Nun tak / Mize Nghet
Beiseinain mihringte nun a tidama, beidawnna leh lungngaihna ruamah pawh chu beiseina chuan hringnun hi a chhem dam thin.
Mahse, he kan Zoram khawvel Politiks hian kan duh loh leh kan tum ni miah lovin chu beiseina duhawm chu sualah a hnuk lut a. Kan vawiin khawvel ah a nunrawnzia a chhuah a, a hman dan tur dikin kan hmang tawh lova, tawrhchhelna leh tumruhna in a ken tel tur beiseina chu midang puihna dawn beiseina leh hleihluak taka hamthatna dawn beiseina ten kan nun a tibuai mek a ni.
Chu chuan kan tunlai thangthar nun-ah nghawng thalo tak a nei zel a. Kan vengchhungah pawh Thangthar mize nghet nei thei lo, Nun tak in a tlansan kan tam ta hle a ni. Hamthatna leh mahni tana tha tur duhna leh itna in kan nun a bual a a, Ram leh Hnam leh Khawtlang hmangaihna tak tak chu kan nghawng a chin chunglamah bak kan nei ta lo. Mizo nihna-ah kan chiang tawh lova, Thangchhuah puan nen inti Mizo taka kan pawnlam nun kan cheimawi pawhin kan Nun hi a Mizo thei ta thlawt lo a ni ber!. Lar duhna te, mahni hmasialna te, kan tih ang miin tive thei lo se tihna te, min min fak se tihna te, ka hmelhriat tha neih ang hi tuman nei ve lo se tihna te leh abak tam takin kan nunah hian kan zing thawh hlim atangin Lalna a chang a. Mizo tlangval inthianthatna ten hmun a chang tawh lova, kan tana tha tur anih chuan kan thiantha tak thin pawh mi zinga sawisel kan hreh tawh lo.
Nun tak awmzia leh a hlutna kan chhut pha tawh lova, hamthatna dawn inbeisei reng rengin ‘dazat’ taka nun kan hreh tawh lo!. Pawm lama nui sanga chunga induhsak hmel taka in chibaiin, chhungrilah mi chhiatna tur ngaihtuah reng rengin kan nun kan hmanga. ‘Hlawhtlinna hi ka theih leh ka tlin phak tawka tumruh tak leh huaisen taka ka beih chuan Pathianin ka phak tawk min buatsaih sak ve ang’, tih nachang kan hre tawh lova, awlsam taka hlawhtlin chakna leh kawng engemaw tala mi hnuaichhiah theih chakna ringawtin min tibuaia, chu chuan mi tlawn kual leh mi sawichhiat a keng tel a, thla tin mai hi khawvela ka ‘thian tha ber’ tih zel tur thian thar min neih tir a, a thla leh lawkah kan tana tha tur anih chuan midangin kan thlak leh mai thin!. Chuti chung chuan ‘Mizo nih hlutna te, Rinawm pawimawhna te, Dik pawimawhna te’ kanla tlangaupui hreh chuanglo nimai lovin a sawitu nih nuam kanla ti tlang hle thung!.
He Zoram Politiks inlumletin a rawn ken tel beiseina thar tenawm tak hi ‘Beisei lo ngam’ turin thangtharte hian tan ila tlang leh ila. Nun tak leh Mize nghet neih hlutna te hrechiang leh ngam ila ava duhawm em. Mizo taka thian tha tak kan siam tawh te, chhungkaw thar tha tak kan siam tawh te, hamthatna leh mahni hmasialna avanga kan tlansan tawh te hian kan tu leh fate thleng damchhunga rin tawh loh turin thuthlung min siam hnan zel chuan mahni hmasialna avanga kan nun kan ven zawh loh tam tak avang hian rei lo te ah lungngaiin kan la rum ngei ang!. Mizo te Mizona hi theihnghilh lovin chhawm nung zel ila, kawng engkimah ‘Mizo takin aw..’ tih hi thupuiah nei thar leh ila ava duhawm em.
Beiseinain mihringte nun a tidama, beidawnna leh lungngaihna ruamah pawh chu beiseina chuan hringnun hi a chhem dam thin.
Mahse, he kan Zoram khawvel Politiks hian kan duh loh leh kan tum ni miah lovin chu beiseina duhawm chu sualah a hnuk lut a. Kan vawiin khawvel ah a nunrawnzia a chhuah a, a hman dan tur dikin kan hmang tawh lova, tawrhchhelna leh tumruhna in a ken tel tur beiseina chu midang puihna dawn beiseina leh hleihluak taka hamthatna dawn beiseina ten kan nun a tibuai mek a ni.
Chu chuan kan tunlai thangthar nun-ah nghawng thalo tak a nei zel a. Kan vengchhungah pawh Thangthar mize nghet nei thei lo, Nun tak in a tlansan kan tam ta hle a ni. Hamthatna leh mahni tana tha tur duhna leh itna in kan nun a bual a a, Ram leh Hnam leh Khawtlang hmangaihna tak tak chu kan nghawng a chin chunglamah bak kan nei ta lo. Mizo nihna-ah kan chiang tawh lova, Thangchhuah puan nen inti Mizo taka kan pawnlam nun kan cheimawi pawhin kan Nun hi a Mizo thei ta thlawt lo a ni ber!. Lar duhna te, mahni hmasialna te, kan tih ang miin tive thei lo se tihna te, min min fak se tihna te, ka hmelhriat tha neih ang hi tuman nei ve lo se tihna te leh abak tam takin kan nunah hian kan zing thawh hlim atangin Lalna a chang a. Mizo tlangval inthianthatna ten hmun a chang tawh lova, kan tana tha tur anih chuan kan thiantha tak thin pawh mi zinga sawisel kan hreh tawh lo.
Nun tak awmzia leh a hlutna kan chhut pha tawh lova, hamthatna dawn inbeisei reng rengin ‘dazat’ taka nun kan hreh tawh lo!. Pawm lama nui sanga chunga induhsak hmel taka in chibaiin, chhungrilah mi chhiatna tur ngaihtuah reng rengin kan nun kan hmanga. ‘Hlawhtlinna hi ka theih leh ka tlin phak tawka tumruh tak leh huaisen taka ka beih chuan Pathianin ka phak tawk min buatsaih sak ve ang’, tih nachang kan hre tawh lova, awlsam taka hlawhtlin chakna leh kawng engemaw tala mi hnuaichhiah theih chakna ringawtin min tibuaia, chu chuan mi tlawn kual leh mi sawichhiat a keng tel a, thla tin mai hi khawvela ka ‘thian tha ber’ tih zel tur thian thar min neih tir a, a thla leh lawkah kan tana tha tur anih chuan midangin kan thlak leh mai thin!. Chuti chung chuan ‘Mizo nih hlutna te, Rinawm pawimawhna te, Dik pawimawhna te’ kanla tlangaupui hreh chuanglo nimai lovin a sawitu nih nuam kanla ti tlang hle thung!.
He Zoram Politiks inlumletin a rawn ken tel beiseina thar tenawm tak hi ‘Beisei lo ngam’ turin thangtharte hian tan ila tlang leh ila. Nun tak leh Mize nghet neih hlutna te hrechiang leh ngam ila ava duhawm em. Mizo taka thian tha tak kan siam tawh te, chhungkaw thar tha tak kan siam tawh te, hamthatna leh mahni hmasialna avanga kan tlansan tawh te hian kan tu leh fate thleng damchhunga rin tawh loh turin thuthlung min siam hnan zel chuan mahni hmasialna avanga kan nun kan ven zawh loh tam tak avang hian rei lo te ah lungngaiin kan la rum ngei ang!. Mizo te Mizona hi theihnghilh lovin chhawm nung zel ila, kawng engkimah ‘Mizo takin aw..’ tih hi thupuiah nei thar leh ila ava duhawm em.
