Mr.Fair.
** NIi 12.5.09 (nilai) zana LPS Pro Fight-a kan veng chhul chhuak dik tak John-a chakloh zana ‘tu em mawni’ awm dan kha kei zawng ka vei em a ni. Mahni khua leh tui ten chakna an chan zawhloh laia midang chak banphar meuha lo au tu chu kei zawng ka dem em a ni. Mahse maw.. a chak zawk kha kan lawpui lo tihna erawh a ni hran lo..
Khiangte Chawngthu.
** Tun tum MIZO IDOL-a ITI a Training lai Hostela awm telte kha kan chhuang khawp mai. ITI Veng an rawn inti kha. A tlingte an kal leh zelna turah duhsakna kan hlan a, a tling ve lo te kan thinlung takin kan tuarpui. Zai zel ang che u.
I.T.I Tlangval.
** Kan Veng chhung (Zoram pum huap pawh nise) ah hian fing tak, remhre tak, a thalo lai sawitur hria, ngaihdan ropui tak nei.. kan tam nasa mai a, mahse khawtlang / ram ti hmasawn tura thawk tak tak erawh kan tlem si hi chu a lungchhiatthlak khawp mai. Hmasawnna tura thawk pawl hrang hrang NGO leh O lo-ah pawh hian pawnlam atanga thlira thawk ve viau anga lang, rel chak tak, a thawh lamah chuan mahni duh chin leh peih chin chiah thawk, mahni mimal ngaihdan pela thil a kal chuan engkim diklo leh chhe ta vek emaw ti ta mai thin, ho hrang leh thlei-bik nei, thatna tura thusawi leh advise hua langsar leh thawm ring ve tak, thiante thawh zara par vul vel ta mai mai ang chi hi pawl tin hian an kawl fur a, heng mite phenah hian thahnem ngai leh thawk tak tak, rilru leh neih sum senga hun hlu leh theihna zawng zawng hmang thin an awm leh bawk a, heng mite hian tih theihloh, indaihlohna leh tlin ngang loh, ngaihtuah kim loh, tih hmaih, fellohna leh famkim lohna an nei teuh a... awmhmuna fing leh remhre taka - tih nachang an hre lo, heti hian tih tur; An ti diklo, hma an la lo, an chak lo etc. i lo tih thin zawng zawngte kha dah thain a field ah tak tak thlantui fara zuang lut ve a hma lak pui turin ‘NANGMAH NGEI KHA ‘ an nghak reng che a nia.
Helen of Troy.
** YMA News hi Veng chhung mipuite hian kan zavaia ta ani tih hriain kan duh khawp loh lai a awm anih pawhin khawilai dawr kawtah emaw tu thutthleng siamah emaw, khawi hmunah pawh; achhiatna lai zawnga sel vak vak lovin kan
thahnem ngaih zawng te chu editorial board te hnenah hian i hriattir hram teh ang u.
Fabregas M.
** ITI Vengah ui hmuh tur awm miah si loin UI-EK erawh atam hle an ti. Ui neituten kan ui ekna kan fimkhur a ngai. Khawlai/mi kawt ah i ui ek tir ngai em? Mahni Compound ah ekna hmun siamin, i thiartir thin tawh teh ang u. -
'inla Emo em em keimah'
