Tunlai hian Vengchhungah Ran khuahkhirh Dan kan hman mek pawi sa lova, Ran khuahkhirh duh lo mi tam tak kan la awm tih hriat a ni a.Tun atang chuan,kan VC te khauh takin hmalak an tum dawn a.Tuallai fangin Mobile Court hawng nghal zelin Ran khuahkhirh loh, pawn chhuak hmuhte chu chawp leh chilhin, a ran neitu hriat chian te chu Rs 500/- thleng chawitir nghal zel an ni ang a. Khawtlang dan zawm duh lotute chungah hremna na tak pek an ni tawh dawn a, tuman an sawibuai thei lovang tih hi khawtlang mipuiah kan han han puang zar hmasa a.Ran neitute lo fimkhur turin kan han inhriattir nghal a ni.
Kum hmasa lama order kan chhuah tawh, hre chiang lo kan awm thin avangin kan han chhuah leh e.ITI vengchhungah mi tupawh, mahni Compound Area humhalh nan, Lungrem in emaw, palin emaw an hung dawn chuan,Vantlang kawng kama awm an nih chuan an hna tan hma-in kan Vc te hnenah Report-a VC ten enpuina an neih hnuah VC te remtihpuina chinah ngei an ram an hung tur a ni. He thil ruahmanna siamna chhan hi Vengchhung kan in kal pawhna kawng te mimal ram neihin, a dip dal lohna tura venna a ni a, mitinin kan zawm tlan theuh pawh a tulin a pawimawh hle a ni.
Ui ek tir chungchang- Ui khuahkhirhtuten zun ek thiar tura pawna kan chhuah tir hian mi Compound Area chhung a an ek chuan thenfai sak leh zel ila, thil tha tak a ni ang. Thenawmte Compound kan tih bawlhhlawh sak thei a ni tih in hriat sak theuh teh ang u.
sd/-
(F. BIAKSANGA)
Secretary
V/C, ITI Veng.
