Lalremliana, Joint Editor
INBUATSAIHNA:
Kum dang anglo takin Branch YMA-in Celebration Committee a din kha a fuh viau mai, Secretary mawng zang tak(A Kg lam nilovin) ruat a ni bawk a.Lam intihsiak leh entir tura zan lam zir thawm hriat tur a awm reng bawk. Hei hi kan YMA Member ten kan hnam lam kan vawn nun zelna hmanrua a nipah bawka a tha phian.
CHHUN LAM PROGRAMME :. Mizo inchei a inchei nise tih a nih avangin Chapchar Kut te pawh min ti hrechhuak deuh. Kan Branch Fin. Secy pawh Thusawi tawi hunhmang tur a nih avangin Addidas T-Shirt chung ah Thangchhuah Kamis rawn ha in, Addidas lukhum hmatlhawk chung ah Thangchhuah Diar a rawn khim a, kekawr bul ha in Sneeker a rawn bun bawk a, a nalh hle mai. Ch-Sec A/Lead /Kan News Editor pawh a Sunglass leh pheikhawk bun tello kha chuan a mizo viau mai, a lawmawm tho e. Nl C. Lalhmingmawii zai khan mipui min awi hneh hle mai. Wonders 4ever lam zet kha chuh….Pu Malawma(T-Sec) meuh pawh an Nu hmuh loh chuan a zalen ve a ni tih entir nan a mawng rawn ‘Shake’ in lam a rawn thai ve ta mai khan boruak a ti sosang hle. Pu Chalpuia leh a hote(Woshu club) an rawn che bawk a khan Prog. a ti Variety phian. Cheraw lam entir tute(V-Sec & Ch-Sect nula te) hmel hmuh a nuam hle. Sound track nen ngat Cheraw an kan ta mai!!. Section lam intihsiak leh Section intihsiakna dang kan nei zui bawk kha a nuam in a hlimawm e. YMA Day hlut ber leh a pui a nawia kal khawm hnem thei ber pawl veng/Branch kan ni thei zel hi a nuamin a lawmawm hle.
ZAN SOCIAL: Kum dang ang bawkin zan Social chu Inkhawm ban a tang in kan nei leh a. Hall leng lo YMA Member kan la kal khawm thei kha a ropui. Pu P. Zoliana,Br YMA President kaihhruaina hnuaiah hun kan hmang a. Zan dar 12 dawnah kum 2009 YMA Day Social Prog. chu zawh a ni. (Result kimchang chu phek leh lamah)
FAKSELNA: Lam zir tura zan lama naupang\tleirawl leh nula/tlangval kan chhuak hnem lutuk hian nghawng tha lo lam a nei thei a ngem. Celebration Committee hian Organised thleng chuan keng tawh losela a fuh zawk a ngem. Day chhun Programme-a Sound System pui tham taka nena kan hmang khan boruak a ti nuam phian, mahse kha ai khan Sound System hman tangkaina Programme la tam ta sela a nuam lehzual maithei. Cheraw kan ten Sound track an hmang kher kher kha a la MIZO zel em aw a tih theih. Track chiangkuan loh avangin a tawp a mumal loh phah zui bawk si. Death Ball hi a ho ang reng kan ti tawh lo maw. Mizo infiam na dang la telh tam thei ila a hlimawm lehzual angem . Lam intihsiak endiktu tur hian A&C lam a mi 2/3 lek pawh hmang ta zawk ila kan hmin kim deuh zawk maithei(kan Judge te kha an that loh vamg lam ni lovin). Ch-Section Leader kha ‘Leader of the Day’ ah kan puang keini chuan, a fakawm thin e, mizo inchei khan inchei ve lo mahse a hmel ringawt pawh hian Mizo Culture leh incheina hi chu a vawng nung chiang in ka hria. Section tin te kan in auh phurna boruak a la nuam viau. Day Mister leh Miss thlan kha a tha khawp mai, thlan chhuah tur awm tak kan thlang chhuak bawka. Mahse, mipakhat in vote khat zel nei in uang loa kan zavaia kan thlan a duhawm hle, kum danga tih leh a nih chuan kalphung tha zawk pawh ngaihtuah zel nise. Zan lam Social kha kum dang boruak a pha lo hle mai. Quiz, Debate rei chi ang kha awm tawhlo sela, Cheraw kan tih nawn leh kha a tul ber lo maithei bawk, an thiam loh vang lam nilovin. Quiz/Debate velah Ch-Sec leh T-Sec lam ten mithar hmel kan chherchhuak har deuh. Items a tha lo tlangpui em aw a tih theih. Lengkhawm zai intihsiak awm talo khan khua a ti har deuh. LPS Pro Fight a thleng sang ve deuh Branch YMA-in Rs 500/- a pek laia zirna a hlawhtling ten Certificate (Rs 10 man lek) chu sawi loh, an mahni chiawmawina hun reilo te tal pawh a awm ta lo kha a hrilhhai thlak ka ti. Zirna lama hniam tak veng hian kan thalai te Cable TV te Reality show lam nilo Puitlinna lama min hruaitu ZIRNA lama intlansiakna leh inelna kan siam lo lutuk em aw a tih theih. Naupang leh thalai, Kohhran Upa leh rui deuh te YMA Prog ti hlawhtling tura hmun khata kan kalkhawm hi YMA chu huapzo leh tu tan pawha lenna Pawl a nih zia a tilang chiang hle. Mahse, hnawksaklo zawnga kan inthunun hram zel a tul awm e. Sub committee hrang hrang te leh Section tin ten kan mawhphurhna theuh te kan hlen chhuak tha hle. YMA Social hi kan ‘Platform’ pawimawh leh hun tha ber a nih laia kumin a he lam hawi a awm mang lo kha a uihawm hle bawk. Nula te kekawr halo a an kal kha hmuh an nuam hle mai, ITI Veng nge nge.YMA in Day puala mi harsa te a tanpui leh kha a ropui e. Mizo incheina lang thei lam piah lama Mizo min chei tu TLAWNGNGAIHNA, HUAISENNA LEH AIA UPA ZAHNA hmanga inchei ngaipawimawh thar leh theuh ang u.
