Article

VAMOS!!

Lalthlengkima Sailo, Jt. Editor
French tawng a mi ni leh pek? Vamos!! tih hi maw.... Spanish tawng a ni a. Min thlahtu Bengkhuaia oh!Charles Dickens- a te chu lo tho leh ta ni sela, Let’s Go!! an ti dawn si a, keini mizo ve thung erawh chuan, tlan rawh!! kan ti ngei ang le. thuziak ngaina mi kan nih avang liau liauin, induhsak tawnna thinlung chhungril taka in hmangaih a, kuang khat nawr dun thin kan nih vang nge ni, hmahruaitu ten an zir em a, thu fahrah te te tunhma a mi ang khan ka thai leh lek ang tih hlauhthawnna nei chungin, fimkhur sa tehin ka fimkhur a, ka uluk a. Keini te ang thankin tawh chin ang hi chuan, Arbawm hal ang maia a tir atanga alh deuh pup pup a, reilo te hnua rem leh mai thin nihte kha kan duh lem lo a, zawi muangin, muang marin eisiamtu nih hi kan tum chho ngar ngar dawn a ni. Keimah daikil kara mi ve mai hi ka thin ti ur hluah hluah fo thin tu chu tu dang ni lovin naupangte ka nih lai atanga lehkhabu ka chhiar tlem lulai lutuk hi a ni" ka ti thei ang, thu leh hla lama kan mi hmasate thuziak ka ngaina har lutuk hian tun hunah hian min vaw chau a, ka hriat tur leh ka nih ang tur hi ka nih loh phah hle ni te hian ka in hre phiangsen ve thin a, rualawh na ka ti a, thiante ti ti ko tlanga lo thut ngawih ve reng fo te hi ka thiam loh vek ani tih ka van chiang tak em! ka harh tlai lu deuh a ni kei zawng....
Kei chu ka thing/tlak tawh lo:Thangtharte khawvelah hian ka ngaihtuahnate hi hlui tawh bik riauva hriatna ka nei lian hle a, chumi chuan phurna min pe lo fo a, min ti chau a, kan mizo pa thu leh hla kungpui James Dokhuma tawngkau chheh han hawh ta ila, uangpui chang suh ila, thawhpui ten min la ring ngam ve thin hi mak ka ti zawk hial a, ka uapna chu an la thlahlel ve tlat nia mawle.ka thawh hlawk loh zia hretu te lah chu an mahni bawk hi an ni roh bawk si.He kan chhungkua hi min rawn fin fe dawn a ni tih ka hriat rual rual khan insitnain ka khat a, an beisei ang ka ni dawn hauh si lo, ka inti mualpho chhe lai let der dawn tih ka in hre sa vek....Computer work-lamah lah ka tlaw bawk si, ka hun neihdan hian a zir ngang bawk si lo, te ngawih ngawiha inngaihna lian tak hian min delh vel reng ...tih ka ngaihtuah neuh neuh laiin, ka thawhpuiteah rinna ka nghat ngam a, kei chu simeikhu ang lek a, lan zauh zauh hi ka duh tawk ta lek a, ka mawina tur ber pawh ni zawk hialin ka hre ta ve a, a hming that leh chhiatah erawh kan chhungkaw zingah hian tlan chhiat ka tum bau lo.Pu Peter Ar pawh khuang dawn sela kei chuan ka phatsan ve ngai dawn lo..
Ngaihpawimawh(care) ka hlawh ve ngai lo: Ka hmachhawn tawh a tam zawk hian min namnul em em mai bik leh, engah teh vak min ngai ngai lo reng reng tih ka hmuh hian "na" ka ti ve ngawih ngawih thin, hei hi ka hmelchhiat bik vang hrim hrim nge, ka pachhiat bik vang hrim hrim ni ang aw... ka ti ve vawng vawng thin,he ti em em a, khawhar leh riangvai a siamtun min siam bik luau hi chu paidaih harsa ka ti a, ka rilrem thei bau lo a ni. Engtin nge mi te hian min ngaihsak ve theih ang, tiin ka thluak khawro lianpui hi ka sawr bing ve thin a, mahse a sawt mawh viau lawi bawk si, mal ngawih ngawih han nih bik reng hi chu a tuartu tan lo chuan hriat thiam a, pawma, awih a harsa awm mange, ka "Dream"te hi ti hlawhtling ve thei hlauh ni ila ka tan khawvel hi a va nuam ve dawn rua em! nangni hi ka ngai tawh lo ang che u. hmeltha leh hausa ta thut ni ila tuna min be tha peih lo mi enge mawzah te hian min pak huam huam ve awm tho sia...chu hun chu..... tunge sawi thei?
Literature -thlipui a tleh tan: Kumin atan chuan he ka thuzaik mipui hmaa ka pholan hmasak ber hi ka in enchhinna ve na lek chauh a ni a, lo beisei sang ngawt lo la..Tumdangah chuan huang(column) te reuhteah ka in hampuar ve leiluai a, in siamrem(adjustment)a har duh khawp, chuvangin thawhpui duh tak ka zin bosan daih, lo edit- tur ten lo hria sela, khawtlang mipui lam pawn min lo hriatsak kha ka duh hle bawk a ni. Kumdang anglo takin kan veng thalai rual literature-ah kan thangharh a, dawn tana, te pawh ti ila a sual lo ang. Kohhran thenkhat thalai pawl tutu nge an nih ka hre chiah lo, literature sub-committee- hial te an din a, thenkhat lahin an kohhran chanchinbu tih hmasawn an tum mek a, chu mai ni lovin, a mi nawlpui hian tharum aia thil ti thei zawk hi kan ngaina tan a, kan ngaihven a, kawm turte pawh an awm ve fer fur tawh a, thu lawmawm tak a ni. Literature-a tui mi reng reng mi fing, mi pangai tak an ni zel tih hriat a, hmuh hian kan veng thalai te hian nasa zawka kan uar deuh deuh hi a fin thlak hle a, a tui ve lemlote pawh kan tih hmuh hram hram hi a tha e. Kan hriat hmasak atan erawh a pawng apuia, chhiar tam lama tan lak hmasak aia ziah hmasak kan tum erawh chuan keia thlirdanah chuan, kan tum ram kan thleng zo lovang tih ka hlau hlel love.!!