Editorial

YMA News Man Mawlh Hi !
Aw le.. tun tum chu inngenna lam bawk aw.!! Kan hriat theuh angin kan chanchinbu ‘YMA News’ hi kan Veng ta liau liau a nih ang ngeiin a chhiat a thatah a mawhphurtu chu he chanchinbu enkawltute kan nih mai piah lamah he chanchinbuin hma a sawnna tur leh tluang taka a kal theihna tur chuan Vengchhung mipui he chanchinbu lo la ve tu zawng zawng te’n mawh kan phur a ni tih hi han hre thar leh hmasa ta ila kan sawi tum pawh hian kawngro a su deuh mahna.
Ni e, he chanchinbu hi kan sawi fo thin tawh angin Vengchhung a sem tur chauh nimahse a man chungchangah harsatna neuh neuh kan tawk ve fo mai zawng a nih hi. Kumin kumtirah khan Kum hmasa lam te ngaihtuah chungin vawikhata Rs 100/- lai mai khawn chu chhungkaw thenkhat tan a rit mah mah ang e tiin leh dinhmun te a inchen loh bawk avangin tute pawhin awlsam taka kan phawrh theih mai nia lang tur tawk a kan ngaih thlatin Rs 10 a khawn nise kan ti ta a nih kha. Mahse Rs 10/- pawh hi harsa kan la ti fo nge kan Chanchinbu man hi kan ngaihsak tawk lo ve hrim hrim tih pawh hriat loh a man hi tun thlengin kan hmu chhe em em reng mai hi chu Vengchhung mipuite he chanchinbu la thin leh chhiar thin zawng zawngte inngaihtuah thar leh turin ka han sawm duh che u a ni.
Kan sawifo tawh angin he chanchinbu hian Vengchhungin a kan thawhkhawm loh chu engamh innghahna dang a nei ve lova, a man kan pek that leh a tluang a ni mai a kan pek that loh leh a herna lamah a man kan chawi tho a vangin kan mualpho chu a ni der mai dawn a chuvangin chhungtinte YMA News man chungchangah tun ai hian tan la thar leh deuh a thla tin Rs 10/- hi chu harsa lo turah ngai ila a khawntute naupang deuh mahse thahnem ngai leh zual turin ka han inchah nawn leh a ni e.