Dt. 5.12.09 (Inrinni) 10:30 am khan YMA Central Executive Committee chu neih a ni a. Heta an thurel tlangpuite:-
I. General Conference thurel bawhzui chungchang :
YMA Khawih
1. "Faina chungchangah chak zawka hmalak ni rawh se," tih chu Health Sanitation Committee in a tul angin ruahmanna duang se tih a ni.
2. "Mihring hriselna atana tha lo chi Polythene bag kan hman tlem zawknan, uar zawka inzirtir ni se," tih chu Science & Environment Sub-Committtee in ruahmanna duang se tih a ni.
3. "ILP nei lo hnam dang dap chhuahna kawngah Central YMA in hma la ve rawh se," tih leh "Kan in hmun lo ramte hnam dang (Non-Tribal)-te hnenah hralh a nih tawh loh nan hmalak ni rawh se" tih chu CEC hmasa-ah ruahmanna siam a ni.
4. Mi dik leh rinawmte chawikanna tur leh khawtlangin hma a sawn zawkna turin kut tling lova sum lak a that lohzia uar zawka inzirturna ram pumah neih ni rawh se.
Sorkar Khawih
1. "School zirlaiah Mizo nun ze mawi tam zawka neih ni rawh se," tih chu Education Sub- Commt. in ruahmanna siam se tih a ni.
2. "Mizoram-a Foreigner lo lutte khuahkhirhna dan Sorkar-in a neih sa hi khauh takin kalpui ni rawh se," tih chu ruahmanna siam tur ruat an ni.
II. C.C.C Thu dah :
General Conference Agenda thlitfimna C.C.C in CEC lo bawhzui tura a dah chu hetiang hian ruahmanna siam ni se tih a ni.
Sorkar Khawih
1. "Mizoram chhung NH-54 siam that leh chei that hna chu chak taka thawh a nih theihnan Sorkarin hma la rawh se," tih chu a tul anga O.B-te bawhzui atan dah a ni.
2. "Mizoram Sorkar-in Boundary Commission siam se la, Hei hian Assam nena ramri chingfel turin hma la rawh se," tih chu a tul ang a O.B-te lo bawhzui atan dah a ni.
3. "Mizoram chhung hmun hrang hrangah hnam dang (Tuikuk) a hlawma cheng tura dah an nih dawnin Sorkar-in YMA te sawipuin nei hmasa lo chuan dah ni tawh lo se," tih chu tun hnai khawthlang boruak avanga NGO dangte nen pawh thu dah a ni in, a tul ang hma lak zel ni se tih a ni.
4. "Mizoram House, Manipur-ah sak tan ni rawh se," tih chu Chief Minister pawh sawipui tawh a niin, a tul angin O.B-te hmalak zui tura dah a ni.
