TK Sailo
Kim lo takin YMA DAY i thlir kir ang aw,commentator-in a zir hrim hrim nge ni chhunlam programme pawh mipuiin kumin chu kan ngai hlu a, kan zah a tih theih awm e.Kan nula & tlangval rual te'n Val upa thu awih a,Mizo incheina chi hrang hrang an rawn in bel a,Cheraw lam & a dangte thiam nal fahran a an rawn pho chhuak kha zawng a mawi a, a Mizo mange.Khatih lai tak khan ka Mizo Rose-i hian minlo phone- ta pawh nise la, a tum khatna atan biak let nachang pawh ka hriat ka inring lo.Chuti khawpa hmuhnawm ti chu ka ni asin. Sound track- lah khan cheraw lam ati hmuhnawm zual. A Ramhlun 'N' lova, a ITI Veng ruih zawk. Tu siam nge??
Hei erawh a hre tur chuan hria sela ngaihven rawh se, kan veng chanchinbu YMA News enkawltute hi mi mut burh burh laite, thawh loh lai pawha hah taka thawk reng thin an ni a, an mahni avang hian kan nui a, kan tap a, kan thinur a, thutha min hrilh a, kan tan an hlu asin. Mahse kan dah official- lo mah mah em? kan Media te hi kan veng bikah kher kher hi chuan kan zah tur a ni a, mi pawimawh an ni tih kan hmuhhmaih a ang. Mithenkhat te ai kha chuan an hlu fe zawk mai thei. Heng hi a thlen tawpna ni thei se.
Mizo infiamna ti deuh kher teh ang. Kan hman mek ho hi paih bo chuang si lo hian, thangtharte tuina zawng & thiam zawng hi hai chhuah a hun tawh hle ang. Hnatlang, khawhar In riah, mithi lumen, thlan laih etc, kal tura aurinna hmang & pui pun nikhuaa kanin koh dum dum pawh a a sawt mawh hle tawh nachhan hi thalai rual kan tih phur hmasak thiam loh vang a ni lek lo maw.
Hun rei tak atang tawha an lo urlawk tawh VIVE Column copy engemawzah chu hemi ni ngei hian ualau takah Pu KB.Renthlei leh a thiante'n an hal alh pup pup a, an chhir darh vel. Tv P.Mawia ziak nisela an hal ral tawp nang. Ni e, kei a ziaktupa hi zawng ka te em a ni.
Celebration Committee Secretary Nl Mary khan fak a phu. Pu Duhtea te kaihhruaina hnuaiah a che vel kha a zei thlarh a, tihawm & tihtur a hria a, a tawngkauchheh a dik a, a felfai a, mi hmantlak tak anih kha mawle.
Debate chu kan sawi lawk ang ngeiin a ngaihnawm a, kan hmuh tum ang kan hmu e. Quiz erawh kan buatsaih dan a la puitling tawk lo deuh. Quiz master kha ka farnu a ni a, thurawn ka pe ngam. Substitute Question a neilo mai te kha. A Qtn siam thenkhat erawh hriatna belhchhahtu a ni a, a lawmawm takzet.
Kan zaithiamte tihtur pawh ni lo, kan zaitir ve thinte ho hian entertainer an ni tih anin hre ngailo, mawi takin an ding zai tlawn zuar zel. A hun leh ahmun a zira hla sak tur erawh an thlang thiam tawh hle. Pathian hla ngawr ngawr sak ai chuan hnam hla han sak te kha a fuh a, ahun nen a inhmeh hle reng a ni.
Veng fai ber a cheng kanni tia kan hmai uan viau lai hian, kan punkhawmna YMA HAll-ah erawh nepnawi eina kawr kan thutna hnuaiah a tla pheng phung a, zurui mawl tak, au bengchheng ho aia kan changkanna kha a tamlo viau.Veng fai ber tih awm tawk lek zawng ani hauh lovang le.Mister & Miss kan thlan hun kha a fuh chiah em? Chhun lamah kha chuan puitling ngaihtuahna fimhmang thei kha an thahnem tawk lova, zan social-naa thlan kha a fuh zawk mah a ngem? Mipui lamin thlang mai lo hian Branch hruaitute hian uluk takin thlang chhuak zawk ta se la, a zahawmin kan ngai hlu zawk a ngem? Tuna thlan chhuahte kan iaina lam a ni lo a nia!! A bik taka han sawi tur pawh an awm chuang lo. Section tin mai khan mite tana hnawksak ni si lo khan hlim tak & lungrual takin an au a, khuang an vua a, an au dual dual a, khatiang chiah khan chhim & hmar, chhak & thlang te hi lungrual takin kan kaltlang za zel tur ani dawn lawm ni? Tun tumah hian insawiselna & infakna te kan ziak a, hengte hi kan inhuat, ngei vang lam ni lovin, kan khawtlang hmasawn zel na tur anih beiseia ti kan ni tih kan inhriatsak a tha hle awm e.
Y.M.A DAY MAPHASY..MAPHASY..
