KHAWTLANG TI MAWITU AN NI ZAWK SI!!
- Lalthlengkima Sailo
Jt. Editor.
Keini awmna mual bik hi chu "thulehhla mual" tiin a hming ka phuah ve hmiah a, a chhan chu keini awmna mualah hian he YMA News chanchinbu lo vahvaih pui hrep tawh tu Pu Za-a, Pu Eng-a leh Unaupa...an in thiat fer fur a. Kan kohhran HOREB chanchinbu fawng vuantu mi thahnem tak an awm nawk bawk a, hetiang ni lem lo, khabe sep lama eizawng chi an la inphum ru nawk bawk a, kan ti ti te hi a hrawl hreih hreih hlawm thin teh a nia.
Hlaphuah tu’n,
"Zingah Sava ten Pathian an fak a,
Pangparin a ropuina a entir fo ;
A thilsiam zawngin a mah an chawimawi,
Mihring chauh lo chu zirtir an ngai lo".
a lo ti a.
Mi thenkhat hian thuziak thiam a nih hi tih lam aia a chak hmel e! min ti thin te, Volleyball a thiam min ti thin te hi ka lawmna ber a ni lem lo, thuziak mi hmuha min hmuh hian ka lawmna ber a ni zawk. Chhim khawpui lam mi hun rei tak ka lo kawp tawh, ka Chhim Rose-i tia ka lo uanpui ve thin nen hun engemaw ti a tang khan inthenna thuthlung kan ziak ta mauh si a, ka khawhar, lungleng ngawih ngawih thin si zia hi puanchhuah ka van chak tawh tak em!! kan intawn tantirh atanga tun hun thlenga ka hringnun a la nghawng nat si zia te hi ngaihnawm tham a nih ngei ka beisei. "ka at man ka chawiseng lo a ni" U P.Mawi ka bulah lo kal la min lo hnem teh khai! Jampui tlang dung kha!!.
He Sava hi khawi a mi nge?: Mizo hmeichhe zaithiam zawng zawng zinga ka duh ber Leitlangpui nula tuainuak hmeltha leh ngainatawm Bethsy-i nen hun rei tawh tak kan inbiak loh hnuah Vodafone sim- ka hman tak a vangin ka no lo save- ve tura ka request tuk hian, kan piah lawk thingkungah Sava a zawnga ka ngainat leh mawi ka tih em em Vaki alo fu a, hmuhnawm ti taka ka thlir voh voh laiin, duhtak Bethsy-i’n article i la ziak ngai em? min tia, "keiin aw ziak ngai e, i tan ka ziak leh thuai ang... a nih phawt aw.. tia kan in thlah hnu khan Sava chu ngun takin ka thlir reng a, ka zir a, he thu hi alo pian chhuah phah ta hial a. Tuk dang reng rengah Tlaiberh te, Vate te, Thehlei te, Chinrang leh Chawngzawngte he thingkungah hian an fu thup thin a ni si a, engati nge tukin ataka Vaki alo fuk ve teh tlat le, tiin ka en reng a, hmuhnawm ka ti a, mi thenkhatin an perh thla ang tih mawlh ka hlau a, mahse perh thlak a hnekin kan Veng naupang te zawng an changkang tawh. En teh u khi Vaki nidanga rawn lang ngai reng reng lo kha tlangnel tak leh inthlahrung hauh lovin a rawn lang nawlh nia, tiin kan hrilh hre hlawm a, an ni lah chuan a va mawi tak ve aw!! an ti a, perh thlak a hnekin hmuhnawm an ti a, min thlir pui ve vawng vawng hlawm a, " naupang hovin hmuhnawm ti taka an thlir dauh dauh lai hian thuziak mi kan danglamna bik riau alo lang leh ta nawlh a, mi thluak a mut laiin ka thluak a hahchawl ve hman ta lo. Hmanah, tun hmain khawiah nge he Vaki hi a awm thin le" tiin ka tawng chhuak ta hial a.Keinin hmuhnawm ti tak leh kan bulvel ti nuam tu leh ti mawizual tu nia kan ngaih mek lai khan mi thenkhat rilru phai deuh in, hetiang Sava tun hma pawha rawn lang ngai hleilo tiin an lo helh ve em em thung a, perh thlak phet an lo tum ve mek bawk a. Heng mi te hian an ngaihtuah chiang lo a ni. Vaki fukna thingkung lo luahluma, lo venghim a, lo enkawl tha tlattu Sava dang te kha an fakawm thawt. Tun hmaa la rawn lang ngai reng reng lo Vaki kha engtin tak lo dawngsawng ve tak ang maw? ka ti rilru neuh neuh a. He Vaki hi tun hmain rawn lang ngai lo mahsela a rawn inlan ve hnua kan chhehvel a tihnawm phah zia leh a tih phuisui phah si ziate hi kan hrethiam phak mawlh lo a ni ber e. Hrethiam phak erawh kan awm teuh tho a ni.
Tun hmain khawnge an awm?: He Vaki hian kan khawtlang min ngaihtuah chhuah tir a, a bik takin kan Br, YMA hruaitu langsar chinah i zuanglut ang; tun hmain khawtlang rawngbawlna hnatlang, chhiatni, thatniah sawi tur tingin an lang tam lemlo pawh a ni mahna, hei tak hi mi thenkhat in an lo helh ta chiah mai le, enge a chhan i han chhui chhuak dawn teh ang; An mahni chu kawm chiang chiah lemlo mah ila a landanah mi thenkhat hi chu zirna avanga khawtlang tana in hmang hman hrih lo an ni a, thenkhat ve thung hi chu an eizawnna a vanga khawtlang tana in hmang hman lo an ni. Hei tak hi mi thenkhatin an man ta lo chiah a, kan hnathawh that kan hre vawng a, an ni aia langsar ta zawk kha an ngai thei lo a, an fel tawk lohna lai an kher a, perh thlak an tum ni hian a hriat theih a, mi hlawhtlingte lawmpuina thinlung, mahni lansarhna tur dal tlata hriatna tel miah lo hi hnampui zia a ni si a. Khawtlang tana tha leh zung vawi tam lo seng tawhtu mi engemawzah hruaitu ni awm tak tak tawh, kalphung hria zuan khuma Vengkhata rorelna sanga an lang ta nulh nulh hi mak tih a hlawh a, sawi pawh a hlawh na ngiang a ni. Bengsikin han ngaihtuah ta vang vang ila, keia lo thlir ve danah, khawtlang tana an tha leh zung theih ang tawk lo seng a, lo tuaihnum tawh thin tu te kha an fakawm ka ti a, pawl kalphungah pawh a senior zawk, kalphung hre pha a kul ataia in hmang chu an dinna a sang ngei tur a ni ngei mai a, mahse khawvel lo changkang zelah mithiam inpe an lo lang a nih hruaitu ni tur hian a pawina a awm chuang em? Mipui lam hian rilru thianghlim kan put angai a, hmana rawn lang ngai hleilo kan hruaitu thenkhat rawn lang ta nawlh nawlh te hi tun hmain khawiah nge an awm thin? Ti mai lovin, Vaki ang mai a an rawn lan hnu hian kan khawtlang tana an hnathawh that zozai te, kan khawtlang a mawi phah nasat tawh zia leh a zahawm phah zia hi hmuh thiam sak ila, an finna leh an thiamna kan khawtlang tana hmang chhunzawm zel tura sawisel aia, thurawn tha tak tak kan pek a, an fel tawk lohna laiah pawh kan thup mawi sak hram hram hi a finthlak a, kan Veng inlungrual theihna tur hmanraw tha tak pawh a nih ngei a rinawm.Hmana lang ngai lo tuna rawn lang ta te hi, "khawtlang ti mawitu an ni."
(Ka khua leh tui te u, tlangval laia ka kutchhuak hnuhnung ber pawh a ni mai thei a, mi thenkhat ngaihah khawtlang hruaitu a tlawn min ti pawh a ni thei e, thenkhat chuan min tih chhan a ni maw? he ka kutchhuak dawrawm tak hi i helh amaw? i fak a maw? i duh ang thalin Next Issue-ah rawn chhaih kual ve hrim hrim turin ka sawm a che u.)
- Lalthlengkima Sailo
Jt. Editor.
Keini awmna mual bik hi chu "thulehhla mual" tiin a hming ka phuah ve hmiah a, a chhan chu keini awmna mualah hian he YMA News chanchinbu lo vahvaih pui hrep tawh tu Pu Za-a, Pu Eng-a leh Unaupa...an in thiat fer fur a. Kan kohhran HOREB chanchinbu fawng vuantu mi thahnem tak an awm nawk bawk a, hetiang ni lem lo, khabe sep lama eizawng chi an la inphum ru nawk bawk a, kan ti ti te hi a hrawl hreih hreih hlawm thin teh a nia.
Hlaphuah tu’n,
"Zingah Sava ten Pathian an fak a,
Pangparin a ropuina a entir fo ;
A thilsiam zawngin a mah an chawimawi,
Mihring chauh lo chu zirtir an ngai lo".
a lo ti a.
Mi thenkhat hian thuziak thiam a nih hi tih lam aia a chak hmel e! min ti thin te, Volleyball a thiam min ti thin te hi ka lawmna ber a ni lem lo, thuziak mi hmuha min hmuh hian ka lawmna ber a ni zawk. Chhim khawpui lam mi hun rei tak ka lo kawp tawh, ka Chhim Rose-i tia ka lo uanpui ve thin nen hun engemaw ti a tang khan inthenna thuthlung kan ziak ta mauh si a, ka khawhar, lungleng ngawih ngawih thin si zia hi puanchhuah ka van chak tawh tak em!! kan intawn tantirh atanga tun hun thlenga ka hringnun a la nghawng nat si zia te hi ngaihnawm tham a nih ngei ka beisei. "ka at man ka chawiseng lo a ni" U P.Mawi ka bulah lo kal la min lo hnem teh khai! Jampui tlang dung kha!!.
He Sava hi khawi a mi nge?: Mizo hmeichhe zaithiam zawng zawng zinga ka duh ber Leitlangpui nula tuainuak hmeltha leh ngainatawm Bethsy-i nen hun rei tawh tak kan inbiak loh hnuah Vodafone sim- ka hman tak a vangin ka no lo save- ve tura ka request tuk hian, kan piah lawk thingkungah Sava a zawnga ka ngainat leh mawi ka tih em em Vaki alo fu a, hmuhnawm ti taka ka thlir voh voh laiin, duhtak Bethsy-i’n article i la ziak ngai em? min tia, "keiin aw ziak ngai e, i tan ka ziak leh thuai ang... a nih phawt aw.. tia kan in thlah hnu khan Sava chu ngun takin ka thlir reng a, ka zir a, he thu hi alo pian chhuah phah ta hial a. Tuk dang reng rengah Tlaiberh te, Vate te, Thehlei te, Chinrang leh Chawngzawngte he thingkungah hian an fu thup thin a ni si a, engati nge tukin ataka Vaki alo fuk ve teh tlat le, tiin ka en reng a, hmuhnawm ka ti a, mi thenkhatin an perh thla ang tih mawlh ka hlau a, mahse perh thlak a hnekin kan Veng naupang te zawng an changkang tawh. En teh u khi Vaki nidanga rawn lang ngai reng reng lo kha tlangnel tak leh inthlahrung hauh lovin a rawn lang nawlh nia, tiin kan hrilh hre hlawm a, an ni lah chuan a va mawi tak ve aw!! an ti a, perh thlak a hnekin hmuhnawm an ti a, min thlir pui ve vawng vawng hlawm a, " naupang hovin hmuhnawm ti taka an thlir dauh dauh lai hian thuziak mi kan danglamna bik riau alo lang leh ta nawlh a, mi thluak a mut laiin ka thluak a hahchawl ve hman ta lo. Hmanah, tun hmain khawiah nge he Vaki hi a awm thin le" tiin ka tawng chhuak ta hial a.Keinin hmuhnawm ti tak leh kan bulvel ti nuam tu leh ti mawizual tu nia kan ngaih mek lai khan mi thenkhat rilru phai deuh in, hetiang Sava tun hma pawha rawn lang ngai hleilo tiin an lo helh ve em em thung a, perh thlak phet an lo tum ve mek bawk a. Heng mi te hian an ngaihtuah chiang lo a ni. Vaki fukna thingkung lo luahluma, lo venghim a, lo enkawl tha tlattu Sava dang te kha an fakawm thawt. Tun hmaa la rawn lang ngai reng reng lo Vaki kha engtin tak lo dawngsawng ve tak ang maw? ka ti rilru neuh neuh a. He Vaki hi tun hmain rawn lang ngai lo mahsela a rawn inlan ve hnua kan chhehvel a tihnawm phah zia leh a tih phuisui phah si ziate hi kan hrethiam phak mawlh lo a ni ber e. Hrethiam phak erawh kan awm teuh tho a ni.
Tun hmain khawnge an awm?: He Vaki hian kan khawtlang min ngaihtuah chhuah tir a, a bik takin kan Br, YMA hruaitu langsar chinah i zuanglut ang; tun hmain khawtlang rawngbawlna hnatlang, chhiatni, thatniah sawi tur tingin an lang tam lemlo pawh a ni mahna, hei tak hi mi thenkhat in an lo helh ta chiah mai le, enge a chhan i han chhui chhuak dawn teh ang; An mahni chu kawm chiang chiah lemlo mah ila a landanah mi thenkhat hi chu zirna avanga khawtlang tana in hmang hman hrih lo an ni a, thenkhat ve thung hi chu an eizawnna a vanga khawtlang tana in hmang hman lo an ni. Hei tak hi mi thenkhatin an man ta lo chiah a, kan hnathawh that kan hre vawng a, an ni aia langsar ta zawk kha an ngai thei lo a, an fel tawk lohna lai an kher a, perh thlak an tum ni hian a hriat theih a, mi hlawhtlingte lawmpuina thinlung, mahni lansarhna tur dal tlata hriatna tel miah lo hi hnampui zia a ni si a. Khawtlang tana tha leh zung vawi tam lo seng tawhtu mi engemawzah hruaitu ni awm tak tak tawh, kalphung hria zuan khuma Vengkhata rorelna sanga an lang ta nulh nulh hi mak tih a hlawh a, sawi pawh a hlawh na ngiang a ni. Bengsikin han ngaihtuah ta vang vang ila, keia lo thlir ve danah, khawtlang tana an tha leh zung theih ang tawk lo seng a, lo tuaihnum tawh thin tu te kha an fakawm ka ti a, pawl kalphungah pawh a senior zawk, kalphung hre pha a kul ataia in hmang chu an dinna a sang ngei tur a ni ngei mai a, mahse khawvel lo changkang zelah mithiam inpe an lo lang a nih hruaitu ni tur hian a pawina a awm chuang em? Mipui lam hian rilru thianghlim kan put angai a, hmana rawn lang ngai hleilo kan hruaitu thenkhat rawn lang ta nawlh nawlh te hi tun hmain khawiah nge an awm thin? Ti mai lovin, Vaki ang mai a an rawn lan hnu hian kan khawtlang tana an hnathawh that zozai te, kan khawtlang a mawi phah nasat tawh zia leh a zahawm phah zia hi hmuh thiam sak ila, an finna leh an thiamna kan khawtlang tana hmang chhunzawm zel tura sawisel aia, thurawn tha tak tak kan pek a, an fel tawk lohna laiah pawh kan thup mawi sak hram hram hi a finthlak a, kan Veng inlungrual theihna tur hmanraw tha tak pawh a nih ngei a rinawm.Hmana lang ngai lo tuna rawn lang ta te hi, "khawtlang ti mawitu an ni."
(Ka khua leh tui te u, tlangval laia ka kutchhuak hnuhnung ber pawh a ni mai thei a, mi thenkhat ngaihah khawtlang hruaitu a tlawn min ti pawh a ni thei e, thenkhat chuan min tih chhan a ni maw? he ka kutchhuak dawrawm tak hi i helh amaw? i fak a maw? i duh ang thalin Next Issue-ah rawn chhaih kual ve hrim hrim turin ka sawm a che u.)
