"Bawhchhiatna suala ka tlukpuite lakah ka phar nawn a ngai fo thin. Rinhlelhna chhingmit, hmuhsitna nen min thlir reng a, Ka Lal thu avang zawkin zahna kawn-ah ka phar nawn a ngai fo thin....."
Special Report
YMA KUMPUAN HAWN ANI
- H. Lalbiakkima
Br. Executive Committee Member
Kum 2010 chhunga YMA kumpuan Khawtlang Nun Siamthat tih chu ni 27th January 2010 (Nilaini) khan Vanapa Hall-ah Home Minister Pu R. Lalzirliana’n a hawng.
Kumpuan hawnna mi 500 chuang kalkhawm hma-a thusawia hawngtu Home Minister chuan, ‘Mi thenkhatin min sawiselin min hek mahse, hnam himna atan sawrkarin a tul angin tha a thawh zel ang’ a tih chuan thla a timuang hle. ‘Baal hmaa thingthi ngai lo,’ khawtlang nun siamthat tum thalai zinga tamtak an awm tih han hriat hian a thlamuan thlak a. Tin, tum ram thleng ngei turin YMA member kalkhawm te a fuih bawk a ni.
Kumpuan hawnna Inkhawm hi Central Y.M.A President Pu Lalchungnunga’n a kaihruai a, thupui ‘Khawtlang Nun Siamthat’ tih hmangin chawhma lamah Pu J.H. Zoremthanga, CEC Member Paper leh chawhnu lamah Pu C. Zoramliana, Vice-President, Central YMA ziak ‘Nunpui tur leh Inzirtir ngaite’ tih hmanga Paper present zirho a niin, kalkhawmten sawihona hun hman a ni bawk.
Heng karah hian Ramhlun South leh Kulikawn Branch YMA Zaipawlte thiam takin an zai a. Kan Branch YMA zaipawl te kha..... rilru ah a lo lang ve asin..!. Pu JH Zoremthanga Paper a, ‘Mite mitmei venna chang hre lo apiangte hi mi dangte ngaithei lo hlei hlei an ni’ a han tih te, kut tling lova sum lakluh te hi sual a ni a, kan dodal tur a ni’ tih a’n thailang te, Home hrang hranga naupang nu leh pa nei lo tak tak chu 20% vel chauh an nih thu han hriat te, YMA member nuai li (4 lakhs) lai, Mizoram mihring 40% zet hian tihtak zeta siamthat hna kan thawh chuan kan hlawhtling thei a ni tih hria ang u, tia sawmna aw te khan chona minpe ve se a va hlawk dawn em..?
Ram neitu thalai inthlahdah avang leh dawngdah avanga - Kachari khawpui Silchar-ah Cachari hmuh tur an awm ta meuh lo te, Tripura ram nei hmasatu Tipera te pawhin an ram chhungah District Council an dil mek te, Red Indian (Native of American) hnam huaisen leh ral rel thiam tak te chu sap ho nuamtawlna Casino a inhlawhfa in an inhnangfak a ni ta ber e. Ram hmangaihtu dik tak te chuan hnam dang hma a bawkkhup a, dam ve reng ai chuan mahni ke-a din a thih an thlang zawk thin, tia min fuihtu Pu Ropuia te mitthla a chan reng chungin Kumpuan hawnna hlawk tak kan hmang ve thei ta hi lawmawm ka ti hle a ni.
Tualchhung
Nihna Inthlak
Khuangchera Section Secretary Tv Lalremsanga chu eizawnna avanga hmundanga a awm vangin, Pu Lalrindika, Asst Secretary ni lai chu Secretary atan ruat thar a ni a. Asst Secretary atan hian Tv Lalramdina ruat a ni.
Tin, Dt. 31.1.10 (Sunday), vawiin chawhnu Dar 2:30 hian Khawntesep khawn tura lehkha pek zawng zawng te, inhmuhkhawmna tur hmun ruatah khan kim taka kal vek tura ngen leh hriattir kan ni e.
T.Sec Hriattirna
Taitesena Section lehkha chhia khawntura hriattirna pek tawhte khan tunkar lo awm tur lamah chuan a dahna hmun tur lamah dah ni thei tawh se.
Information Hnatlang
Nimin Dt. 30.1.10 (Inrinni) khan nilenga hnatlang neih a ni.
(Kan information Mike te hi a tha lo a nih chuan a ranglamin Incharge te hnenah hriattir thin ni se).
Pawisa Chhar
Dt. 21.1.10 khan Pawisa engemaw zat chhar ani a, a neitu diktak chuan Ph. No. 9612857522 ah pawisa zat leh a bo dan chanchin kimchang sawiin lamtheih ani e.
Board Exam
Tunkar chho hian MBSE Cl-X, Board Exam chu tan a ni dawn a, Veng chhung Mipuite Exam chhung hian Exam tibuai lo tura bengchheng siam lo turin kan inngen a ni
Editorial
Hmasawn turin...
Kum 2010 chu bul kan tan a, thla khat chu kan hmang liam leh dawn ta reng mai. He hun rei lote chhung pawh hian kan nun theuhah thil tam tak chu a thleng leh tawh a. Hun lo kal zel tur, he kum hi engtin nge kan hman zel dawn le?
He Khawvelah hi chuan mihringte hian kan ngaihpawimawh hmasak ber chu keimahni hi a ni thin. Hetih rual hian a huhova khawsa tura duan kan nih avang hian mahni ngawt hi inngaihtuah theih a ni ngai lo. Mahni tana chakai khawrh kan nih rual hian mi dang hi kan khawrh kep ve reng a lo ni. Kan nunho-naah hian mi dang tan hian hnawksak hian ka khawsa em? tih hi inzawh nawn fo a ngai thin...
Mizote nunah hian Khawtlang nun kalphung hian mi mal nunah pawh hmun pawimawh tak a luah a. Mimal hmasawnna rahchhuah pawh khawtlang nunah a lang thin. Khawtlang kan vei a, a thatna tur kan duhin hmasawn turin kan beisei thin. Kan beiseina hi Khawtlang mipuite kutah, keimahni theuhah a innghat a ni.
Thawhhona leh inlungrualna bakah hian a chang chuan kan indawm kan ve te pawh hi a ngai thin. Insawiselna hian thil a siamtha ber lova. Kan insawisel a nih dawn phei chuan hmaichhana kan insawisel ngam a ngai thung. Mi dang bula kan sawisel a nih chuan kan inrel a ni zawk zel si.... Hmasawn tur hian hma lam kan pan tlang thei lo ang tih hi a hlauhawm a ni...
Chhiartute Huang
VC Team te hnehna hlado inchham avangin ka lawmpui a che u. In khelh leh zelna tur atan duhsakna sangber ka hlan tak meuh a che u.Taimak hi hlawhtlin na bul a ni a, insumtheih leh tihtakzet a pawimawh bawk.
-YMA News Pu (Arshavin)
Kum 2002-2005 chhunga VC te anVC lai a Inter-Village FB Tourney khelh a Player te Ballboot leh Mawza leina kha Donation nilovin VC ten Social Welfare hnuaia Agri.Link Road an laihna-a an sum hlep a an leisak a ni a, tin zingtinin an practice chhungzawngin thingpui dawr a an in na pawh Rs. 2800 /- pek an ni bawk. Boot lei sakte kha kalman senso pek an ni lova, tin an ni hian T-Shirt an present bawk.
-Hrechiangtu-a
Hlimna hi thuruk chu ni se chuan tunah hian chu thuruk chu ka nei ani.., mahse nangmahni vang chauhin. Glory Glory Man Utd. Oh!! Glory Glory ITI Veng V.C. Team..!!. In hma-a hnawk awm apiang chu han thianfai hmiah hmiah mai teh un...
- Ungsukhuan
Editorial Board te in chhuanawm hle mai, hmun hla atang pawhin YMA News in chhiar hunah ngei kanlo chhiar ve thei ta, Mamit atangin kan print a, Sunday zingah kher Dampui-ah nilum ai pahin kan chhiar, a nuam hle mai lunglen min hnem e. Chuan kan Dampui rawltharte Friday khian Mualpui Field-ah an rawn inkhel ve dawn a, vengfai ber ITI Veng te min lo tawiawm turin kan sawm a che u.
- KB-a, Dampui.
Tetei leh Mami of V-Sec, in ngaihawm thin vawng vawng e. Kan la thu ho leh ang chu mawle, mahse zun bur keng ngatin auh..!
- 9612513329
Nl. Bethsy-i, Nl. Chhungtei, Pastor thuthmun nih meuh chuan Bial Zaipawl ah in hming kan lo hmu ta e. ehehehee....!. Duhsakna sang ber ka hlan a che u.
- In Thianpa
Tunlai hian lirthei nei kan tam ta a, a khalh te pawh kan khalh ve thei ta fur mai. Amaherawhchu, kawng lunlai leh vantlang nunphung tibuai thei tura khalh in zirtir fo hi i bansan ang u. Kan him tlan theih nan.
- NREGS Kid.
(Chhiartute huanga thu chhuah zawng zawng hi Editor ngaihdan a ni vek kher lo. Chhiartute huanga thu thawh duh tan 9615950677)
-YMA News Pu (Arshavin)
Kum 2002-2005 chhunga VC te anVC lai a Inter-Village FB Tourney khelh a Player te Ballboot leh Mawza leina kha Donation nilovin VC ten Social Welfare hnuaia Agri.Link Road an laihna-a an sum hlep a an leisak a ni a, tin zingtinin an practice chhungzawngin thingpui dawr a an in na pawh Rs. 2800 /- pek an ni bawk. Boot lei sakte kha kalman senso pek an ni lova, tin an ni hian T-Shirt an present bawk.
-Hrechiangtu-a
Hlimna hi thuruk chu ni se chuan tunah hian chu thuruk chu ka nei ani.., mahse nangmahni vang chauhin. Glory Glory Man Utd. Oh!! Glory Glory ITI Veng V.C. Team..!!. In hma-a hnawk awm apiang chu han thianfai hmiah hmiah mai teh un...
- Ungsukhuan
Editorial Board te in chhuanawm hle mai, hmun hla atang pawhin YMA News in chhiar hunah ngei kanlo chhiar ve thei ta, Mamit atangin kan print a, Sunday zingah kher Dampui-ah nilum ai pahin kan chhiar, a nuam hle mai lunglen min hnem e. Chuan kan Dampui rawltharte Friday khian Mualpui Field-ah an rawn inkhel ve dawn a, vengfai ber ITI Veng te min lo tawiawm turin kan sawm a che u.
- KB-a, Dampui.
Tetei leh Mami of V-Sec, in ngaihawm thin vawng vawng e. Kan la thu ho leh ang chu mawle, mahse zun bur keng ngatin auh..!
- 9612513329
Nl. Bethsy-i, Nl. Chhungtei, Pastor thuthmun nih meuh chuan Bial Zaipawl ah in hming kan lo hmu ta e. ehehehee....!. Duhsakna sang ber ka hlan a che u.
- In Thianpa
Tunlai hian lirthei nei kan tam ta a, a khalh te pawh kan khalh ve thei ta fur mai. Amaherawhchu, kawng lunlai leh vantlang nunphung tibuai thei tura khalh in zirtir fo hi i bansan ang u. Kan him tlan theih nan.
- NREGS Kid.
(Chhiartute huanga thu chhuah zawng zawng hi Editor ngaihdan a ni vek kher lo. Chhiartute huanga thu thawh duh tan 9615950677)
Library Sub-Committee Thu Chhuak
Dt.30.1.2010 (Inrinni) zingkar khan Library Sub-Committee chu thutkhawm a niin, kumin atan Dt 6.2.2010 (Inrinni) zing atang khian Y.M.A Library hi hawn tan tum a ni a. He hunah hian nikum lama lehkhabu hawh la kir lo ten kir theuh turin kan inngen a, kir lo emaw lo ti bo emaw kan awm chuan, kan tih bo lehkhabu thar man hu kan chawi a ngai dawn a ni.
Library Membership Fee hi mipakhat tan Rs 10/- zel a ni a, Member in Register rual hian lehkhabu pakhat hawh a FREE nghal a ni.
Nikum 2009 chhung khan Library member in register, K-Sec - 5, Ch-11, T-24, V-15, an vaiin 55 an ni.
Nikum lama member-a kan inpek dan thlir hian kan Library hi duh angin kan la hmang tangkai tawk lo niin a lang a, zirlai tan kan zirna lama min pui thei tur lehkhabu tha tak tak a awm a, zirlai lo tan pawh Novel tha tak tak te, tin Sermon thlak chi te thleng pawhin lehkhabu rawn tur tha tak tak a awm a, i hmang tangkai zel teh ang u.
Sd/-
Secretary
(Lalhmingsangi)
Library Sub-Committee
KHAWVELA IN CHHAWNG SANG BER
Dt. 4.01.2010 (Thawhtanni) khan Khawvela in chhawng sang ber ni turin Dubai kahwpuia Burj Dubai chu hawn a ni. He in chhawng sang hi 800 metres (2625 feet) a sang a ni a. Chhawng 160 a nei a ni.
He inchhawng Design tu chu Chicago (USA) a mi, Skidmore, Owings & Merrill LLP (SOM) leh Adrian Smith Faia, Riba te an ni.
A chhung : He in sang chhawng 124 naah hian khawthlirna hmun siam a ni a, chhawng 122 naah Restaurant changkang tak siam a ni bawk.
Chhawng 160 zinga chhawng 37 chu office-a hman a ni a. Mimal in a luahhawh theih chenna hmun 144 lai siam a ni. He in sang-ah hian Hotel ropui tak Armani Hotel Dubai siam a awm a, mikhual thlenna tur Room 160 a awm a ni. Intihhlimna hmun mai bakah Motor 3000 Park theihna tur Parking Place siam a ni bawk
Ruk Ru Man
Dt. 21.1.10 (Nilai) zan khan Pu C. Lalsangliana In rawktu Pu Lalfamkima S/o. Suakchhinga chu VDP Duty ten an man a, amah hi Police kut-ah hlan a ni.
Dt. 25.1.10 zan khan Vanlalhruaia S/o. Hmingliana (L) tuna Mualpui Road-a awm chu VDP Duty ten Gas Bur ruk avangin an man a, amah hi Police hnenah hlan ani.
sd/-
Secretary
VDP, ITI Veng
Article
DIARY 2010
- P. Lalmawizuala
Production Manager
Zan dar 11:00 a ri tawh ka thiannu duh tak nen tun lai zawng taka Text kan inthawn lai chuan, ka rilru leh ngaihtuahnaah chuan thu tam tak a rawn thleng a. Ka thluak leh ka pen hmawr hmanga ka lo intihhlim ve thinna, ka lo dah that ruk tak chu ka phawrh chhuak a, ka pindan banga lem ziak mawi tak chu thlir chungin thlan tui luang chung chuan kan luangliam ve ta rawih mai a. Khawvel changkannain min delh ve bawk si, khawsa thei fa ka nih lohna chuan kan thinlungah chuan beidawnna leh lungngaihna thlarau a rawn tuh a. Ka thianpa tawngkam takin choka mawm leh lirtheiin mi tlan pel lai ka ngaihtuah chuan, he khawvelah hian engvangin nge ka lo pian chhuah le? Chhuan tur leh chapo pui tur nei ve si lo hian dam man a va awm lo em!! tiin ka ingaihtuah a. Ka rilru ang pu mi tam tak an awm ve mial mahna!! Lalpa ngati bik nge mite nun ka phak lo tak, an neih ang ka neih ve lo tiin min siamtu Pathian chu ka chhuah chhal ta hial a ni.
Zoram kalsiam a hersual tawh si, rethei fa tan hawi ngaihna a awm si lo. Inkhawmpui a lo nia, thuam tha nei ve thei lo tan chuan Lalpa Biakbuka lawi a va hrehawm tak em!! Kristianna kan lak dan a fuk tawk ta lo. Inlak muk tum luat leh that tum luatah, Kohhran hrang hrang thalai, a ruk tea kan intaih hramna kawngah hian harsatan nun paltlang tur a tam hle mai. Lalpa, he khawvela ka pianchhuah chhanah hian tihtur tam tak ka nei tih chu ka hria a sin. Ka mihrinna hi chuan a tum thin, mahse i tel lo chuan ka puitlin thei lo a ni. Bawhchhiatna suala ka tluk puite hmuha ka phar nawn a ngai a. Kil tin reng atangin hmuhsitna nuihthawn ka hre bawk si. Kei leh ka unaute tan hian hringnun hi a van hrehawm tak em!! Zirna runa ka belhpuite’n Nula rimna atan Lirthei mawi tak tak an lekchhuah thei laiin, kei atan erawh chuan vana rah ang a ni si. Ka hawi vela lung a awi meuh lo.. Lalpa ka tana I thihna Kalvari Kross mi thlir nawn tir rawh. Tahchuan nun hahchawlhna a awm si. Mahni phak ang tawkin, khawtlang leh Kohhran-ah han inhmang ve mah ila, rualawhna chuan ka hringnun a luah khat bawk si, chhuan tur nei lo tan chuan kawl a ni chhuak chhiar a, ka dinhmun hmun tur ngaituah chungin a tul tula ka tlan a ngai ta a. Lalpa ka tana i remruatna hi a va mak em! tih rum rum te pawh a awl a ni.
Heti hian ka ngaihtuah ta a, ka dinhmun anga ding ka thalaipui tam tak in awm ngei ang. Ropuina hi a pawn lam lan danah chauh a lo ni lo, tih hi ka sawi duh a. Khawvela kan cham chhung hi chuan vanduaina, hreawm tawr hun, nun khawharna te hi kan chungah hian a tla vek dawn a, he’ng kan tawn avang hian kan nun zawng zawng hi i tichhe lovang u. Mahni neih tawk leh phu tawk a khawsa thiam mi ngaihsanna chang hria in awm tum bawk i la. Lal Isua Krista ringtu kan nihna ang takin kan kalna tur, Vanram kan panna kawngah hian chiang ila. He kan khualzinna khawvel te hi chu a chakna chawpa boral mai tur a nih kha.. Ringtu kan nihnaah hian nun thuhrukna engmahin a chhun keh zawh loh kan neih hi a lo tul zawk fo a ni. Kei leh ka thalaipuite hian he kan hringnun zin kawng kan hman chho mekah hian harsatna tam tak kan tawk dawn a. Chu nun chu tuar chhuak ngei turin kan beih a tul a, a ni lo zawng leh a thim zawnga kan thlir chuan kan ral telh telh ang. Ngaihsan zawng tur dik tak ngaihsanna chang hria i la. Mahni tawka ‘kei ka ni’ intihtlat te hian, eng kawng hi nge changkanna chu? ropuina hi khawnge a awm? tih hi kan in zawh nawn fo a tul a ni. He Kristian rama thalai tam takte hian Biak In chhung piah lama kan tih tur chu ka hriat vek tawh kha.. Chawlhni apianga sual dahthatna ringawt nei lovin, Lal Isua Krista hnena kan kir lehna hun tha a la awm lai hian Lalpa tan I kir ang u. Back to jesus Back to Bible kan tih hi a hun ta.
- P. Lalmawizuala
Production Manager
Zan dar 11:00 a ri tawh ka thiannu duh tak nen tun lai zawng taka Text kan inthawn lai chuan, ka rilru leh ngaihtuahnaah chuan thu tam tak a rawn thleng a. Ka thluak leh ka pen hmawr hmanga ka lo intihhlim ve thinna, ka lo dah that ruk tak chu ka phawrh chhuak a, ka pindan banga lem ziak mawi tak chu thlir chungin thlan tui luang chung chuan kan luangliam ve ta rawih mai a. Khawvel changkannain min delh ve bawk si, khawsa thei fa ka nih lohna chuan kan thinlungah chuan beidawnna leh lungngaihna thlarau a rawn tuh a. Ka thianpa tawngkam takin choka mawm leh lirtheiin mi tlan pel lai ka ngaihtuah chuan, he khawvelah hian engvangin nge ka lo pian chhuah le? Chhuan tur leh chapo pui tur nei ve si lo hian dam man a va awm lo em!! tiin ka ingaihtuah a. Ka rilru ang pu mi tam tak an awm ve mial mahna!! Lalpa ngati bik nge mite nun ka phak lo tak, an neih ang ka neih ve lo tiin min siamtu Pathian chu ka chhuah chhal ta hial a ni.
Zoram kalsiam a hersual tawh si, rethei fa tan hawi ngaihna a awm si lo. Inkhawmpui a lo nia, thuam tha nei ve thei lo tan chuan Lalpa Biakbuka lawi a va hrehawm tak em!! Kristianna kan lak dan a fuk tawk ta lo. Inlak muk tum luat leh that tum luatah, Kohhran hrang hrang thalai, a ruk tea kan intaih hramna kawngah hian harsatan nun paltlang tur a tam hle mai. Lalpa, he khawvela ka pianchhuah chhanah hian tihtur tam tak ka nei tih chu ka hria a sin. Ka mihrinna hi chuan a tum thin, mahse i tel lo chuan ka puitlin thei lo a ni. Bawhchhiatna suala ka tluk puite hmuha ka phar nawn a ngai a. Kil tin reng atangin hmuhsitna nuihthawn ka hre bawk si. Kei leh ka unaute tan hian hringnun hi a van hrehawm tak em!! Zirna runa ka belhpuite’n Nula rimna atan Lirthei mawi tak tak an lekchhuah thei laiin, kei atan erawh chuan vana rah ang a ni si. Ka hawi vela lung a awi meuh lo.. Lalpa ka tana I thihna Kalvari Kross mi thlir nawn tir rawh. Tahchuan nun hahchawlhna a awm si. Mahni phak ang tawkin, khawtlang leh Kohhran-ah han inhmang ve mah ila, rualawhna chuan ka hringnun a luah khat bawk si, chhuan tur nei lo tan chuan kawl a ni chhuak chhiar a, ka dinhmun hmun tur ngaituah chungin a tul tula ka tlan a ngai ta a. Lalpa ka tana i remruatna hi a va mak em! tih rum rum te pawh a awl a ni.
Heti hian ka ngaihtuah ta a, ka dinhmun anga ding ka thalaipui tam tak in awm ngei ang. Ropuina hi a pawn lam lan danah chauh a lo ni lo, tih hi ka sawi duh a. Khawvela kan cham chhung hi chuan vanduaina, hreawm tawr hun, nun khawharna te hi kan chungah hian a tla vek dawn a, he’ng kan tawn avang hian kan nun zawng zawng hi i tichhe lovang u. Mahni neih tawk leh phu tawk a khawsa thiam mi ngaihsanna chang hria in awm tum bawk i la. Lal Isua Krista ringtu kan nihna ang takin kan kalna tur, Vanram kan panna kawngah hian chiang ila. He kan khualzinna khawvel te hi chu a chakna chawpa boral mai tur a nih kha.. Ringtu kan nihnaah hian nun thuhrukna engmahin a chhun keh zawh loh kan neih hi a lo tul zawk fo a ni. Kei leh ka thalaipuite hian he kan hringnun zin kawng kan hman chho mekah hian harsatna tam tak kan tawk dawn a. Chu nun chu tuar chhuak ngei turin kan beih a tul a, a ni lo zawng leh a thim zawnga kan thlir chuan kan ral telh telh ang. Ngaihsan zawng tur dik tak ngaihsanna chang hria i la. Mahni tawka ‘kei ka ni’ intihtlat te hian, eng kawng hi nge changkanna chu? ropuina hi khawnge a awm? tih hi kan in zawh nawn fo a tul a ni. He Kristian rama thalai tam takte hian Biak In chhung piah lama kan tih tur chu ka hriat vek tawh kha.. Chawlhni apianga sual dahthatna ringawt nei lovin, Lal Isua Krista hnena kan kir lehna hun tha a la awm lai hian Lalpa tan I kir ang u. Back to jesus Back to Bible kan tih hi a hun ta.
ITI Veng V/C Team Lawmthu Sawina
I.T.I Veng VC Football Team ten Zirtawpni a Chekawn VC Team nena kan inkhel min entu veng mipui zawng zawngte chungah lawmthu kan sawi a, kan V.C.P Pu F. Bawithuama’n kan inkhelh ni a, kalna tur leh kan eitur min ngaihtuah sak avangin a chungah kan lawm em em a ni.
"Dong Dong" Restaurant neitu Pi Manuni’n kan inkhelh banah eitur tuihnai tak min lo hlui bawk avangin lawmthu kan sawi bawk a. Tin, kan mawza bun tur min leisak tu Pu S.K.Liantawna leh Pi Chawithangi te chhungkaw chungah Players te kan lawm hle a. Pu H. Roenga’n a tul anga hman turin Rs 200/- min pe bawk a kan lawm tak zet a ni. Hetianga mi inphal Vengchhungah kan awm zel hi thlamuan thlak kan va ti em !!. Tin, kan inkhel en tura ITI Veng mipui lo kal zawng zawngte, in chungah thinlung takin kan lawm takzet a ni tih min lo hriatsak ula, nangmahni avanga chak thei kan ni tih hi minlo hriatsak kan duh a ni.
Kan inkhelh leh zelna turah veng mipui a tam thei ang ber min tawiawm zel turin kan sawm tak meuh a che u a, a theih phei chuan khuang te leh ri thei chi tin reng nena player te min support-na kan mamawh hle a ni. Kan ‘Home’ a ni a, he kan ‘Home Advantage’ hi a hlawk thei ang bera kan hman ve a tul a ni.
Sd/
(LALTLANSANGA )
Coach
ITI Veng VC Football Team.
Lawmthu Sawina
Chhiattawh chunga lawmthu sawina
Pu V Romawia te chhung V-Sec chuan an fapa Laldinpuia boral chungchangah, lainata tawrhpuitu I.T.I Veng nula leh tlangval, nu leh pa te chungah thinlung takin lawmthu an sawi
Lawmthu Sawina
Pu H.Laldela te chhungkua T-Sec chuan Dt.22.1.2010 (Zirtawp tlai) a an Workshop kan chungchangah Tlawmngai tak a thelhtu Vengchhung Tlangval tlawmngai te leh thenawm hnai tui phal tak a hman tir tu zawng zawngte chungah YMA news kaltlangin lawm thu thinlung takin an sawi.
ELECTORALPHOTO I.D LAM THEIH.
Electoral Roll-a thlalak chuang lo,chuang thar tur te tan heng mite hnenah (mahni Bialtu zelah) ID Card lam theih a ni ta e.
1.Pu H.Roenga
2.Pu Lalnuntluanga Pachuau.
3.Pu Ramngaihzuala
1.Pu H.Roenga
2.Pu Lalnuntluanga Pachuau.
3.Pu Ramngaihzuala
M.U.P Member-te Hriattirna
M.U.P I.T.I Unit chuan kum tin tih dan phung pangngai angin Annual Membership Fee tihthar leh mek a ni a, M.U.P Member ni duh tan, Bial enkawltute hnenah emaw Pu Vanlalringa Secretary M.U.P hnenah emaw February 2010, ral hma ngeiin tih fel tur a ni e.
Sd/-
Secretary
M.U.P, I.T.I Unit
Ngenna leh Hriattirna
Tun thla (January) atana YMA News man khawn tan a ni dawn a, chhungtinte thahnemngaia kan chanchinbu man hi lo pe hram hram turin kan inngen tak meuh meuh ani.
Kum bul lama kan chhuah tawh angin tun kum 2010 atang hian YMA News man hi kum tawpa a hlawma khawn a ni tawh dawn lova, a man a luh that zawk theih beiseiiin, thlatin a Rs. 10/- zela khawn tawh tur ruahman a ni. Kumin 2010 atan hian Vawiin Dt. 31.1.10 atang hian khawn tan a ni dawn a, kan Chanchinbu semtu (agent) ten in tinah an rawn khawn dawn a ni. YMA News hi a man atanga amah intum tura ruahman a ni a, kan pek that loh chuan a intum thei lo a ni mai dawn a, chuvangin chhungtinte lo ngaipawimawha a man tha taka lo pe hram turin kan inngenin kan inhriattir a ni e.
Editorial Board
YMA News, 2010
Subscribe to:
Posts (Atom)