Zai iLa (Dt.11/8/2013)
Hun engemaw chen an zir tlauh tlauh hnuin Branch hrang hrang YMA zaipawlte’n intihsiakna an neih tur chu tunkar ah an \an dawn ta. Kan Branch YMA zaipawlte pawh sâng tak thleng turin duhsakna kan hlan mawlh mawlh e.
Tun tum zaipawl intihsiakna hian kawng hrang hrangah rah \ha chhuah ngei se. A zaipawl member -te mai bâkah YMA member dangte pawh hian mizo kan nih chhung hi chuan zâi hi kan nun a bet nghet leh bet tel reng tur a nih hrethar leh ila, Sap hla ing-euh deuh deuh, a thluk leh music kalhmang leh kalphung velah pawh changkang tak tak leh khawvel huap pawh a zahpuiawm loh tur hla buaipui leh thiam tum kawng a hmanhlel viau si a, Mizo irawm chhuak hla hmusit emaw khawhar In zaihla sa tha duh manglo zawnga kan khawsa anih chuan eng teh ual chu kan ang a nge maw chu? Hnam dang, changkang zawk leh fing zawkte hian an ngaisang emaw ngaisanglo emaw, nalh an ti emaw ti lo emaw kan Mizo kutchhuak leh hla te hi kan sa ang a, kan ngaih hlu tur a ni dawn lawm ni.
