahnem deuh avangin Issue- hmasaah khan ka rawnin lan thei lova, hrilhhai tak tak in awm tih ka hriat hian inchhuan a hnekin, ka tawrhpui tak zet che u a,ka lainat che u a ni.Ka Cell phone- pawh khami zingah kher kha chuan a ri zing malh malh hle a, ngaihdam min dilpui turin ka farnu Nl Dingpuii Sailo,YMA Br.OB-zing a mi chu ka sawm hial a. He!he! HOREB EDITOR- paw'n tukin zing chu a khawhar thlak,ka kim lo" tiin, mesage min rawn thawn ve tawp bawk. fiamthu, nuihzat thlak & thu lem kara thutak zep tel zauh chunga ziak thin mi ka ni a, keimah & thian thenkhat te pawh nih lohna ang tak takin, he VIVE kal tlang hian ka fiam thin a, fiamthu mai a ni tih an hriat avangin huatah an la lova, fiamthu a nih ang ngei in, an lo nui ve bawk bawk thin a. Mahse heng mi puitling & hawizau tak tak karah hian Thliarkar rilru pu, ka khawhawi ti nuam lo rawk tur a, lo thinrim pui a, lo helh ta chiam an awm tih ka hriat hian pawi ka ti a, in mi ngaihdamna ka rawn dil e.. Thu hma hruai a thui lutuk dawn, mi thenkhat ngal a lo thak lutuk palh a nge, duh tawk ang..
He Para... India hnam Pa Mahatma Gandhi (jayanti)piancham den chhena kan neih thin, Faina hapta pawh kan lo thleng leh ta..Thinlung takin, Aizawl veng zawng zawng a, Veng fai ber kan nih kha kan chhunzawm thei lovang tih a hlauhawm"ka ti. Enga ti maw?? Khawvel mihring piang tawh a, Pa Rothap & indah chungnung, Adolf Hitler-a khan a German-mi leh sate hnenah, America te hi in ngaisang a law? Pem khawm mai mai an nih hi. Keini te zawng kan ropui em!! A tih ang deuh hian, Veng dang te hi in ngaisang a law? A chhunga chengte inhre pawh lo lutuk, in mamawh miah lo & Faina lawmman pawh la ve phak lo an nih hi..Keini te zawng kan ropui em” Aizawl Veng zawng zawng a, Veng fai ber kan nih hi..Induh larh a, inchhuan a, indah chungnun tur? Nge, keini inchhuang lovin Lungte a in chhuang zawk dawn? Khawi Veng/Khua mai pawh hi kan hnuai en hmiah tur a ni..Zep thu cheng suh se, “Veng fai ber kan nih atang hian Veng/Khua dang te hian min en dan/an rilru put hmang hi an thlak hmiah tawh a, min zah tlang tawh a, kan awmdan hi an thlirin, an chhiar reng tawh. Kan fimkhur tlan erawh a ngaih phah viau. Nga ti nge? Kan thil eina kawr & eng ilo kan paih danah hian Dust Bin-ah kher kan paih loh chuan, I.T.I Veng mi a ni si a, a va mak ve a, a inhmeh lo, an ti dawn? School-naupang, hnathawk a chhuak & thil pawimawh tia Veng dang/Khawdang a chhuak thin tan apawimawh zual hle ang. Veng fai ber nih hi a nuam. Kan inchhuan phah a, Mi dang lakah kan hmai a uan phah a, indah chungnunna lian tak kan neih phah a, thil tih velnaah hlawhtlinna kan neih theih phah ta thin a ni. Hmana kimki chuih thin kha, kan kimki chuih tawh ngai lo.Mipui & khawtlang hruaitute kan tang tlang a,kan Veng pumpui hi a chhunga chengte hian kan thian fai em em a,lawmman pakhatna kan lak leh ngei pawh a rinawm.Chu hun chu a lo thleng leh ngai a nih chuan I.T.I Veng nih a nuam leh dawn mange!!

Tualchhung

Legal Awareness Seminar

Ni 24.9.09(nilaithawhtan) khan Central YMA huaihawtin Central YMA Hall ah Legal Awareness Seminar neih a ni a, Branch aiawhin Branch YMA Vice President Pu Vanlalthanga leh Editorial Board atangin Tv Lalthlengkima Sailo News Editor te an tel a ni.




Khiang Awi

Kan Member pui Nl H.Vanlalruati d/o H.Lalmuankima T.Sec leh R.Vanlalruata s/o Upa R.Vanlalduha Zemabawk North te chuan ni 25.9.09 (Zirtawpni) khan Presbyterian Zemabawk North Kohhran Biak In-ah kut
an insuih.




Branch Hnatlang

Nimin zing khan Veng chhung tih fai hnatlang Branch YMA in a ko a, hnatlang thawk chhuak an thahnem hle. Faina hapta denchhenin hnatlang hi la neih chhoh zel tur a ni.




YMA Library chei

YMA Library room chu chei that a ni. Parda thar nalh tak te zar thar a ni a, Book-shelf kawngkhar pawh net te vuahin siam
fel a ni.




Damlo kan hriattheih te

1) Tv.Laldikpuia T.Sec
2) Pi Laldawli Ch.Sec
3) Nl Helen Vanlalruati T.Sec
4) Jessie Lalhmingmawia K.Sec. 5) R.Lalbiaksanga K.Sec Leader.




Hun nei dawn

Vawiin hian ITI Vengchhak KTP Fellowship naah Branch YMA President Pu P.Zoliana chuan ‘Chhiatni a thalai te mawhphurhna’ sawiin hun a hmang dawn.

Branch Executive Committee Meeting Vawi 10-na neih a ni

Ni 21.9.2009 (Thawhtanni) zing dar 6:30 khan YMA Runah Branch Executive Committee meeting vawi 10-na neih a ni a, Committee a tanga kan thu hriat tur pawimawh tlangpui te kan han tarlang e:
· Tui chhawpna : Thlanlai tute tui chhawpna tur lei fel a ni.
· YMA General Conference Chungchang : YMA General Conference vawi 64-na Darlawna neihturah Branch Executive member te chu kal vek tum nise. Tin, Conference a palai kal tur te kal man hi branch-in a tum vek dawn a, member kal tum te chuan 11.10.09 hma ngeiin Branch O.B te hnenah in report tur a ni a, Kal tur te chu Dt 19.10.09 (Thawhtan zan) khian YMA RUN-ah inhmuhkhawm tur a ni.
· GAS bur lei : Gas bur pahnih lei belh a ni a, kan V/C member P. Rohnuna’n tlawmngaih chhuah a, min buaipui a vangin a chungah Branch YMA chuan lawmthu a sawi.
· Faina Hapta : Faina Hapta Dt 2-9 Oct chhunga lo awm leh tur a tan Branch YMAchuan theihtawp a hma lak leh nise a ti a, Vengchhung a Dawr, School, Institutions etc hrang hrang te hnenah hemi kawnga tan lakpui turin a ngen a. Tin, a remchang angin Branch hnatlang neih chhunzawm zel bawk tum a ni.

· I.T.I VC Area chhunga BAWLHHLAWH LEH EK PAIH motor lo kal tlang tawh lo tura VC te berawn a hmalak a ni a, Media hrang hrang hmangin hma lak chhunzawm zel tum a ni.

· YMA INFORMATION chungchang thu thar : Information Incharge te an indaih loh avangin Information Committee member a tan heng mite hi ruat thar an ni 1) Pu F Zirliana 2) Pu F Vanlalruata 3) Tv Lalpianmawia. Tin, Microphone Baterry leh Cable thar mamawh a nih bawk avangin heng a hnuai a mi te hi remchang hmasa berah lei tuma ni : 1) Microphone Cable 2 nos. 2) Microphone Baterry (FM) 1 no. 3) Loud Speaker 1 no.

Zen LX Lei Duh Tan

Zen LX la tha tak duh tan Rs.1,25,000/- in a lei theih e. Hre-chiang duh chuan 9862836573 ah arang lamin rawn zawt fiah rawh le.

SILVER JUBILEE LAWM

ITI U.P.C of International Aizawl East District chuan Ni 25.9.09 (Zirtawpni) khan an Kohhran Silver Jubilee ropui takin an lawm a, Bawng Pa tuai thau tak talhin ruai an theh.
Republic Bial Penticost Kohhran member te, Dist Secretary Rev.R.Thanzuala leh ITI Veng VC leh NGO ten an hriatpui a, an chungah Kohhran an lawm hle. He hun hlut saktu te zawng zawng chungah leh Malsawmna petu Pathian chungah lawmthu an sawi.

In Hmun Duh tan

LSC. No. 104704/01/82. Salem Veng Mualpui kawngbul a mi, 486.00.sq.m. a zau chu Arang lam a tih ral duh a ni e.
Cont.9862374499

SAWMNA

YMA General Conference Dt.20-22 0ct. 09.a neih turah I.T.I Veng Br. YMAMember te a tam thei ang ber kal turin kan insawm a, kal tum te chuan, Dt. 11.10.09(Pathianni) thleng Br. YMA OFFICE BEARER(OB) te hnenah eng tik lai pawhin a in hriat
tir theih reng e..

sd/- (B.LALHMANGAIHA)
Secretary, ITI Veng Branch YMA

Chhiartute huang

**  Taxi stand In-te a inlehkhaden au vak vak thin te hi mifing-var tak chu an nih a rinawm lem loh a, kan khawtlang neitu VC lam te hian khap dan in hre lo em ni? Veng hmel lanna
pakhat a ni si a.
- Ngaihawmi Pa.

** Mualpui Road an hnawh tha leh ta deuh hlek a, a bul vel a Tui Pipe awm leh nei te hian khawngaihin tui put lo turin an Pipe te hi han uluk hram tawh se la a lawmawm ngawt ang. Mualpui kal zin a ngai si a, kan lirtheiah te harsatna / chetsual tawh palh a
hlauhawm thei si a.
- (Hming awmlo).

** Kan Veng chhungah Ruihhlo a hluar leh ta hle mai a, YMA leh VDP te i tang zual sauh sauh ang u. Thalai ruihhlo ti kan va tam ta em...!! Tu mawh nge..???
- Mawizuala (Puia)

** YMA News ka chhuang a, ka humhalh bawk.. Mahse tinge VIVE hi a ziaktupa hi a ngai reng mai.. he chanchinbu zahawmna hi a ti dal dawn. Ama chanchin a tam thei lutuk.. midang ziak tur tan pawh anin kiltawih phah lo maw..?? Hei tun issue (Issue No 35) pawh extempore speech emaw a ti a ni maw? Veng dangin eng angin nge min ngaih ang le?
- Het Sala

** VIVE kan ning, kan hne kan chhiar peih lo, hei aia thu tling deuh han chhuah thin teh u. Kan lawm khawp ang Pu Editor.
- Mamit lam atangin.

** Pu EDITOR, ti hian keimah & keimah ka inzawt thin a, tunlai kan thangthar ho hi ti teh ang, Vengchungah chhiattawk kan awm a,Nu & Pa te hriatpui nain thlan lai turin kan chhuak ve thlap a,thlan chu kan lai ngei a lawm,zep thu a awm lo,mahse mitthi vui tur a awm a, a chang chuan pahnih te a ni thin., Thlan vur tur mi 10- vel chiah kan awm thin hi chu a mangan thlak thin khawp. Thlan lai tura kal ni ve si a tawp thleng peih leh ta si lo hi kan va tam thin tak em!! Hei ha, hui ha. Khua kan tlai hma hian ka thalai pui te u in ngaihtuah harh teh ang u hmiang.
-Eminem.

** Pu Editor VIVE ah hian mi 4/5 vel thutkhawma a sawi awm leh thu hi veng mipui chhiar atan alo chhuak thin hi a ho deuh lo maw?? A ziaktu inbuatsaihna a zahawm rual rualin.
- No Thup.

** Mike a ri a beng kan lo chhi a, mithi ani nge ni lo tiin “YMA Information Centre a ni” tih zawhah chiah eng lam hawi nge anibh kan hre thei a, chuvangin kan awm phawi a thluk a pawimawh a ni. Mithi a nih loh hi chuan zangkhai takin Helo han ti hmasa sela rilru pek dan kan lo thiam nghal mai awmin alangin i hre ve lo maw Pu Editor.
- Baker Street.

** Vive hi an sel maw kei zawng ka ngaisang a ka tan tlat. Ka chhiar zel ang, ziak zel ang che.
- Lanthara

** Mithi lumen a tlaivar hi tumah ngeih an awmlo, chhiat tawk thei vek kan ni. Ngeih vang ni lovin abikin thalaiten kan tih tur ani tih i hre tlang teh ang u.
- Lovely.

** YMA News Dt.27.9.09 chhuakah VIVE Coloumn awn ta lo hian Chanchinbu a ti zahawm khawp mai. Dik tak chuan a thu hi a nawi ve thei em a ni. Article puitling ziak tur leh a ma hming dik tak ziak ngam tawh turin duhsakna ka hlan e.
- Hming awmlo.

** tunlai kan veng boruak thlirin kan tanrual tlan a ngai khawp mai. A hah ngaite hah tir reng lovin, mahni theihna zawn theuhah
i tang tlang ang u.
-Mr. No Name.

** Kar hmasa Issue ah khan VIVE a rawn tel lova kan hawi hai hle. Eng nge a chhan
kan inzawt kual duah. Tin, hmun hran khaw hran atang pawha YMA News a lo chhiar ve theih ta zel mai hi avan lawmawm em. Veng chhung news te kan lo hre thei zel a.. Editorial Board te han trang zual zel teh u.
-Mamit lam atanga (Internet hmanga) YMA News lo chhiartute.

Article

RAMNGAW-IN SIK LEH SA A NGHAWNG DAN
(GLOBAL WARMING)
James Lalthanmawia T.Section

Kan chenna khawvel hi a kum telin a dinhmun hi mithiamte chhutdanin a chhe tial tial nia hriat a ni a, chu boruak that lohna avang chuan mithiamten kum zabi 18 chho vel a tang khan kan environment hi an lo zir tan a, kan rama kan hmelhriatna chu rei pawh a la nilova, a tawngkam ‘environment’ tih pawh Zo tawngin dah chhuah chiah nilo mahse a nawlpui chuan zo tawng angin kan hmang mek a, a sawi tum leh a kawh tum pawh kan hre tlangpui a ni.
Kan hmelhriatna a la rei lutuk lo na in, mi ramah chuan an lo buaipui viau tawh a, kan ramah chuan hriat leh buaipui kan rual a ni deuh ber e. kum 1985 kum daih tawh a scientist ten Antartica chungah Ozone chu a pan tan a ni tih an puan khan khawvel ram tam zawk chuan an bengkhawn duh vak lova , kum zabi 20 naah chuan nasa takin khawvel boruak danglam tur leh natna a biktakin Virus thar lo pung tur South East Asia velah anih an rinthu 1985 kuma Scientist ten an lo puan chu atakin SARS leh Bird flu H5N1, Swine flu H1N1 ten min tuam chho mek a nih hi! American Scientist te chuan a hmun leh hun chauh nghaka a ven dan turah an inbuatsaihna zarah India pawhin an hnen atangin a damdawi leh material te cheng tam tak man an lei phah a ni. Heti taka khawvel chawkbuai thei thil a nih avangin he khawvel sik leh sa danglam ta lutuk hian tunhnaiah zir pawh a hlawh nasa a, kan sawrkar ngei pawhin Pi Indira Gandhi hun lai daih tawh khan ruahmanna han siam thin mahse a taka hmanna chu a tam lem lo a ni. Amaerawhchu, India hi khawvel ram tam tak ngaihtuah chuan tun dinhmunah chuan ramngaw humhalh kawngah chuan hma la chak pawl tak chu a ni.
Ramngaw a thing te hian kan chenna boruak vawn thianghlim kawngah hian nasa takin min puia, Carbondioxide khawvela mi hi an hiplut a, tichuan kan mamawh em em Oxygen min lo peta thin a ni.Mithiamte tiluhaitu pakhat chu kum 1900 atang khan khawvelah carbon dioxide hi apung lam zelin a thanga 1.0mg/Kg/year in apung anga chhut a ni. Zawhna awmthei chu, ‘eng-nge carbondioxide pung hi kan tana a that lohna?’ Leh, ‘eng vang a pung nge?’ Heng zawhna te hi kan ngaihtuahnaah kan dah reng chuan khawvel Sik leh Sa danglamna chu awlsam takin a hriat fiah theih a ni.
Tunhma chuan he Carbondioxide pung hian kan nun phung tibuai lutuk lo turah ngaih a ni. Mahse kan ramngaw te kan tihchereu nasat em avangin kan buaipui ber te zing a mi a lo ni ta a , hetiang ang renga kan ramngawte hi tih chhiat a nih chuan kan khawvel hi Degree 3 atanga degree 8 vel thlengin tun atanga kum100 velah pung chh o tur a ngaih a ni. Hetiang taka khawvel a lum chuan khawvel chu chenna a tan chuan a tlak vak dawn lo a ni. Tin khawvel lum chho zelah hian Khawvel chhim leh hmar a mi vur te a ti tui ang a, nasa takin tuifinriat a lo lian anga, khawvel ram tamtak hi a chim bo dawn a ni. Abik takin Holland leh Bangladesh ram tan te hian a hlauhawm em em a ni. Chubakah ruah sur dan leh kan Sik leh Sate ti danglamin nasa takin ei leh barah harsatna min thlen thei a ni.Kan India ram ngeiah pawh kumin chu ruahsur dan mumal loh avangin India economy-in a tlak hniam phah a ni. Kan chenna khawvel hi Carbon dioxide hian a tuam chhuak vek a. Ni atanga nizung lo kal hi chaktak leh frequency sang taka a lo kal vangin he carbondioxide gas thuahthip chu awlsamtakin a rawn paltlang thin a, kan chenna lei a rawn thlenin a sawhkhawk let leh thin a, mahse a chakna tha /frequency alo hniam deuh tawh mahse he Carbondioxide thuahthip chu a paltlang leh a ngai thin a ni. He carbondioxide inthuah hi tunah chuan a chhah tak em a vangin Nizung chu a chhuak thei ta thin lova, chuvang chuan kan lei chu a lo lum tual tual ta a, hei hi Sap tawngin “Green House Effect ” tiin an sawi thin a ni.
Ramngaw, Carbon dioxide titlemtu hi kan humhalh leh kan zauh a ngai tak zet a ni. Ramngaw avang hian a hun takah Sik leh Sa kan neih thin te pawh hi neih theih a ni. Tun hma kan ramngaw a la that lai chuan ruah sur thlengin hunbi kan Pi leh Pu ten an chhiar sual ngai lo, tun hnuah chuan chhiar sual pawh kan ngah ta hle mai. Kan ramngaw tha neih te chu Lo a-tan kan vah a ngai bawk nen a chhung a cheng Ramsa leh Sava te lah kan tichereu tam tawh bawk si a, ngaw tha lah kan nei mang tawh lo, hetiang tak a kan zoram ramngaw tha kan tih chereu zel chuan zoram chu chenna tlak a la nilo thuai ang tih chu hai rual a ni lo. Kan lo neih dan te hi kan bansan a ngai tawh a ni. Kan Lo hal vanga kan boruak tihchhiat zozai man te hi tam tak a ni. Heng boruak tha lo kan insiam avangin ruahtui..(phek 3-naah chhunzawmna) pawh neutral 7pH nithei tawh lovin Acidic lam a awn tan tawh a ni. He kan lo hal hian ramngaw a tih chhiat bakah kan chenna khawvel boruakah nasa takin carbondioxide te a pe chhuak a, nasa zawkin khawvel leh kan zoram ngei te pawh a lo lum phah ta a ni. Tunhma chuan Rangva In a tam chuan an khua chu a lum bik tih a ni thin a, tunah chuan rangva mai nilovin ramngaw kan neih that loh chuan khaw lum chu kan hmabak leh kan siam chhuah a ni tih kan hre tan tawh a ni. Mak angreng tak chu khawvel sawrkar lian America ang te hi he carbondioxide gas siam chhuak tam ram an ni a, ti tlem tur a ram te zawk ten an nawr pawhin a ti tlem duh hran lem lo tlat.
Japan rama Kyoto summit leh Brazil leh South Africa a Earth summit an neihah pawh, he carbondioxide chungchang hi an khel rei ber ziah a, mahse America berin a pawm theih loh avangin a la hlawhchham zel rih a ni. America-in a pawm theih loh chhan chu a ram hmasawnna leh hausakna te a tihbuai dawn vang a ni.
Khawvel pumpui ramngaw awm zinga za a 26.5 hi Brazil-ah a awm a, Zire-ah za a 9.2, Indonesia-ah za a 6.1, India, Peru, Angola leh Bolivia-ah te hian za a 3 vel a awm a, a dang zawng chu ramdangah tlem te te in a insem darh a ni. Kum 1988 khan khawvel mithiamte chhut danin ramngaw atanga sum la lut ram hi ram 40 vel awm ang a chhut a ni a, tunah erawh chuan ram 10 pawh an tling tawh lo. Brazil leh Indonesia- ah te ramngaw tha tak tak an tih chereu avangin khawvel pawh hian kan tuar mek a ni. Ramngaw atang a mamawh kan lak hi sawisen a nilova , a lian thamah chuan insakna, furniture leh thingtuah atan nimahse ram tam zawkah chuan mihring lo pung in chenna a tan kan nek ve mek bawk Ramngawin boruak thianghlim min pekna ringawt pawh hi humhalh tham a ni.Mithaimte chhutdan chuan hectare biala ramngaw hian kum khat chhungin carbondioxide 3700 Kgs a hipral thei a, Oxygen 2000 Kgs a siamchhuak a ni an ti. Thing hnathawh hi khawl hmangin tithianghlim ve dawn ila thing pakhat hnathawh ang thawk tur chuan cheng maktaduai thum leh nuaisarih zet sen a ngai dawn a ni.
Heng boruak min siamsak bakah hian lei min tur min vensak a, Mizoramah pawh kan tuar nasa hle. ‘City of Sylpolyne’ an tih fiamthu mai mai hi. Mithiamte chhutdan chuan Metre sawma hlaah hian thli leh ruahin lei 1460 Kgs a len bova, tin metre 600 a hla ah chuan 3840 Kgs zet a len bo thei a ni. Ramngaw kan neih that poh leh ‘Soil erosion’ kan nei tlem dawn tihna a ni. Ram changkang apiangin thing hlutna an hria a, phun an uar a, humhalhna chang an hria a, thildang tam tak aiin an dah chungnung thin a ni.
Kan thenawm ram China-ah te khian kum nga chhungin thing tlukleh dingawn sawmpanga zet an phun belh a ni. India ramah pawh Thingphun ni ‘Vanmahotsava’ te kan nei a. Mizoramah pawh Green Mizoram beihpui June 18, 1999 khan thlak niin, an sawidan chuan hemi ni hian thingkung sing sarih zet phun a ni. China ram angin phun tam thei lo mah ila, kumtin kan phunbelh a, kan enkawl that phawt chuan kan ram chu kan siam nuam ngei ang.
Kan thupuia a landan angin kan ram ngaw hian Sik leh Sa hi a ngawng tih chu phat rual a nil lova, mitin hian mawhphurhna kan nei vek a ni. Mizote hi changkan chu kan changkang chak khawp mai, than pawh kan thangchak. Kristian state pawh kan inti, mahse ramngaw humhalhna lamah leh nungchate humhalhna lamah hi chuan kan thang lo hle niin alang. Hei bakah hian Kristian tihawm loh tak tak ti duhin Nungchate chunga che leh duh thin mi kan han ni te hi a vanduaithlak hle niin ka hria.
He hna, ramngaw humhalh tur hian sorkar leh tlawmngai pawl kuta dah mai hi a tawk lo, keimahni ngei kan chetchhuah a ngai, hun a tlai hma hian kan harhchhuah vat loh chuan kan chenna khawvel leh Mizoram ngei pawh hi ram nuamah kan siam thei ngai lovang. Chuvang chuan mitin ramngaw humhalhna a mahni mawhphurhna kan hlen hi a tul tak zet tawh a ni.
Subscribe to: Posts (Atom)