MA DAY-a Incheina
Tun YMA DAY Programme hrang hrang kan hman turah Branch YMA Committee chuan member te incheina chung changah tun aia uluk zawk leh Mizo incheina uar zawk turin min ngen a, a nilahtaka tunlai kan thalai incheina hian mulehmal a nei ta vak lo niin a hriat a, a zawng a za a incheina kan ti mizo thei lo a nih pawhin kan hunpui neih bikah hi chuan kan theih chin chinah kan mizo incheina ti langsar thei zawngin inchei thei ta ila a duhawm ngawt ang. Mipa lam, Puan veng tur em chuan kan in beisei hauh lova a nei chuan Thangchhuah kawr etc. te, hmeichhe lamah Ngotekherh etc. te inbel thei hram ila a lawmawm ngawt ang. Hetiang hun puiah hmeichhe tan kekawr hak leh incheina uchuak deuh a mawi lo ang bawkin mipa tan pawh kan thawmhnaw a uchuak lo thei ang ber inbel a pawimawh hle. Tunlai khawvelah chuan hetiang thawmhnaw inbel na remchang a vang tawh a, a tum pawh kan tum lemlo bawk. Amaherawh he hunpuiah hian member ten kan incheina hi ngaipawimawhin uluk hram hram ang u.
