Written By Laldawnga pu.
Taitesena Section.
Taitesena Section.
Pathianin kan chenna lei;lung hi ngun taka a siam, mawi atih em em a ni tih chu kan Bible-ah
kan hmu. A enkawl turin ama anpaiin mihring asiam a, chung mihring zingah chuan, nang leh kei hi kan lo tel ve reng mai a, mawhphurhna sang tak Pathian khawngaihna a zarah kan lo nei ve reng mai a lo ni. Heng hna chhunzawm zel tur hian kan vengchhungah miropui, ngaihtuahna thui tak nei mi Pu R. Kapenga chu a din tan tu atan alo ruat a, a mah leh a thuihruai mi fel tak tak he leirama awm tawh lo te sulhnu hi pawl hming atana an lo vuah IBS nilai mek te hian kan theihnghilh leh tawh ngai tawh lo vang. Tichuan kan vengchhunga member la awm ten chu hna chu chhunzawm zelin vawin ni thleng hian Aizawl khawpui a veng nuam leh mawi ber tih a lo hlawh ta.Kan veng hi han fangkual vel ila, chhungtin te tuallai, kawtkai fel fai em em han hmuh te hian rilru a ti hlim a, IBS-in boruak thianghlim siamtu thing hnah hring dup mai leh par mawi em em mai te hian veng dang min ti awt reng reng lo. A veng hming put chhan I.T.I inchung rangva hring dup mai te hian a chawih mawi em em mai bawk a. Chhungtin te hian “Hmangaihna rawng ‘Hring’ hi hmang thei theuh nghe nghe ilang a inchawih mawi lehzual anga, mit ala zual ngei ang. Hmun hla zawk Republic leh Venghlui tlang atanga han thlir chang te hian a mawina hi thu maia sawi fiah thiam rual ni hian kei ka hre thin lo..... I.T.I Veng khua leh tui ka lo ni ve hi vannei ka in ti ngawih ngawih thin.
A.... ka sawi zel dawn, Volleyball ground a I.B.S ho bawk in thir thutthlengsei, anmahni I.B.S rawng ngei mai a an han chei a, an han hung tlar thut mai te hi , an ngaihtuahna rilru hi Pathian pek a ni a, sul lo su tu hranghlui kal ta ten hringlangtlang atangin an han thlir anga, mawi an tiin malsawm tlak a ni tiin an lo thlir ve ngei hian ka ring thin. Heng te hi veng chhung hmangaihna rilru tak tak a tanga tih a ni ngeiin ka ring tlat a ni.
Hei vang hian kan vengchung hruaitu zahawm tak te- V/C, YMA, VDP etc te pawh hian theihpatawpa veng chhung awp hnawk leh fel lo hi dimdawina awm miah lovi thiam tak si hian han enkawl zel sela Veng thianghlim leh mawi kan ni reng thei ngei ang.
Tin, kan vengchhung thing leh pangpar mawina leh a fai thianghlimnaah hian i tawp mai lovang u. Lal Isuan “ In thianghlim tur ani kei ka thienghlim ang hian” a tih hi chang vawnah nei thei theuh ila. Chhunglam thianghlimna kan mamawh em em hlen chhuak turin YMA leh VDP te an thawk reng bawk a. ( Sunday tlaiah phei chuan mawng hung hman lek lova an hmanhlelh zia te hi ). He kan veng fai/ thianghlim / mawi taka kan vawn reng theihnan kan veng a Taxi neitu te leh Driver te pawh zu leh ruih hlo dang te phur lut tu ni lova, hnawl ngam tu ni thei theuh turin ka ngen nghal duh che u a, chung ai chuan Van lam Insurrance BSI a Life Member-ah pe thei ta zawk ila, rawngbawlna a nih mai piahlamah Pathian malsawmnain kan motor te pawh a tluang thei ngei ang.
“I.B.S Vul Zel Rawh”
