Ka Tan A Piang Lo - Awmhar Run.(Dt.11/8/2013)
Kei aia pawimawh, i lungril luahtu an awm tlat avangin ka hringnun ata chu min chhuahsan a. Ka hringnuna i tel ve duh tak loh avangin i tel lohna hringnun chu din tumin tuang ka ti chhah a. Mahse, duhtak, i tel lova mal ngawih ngawiha inhriatna chuan ka hringnun hi rawn chawk buaiin i tel lova hringnun nepzia min hriattir a. Duhtak, i tel lo chuan he ka hringnun hi a ruak mai a ni.
Engatinge ka tan a ni lo tih hre reng chung pawha atana ka la inhawn reng le..! A tana engmah ka nih lohna chuan min hnaihtir ta zawk em ni? Ka tan a piang lo tih ka hriat paw’n ka thlah thei chuang si lo.! Mahse, ka tan hun a nei lo tih ka hriat chuan min neltir leh \hin a, ka kalsan chuan a mal ngawih ngawih tih hlautu bawk hi ka mal leh si. Engati nge ani chu ka lo nghah ve reng le?
