Charles Dickens T.K.Sailo
Kei Sailo lulian thluak thawl tlang changlo lehnghal hi,mi thenkhat aia hniam bik leh kaih ngai bik ni "lulak" thin mah ila,ka thian neih thenkhat te hi lehkhathiam sang tak,an hnathawh pawh mipangai chunglamin an thawh thin thawk pha an ni fur hlawm a, pawnlam lan dan a bik takin silhfen aia chhunglam, mizia ngaipawimawh mi tak anni hlawm hi an ngaihsan tlaka , an chanchin pholan loha dahthat reng zawng an uihawma kan entawn atan tlem azawng i han tarlang ta ila a that ka ring. Ka uchuak bik vang pawh ni lo hian, 'Larki' ho hi thian ka ngah a, ka thawnthu ti ngaihnawm tura ka telh ziah thin pawh hi thenkhat tan chuan ninawm a ni thei a, thenkhat tan erawh chhiar ti ngawihnawmtu a nih phah hial thei a, kan inhrethiam tlang turah ka ngai. Kan chanchinbu Hotupa-ber nena kan chetsual tuma ka hmai ka sawh-hliam chu Mawite-i (Mawitei hi Lai a ni daih.!) hmaah chuan ka zahpuia, Lai nula azawnga hmeltha ber leh pian thiam ber tia ka lo sawi hian, a mitmeng mawi tak hian hnai teah min rawn en a, 'A pawi reng reng lo' a ti thawp deuh sat kha chu e, vanKram ka tem lawk ni ber hian ka inngai. Ka thu nisela, 'A pawi reng reng lo' tih huang hi hawn belh hial ka duh rum rum. Ka pawnlam lan dan hi chu eng teh vak a ngai lo, officer a ni tih ka hai lo, an khawsak changkan dan pawh ka hre ve a, a thla khat hlawh pawh ka hre thawi ve a, hetiang taka mi pangai chunglama leng a ni chung hian a in cheina atlawm a, khawpui nulaten hnathawhnaah pawh an ha duhlo ang tih tur hi a office kalnaah a inbel fo a, duh nisela a taksa ah hian Rangkachak leh lunghlu te chu a thiat fer fur thei ngei ang. A pawnlam landan chu thing tih tur a ni a, belhchian erawh chuan a turu viau thung lawi si.Thian thenkhat te pawh hi hna sangtak thawk an ni fur hlawm a, an thla khat hlawh hian mobile phone leh thawmhnaw hi ngai ti nisela, an duh zawng zawng an neih theih ka ring. hemi rual chiah hian ka thianpa tih pawh ka zak deuh, Pu Ni-a Hauhnar ve thung hi chu chhungte chawmhlawm changpat chehchhum ang chauh a ni a, engmah thawhchhuah nei hlek lo hian chhungte kiangah thawmhnaw man to ber ber chi a demand a, a rilru nilo a taksa erawh puitling a ni ve tawh si a, a chhungten an ngam tawh silo, A duh ang chu an lei sak leh thawr thin. Mobile phone lah chu a nei changkang / manto a, balance erawh a nei ngai mang hauh lo zuk nia. Ka nuihzat.! A changkanna, a ropui hmelthat tehreng nen hian a thu leh hla te lah chu a nawi phian bawk si a, kan veng thanmawhbawk a nih hi. Heng mite hi kan hmusit ngam tur a ni. Thianpa Nghaka ve thung hi chuan mobile phone manto a leklam ngam lo. mahse Balance erawh a ngah phian zel a ka ngaisang. Khawvel Nu Mother Teresa kha thawmhnaw chi hrang hrangah a buai ve lo mahse khawvel hian a ngaisang tho asin. India hnampa Mahatma Gandhi pawh khan ama thawmhnaw siam chawp a in bel mai mai thin a, khatiang kha ni mahsela, keini chauh nilo khawvel hian ani pawh hi a zah a, a ngaihsan rawn mek zawng a nih hi. An pawnlam landan aia an chhungril, mize ropui em vang a ni. A hrechiang lo leh a bel chianglo tan chuan, a pawnlam lan dan hrim hrimah hi chuan mi rawn tlak / ropui hmel tak ni si, belhchian a mi kawrawng tak ni te, han en thuaka kal pelh mai tur chi belhchiana chhunglam nun hausa tak nisi te hi an zahawma an ngaihsanawm thin a ni. Nang leh kei hian tunah hian eng nge kan dinhmun theuh in en ta ila, khawiah hian nge i awm? Zir tur kan neih ka ring.
