ITI Veng Branch YMA

TUAL CHHUNG (Dt.4/8/2013)

Zir Chhunzawm Dawn : Kan YMA NEWS Editor ni lai mek Tv.Zosangzuala Sailo chu MCA (Master of Computer Application) zir chhunzawm turin kar kalta Thawhtanni khan a zirna tur hmun Shillong lamah a chhuk thla a ni.

Biak In Luah Thar : ITI Vengchhak Presbyterian Kohhran chuan hun engeaw chen an lo sak tawh an Biak In thar chu ni 27/7/2013 (Inrinni) zan khan an luah fel ta. Biak In hi an la zo fel chiah lo a, mumal taka hawnna la neih leh ani dawn a, Biak In hlui pawh thiah chhunzawm zel a ni bawk.

GSA ITI Veng : Ni 6/8/2013 (Thawhlehni) khian ADVA (Aizawl Dist Volleyball Association.) buatsaih Independence Day Volleyball Tournament Tuikual Indoor-ah GSA Team mipa leh hmeichhia-in an khel dawn. Vengchhung mite inkhel ena tawiawm turin GSA chuan min ngen ani.

Branch YMA in Ngen : Veng chhung a dawr hawng zawng zawng te mahni dawr bulah bawlhhlawh bawm tha tak hung vek turin Branch YMA chuan a ngen a, Tin, mipuite pawh bawlhhlawh bawmah chauh bawlhhlawh paih turin min ngen bawk a ni.