Branch Secretrary Kam chhuak -
Ni.29.5.09 (Zirtawp) tlai lam dar 3:00 a lo rik chuan, Pachhunga University College Principal Chamber kawngkhar, a chhunga lut tura sawmbik te lo nghak hlel taka lo inhawnghuau tawh lam pan chuan ITI Veng VCP hovin VC Member Veng thatna tura hmalam pana chak taka ke pen tan mekte hnung zuiin kain chhep lut ve chhat chhat a. Principal hlim hmel taka min lo welcome tu chibai paha self introduction neiin thutna min kawhhmuh duhna lai lai thlan theih a nih denchhenin a hmasa ber dawttu tlar chu kan luah ta sang sang a. Bethlehem Vengthang Branch YMA Hruaitute, College Veng Branch YMA Hruaitute pawh an VCP hoin an rawn inzui lut zung zung a. Hemi tlai hian ei tur tuihnai tak Principal in minlo hlui a kan tlai hle. He Meeting koh chhan rilrua inzawt deuh reuh, hre sa deuh reuh a kal tih takah kan rilru pawh ain pawh tlang hlein a lang.
Aizawl chhuahlam Veng inthenawm te zinga zirna sang kan neih that mai chauh ni lo, boruak tha (Oxygen) kan chawk-na bulpui ber ‘PUC Campus Ngaw’ tangkaina leh keini ho Veng pathum te tana a bik taka he College Campus hlut zia, awm ta lo se, Veng chuan hnuai lam kan nih avanga khawlum hrehawm kan tih zual tur zia te, zirna inpui anih anga mipuiten kan chim buai loh athatna leh hmasawnna tur lam hawia heng Ram ngaw tha tak te venghim chunga zah tak leh neitu chan chang tlang theuh chunga enkawla tan kan lak a pawimawhzia te sawi ho tlang-in kan luit-tui intlakloh leh ti rimchhia a lui tuia nungcha awm tura kan ngaih engmah awm hleihtheih loh khawpa Tuibur rim lo nam ta, Zirna run-sanga zirlai duhawm leh chhuanawm tak te tana thawk lak hrehawm khawpa boruak chhe ta te nungcha / sava hram mawi tak tak kan hriat thin te leh an chetla kan hmuh / en nin loh te ti rem zawnga silai leh sairawkherh hmanga feh chhuak a, sava te that thin an awm thu leh heng thil thalo tituten an sim ngei a tul thu te kan ngaithla a.
Kan Ram ngaw tha boruak thianghlim kan dawnna bulpui zirna In sang a nihna anga kan vawn zahawm a, a hmasawnna tura kan tan tlan a pawimawh zia te, nungcha tirem zawnga hma la lo tura lo ti thin ten kan sim a pawimawh zia te, kan luitui a lo thianghlim a, in tlak / hman tangkai tlak a kan vawn a tul zia te hria a, tuibur thlawra midangte harsatna thlen lo thei zawnga hmun fianrial tha dang kan zawn thiam a pawimawh zia te hi rilru a kan hriatfiahna mai duh tawk lo va nun pui ngei hi kan bat a ni.
Heng College, Veng hrang hranga VC / YMA leh NGO hrang hrang a thawktute tangrual hian hmalak an tum ruh hle dawnin a lang a, hmasawnna rah duhawm hmuh zel ilo beisei phawt mai teh ang.
