NGENNA 

YMA NEWS Vol 26. / Issue No.40 Ni.6 October 2013

Ni 10-13 Oct 2013 chhung hian ITI Veng Presbyterian Kohhran Biak Inah Aizawl East Presbyterian Inkhawmpui neih ani dawn a, kan veng kawngpui te a tet deuh avangin hetiang hian Motor tlan dan tur ruahmanna siam a ni a, mipui ten zawm sak hram turin Traffic & Security Comt. ITI Veng Prresby. kohhran chuan min ngen a ni.

Pu Lalthanmawia In leh Pi Suakchhingi In inkar Ni 11-13 chhung zing dar 9-10am inarah chhuk zawng chauha tlan ni se. Thlanglam atanga kal tur te chu Pu Darchhawna In lamah kal ni se. Zan lamah dar 6-7 inkar. Tin, Venhimna lamah pawh mipuite thukhat vuaa tang tlang turin ngen kan ni e.

TUALCHHUNG

YMA NEWS Vol.26 / Issue No.40 October 6th 2013.

YMA THLANMUAL A THLAN TIHFAI : Thlanmuala thlan thenkhat hi chei leh enkawl zui loh awmin hriat ani a, kan chhungte thlan kumin chhung ngeia tifai theih turin Branch YMA in mipuite min ngen a ni.

SUM TUAK NAN BAWNG TALH DAWN : YMA General Conference pualin Ni 12 zing hian Branch YMA chuan Bawng a talh dawn. Hemi zing dar 5 hian Branch Committee member te GSA Volleyball court ah kal khawm tur  ani. Tin Lucky Ticket siam ani dawn bawk.

LAWMAWM : Pastor B Sangthanga leh Pu Lalsiamthara Ch.sec te chuan anmahni mimal sum sengin Step leh kawngpui an siam tha a, a lawmawm hle ani.

BRANCH YMA SUM DINHMUN : 
                                                          # Lakluh zawng zawng   - Rs.4,13,288/-
                                                          # Hman ral zawng zwng - Rs.3,52,021/-
                                                          # Kut a awm                 - Rs.61,267/-

YMA GENERAL CONFERENCE KAL TUR TE TAN : Ni 15-17 October 2013 chhunga Khawbung a neih tur YMA General Conference vawi 68-na kal tum te chu vawin 6th October 2013 (sunday) ral hma ngei hian Branch hruaitu te hnenah inhriattir tur ani e.

TAITESENA SECTION : a tul a hman turin Branch YMA ah Rs.2,000/- an pe ani.

KHUANGCHERA SECTION : Mualpui Complex chhungah Commandant order kallai anih angin chhungtinte mahni bawlhhlawh khut neih theuh tur a ni. Ni 10.10.2013 (Ningani) ah hian Section Committee an ko a, Seciton property atana donate tu zawng zawngte chungah section committee chuan lawmthu a sawi bawk.

VANAPA SECTION  :  Ni 4.10.2013 (Zirtawpni) khan JCB operator Association General Assembly Park Eden a an neih ah sum tuak nan Fatu in an inhlawh ani. Ni 8 zanah Section committee neih tum ani a, Section huamchhung ti faiin zingah kar remchangah hnatlang an neih ngawrh hle ani.

LUNGBANG REM CHHUNZAWM : ITI Veng Field ko (thlanuam panna kawng ) chu lungbang rem chhunzawm mekin he hna hi Congress Unit II ITI Veng chuan an thawk a ni.

BORAL : Cynthia Lalrinawmi (Kum 20) d/o Hmangaihsanga (L) T.sec chu Ni 2 Oct 2013 (NIlaini) zan khan a boral. a ruang hi tlaivarpi anih hnuin atukah ITI Veng thlanmualah vuiliam ani.

HNATLANG : Ni 3 (Nilaini) nileng khan Local Council hmalaknain vengchhung hmun hrang hrang kawtthler leh tuihawk luankawr te tifaiin hnatlang neih ani. Hlatlang thawkchhuak theilo te tan Rs.50/- a phat theih niin hnatlang lo te chu Rs.100/- a run tur an ni.