1. Aw YMA!! I sakhming chhingzo an awm lo,
I chhungah hlimten Zofate’n lung kan rual za e,
Tanpui ngaite tanpuitu, aw sakhmingmawi
I par zu tlanin nau ang kan nui za.
* Kan thlahlel I thlazar hnuaia len,
Kristian Nunzemawi Pawl rohlu,
Uai lote’n vul reng la, zaleng zawng tan
Chutin Zofate ti hlimtu ni zel ang che.
2. Doral leh buaina engpawh thleng se
Zam lovin bei la, hmatiang sawn zelin
Tawlhloh Puan sinin sual ral tawn la,
Chutin I hming a thangmawi mawi ngei ang.
3. Hei hi hre reng langin hreawmna karah pawh.
I puan veng la, Thangchhuah zel ang che,
Hnutiang hawi lovin, Raltiang kai zel la,
Zonunzemawi chhawm nung zel ang che.
4. Nghet takin ding la Zofa leng tan,
I chakna Lalpa hrechung zelin
Thiamna leh Finna min hlan la
I sakhming chawi kan bang lo’nge.
5. Sappui nun reng ngai lova,
Zofate Zai khata min luan tir tu
Khuarei thleng pawn kan nghilh lon’g che;
Nghilh loh YMA kan ti zel nang che.
(YMA Kum 75 na ka hmang ve thei leh YMA Day Ropui tak kan thleng leh thei hi ropui ka tiin min siamtu Lalpa chu Fakin awm sela, ka tana he Pawl, YMA thatzia ka ngaihtuah hian he pawl ropui zia hi ka sawi bang thei lova, thuin ka phak ang tawkin ka han phuah chhuak a ni e. Phuahni 27.12.2009 - edited 17.6.10)
