Chhiartute Huang

GSA Inthlan kha chu kan tlem lutuk kha a zahthlak deuh lo maw?! kan V.C players hmuh tur takngial pawh an awmlo ania, avan zahthlak deuh ve, tun hma IFC kha ava ngaihawm ve...!. Khang hunlai kha chuan Junior hle mah ila kan inlungrual tha a sin le, tunah inkhel theilo mah ila Full Support lo pe ve tan chuan rilru avan na em!. Tuna Club indin ho hian GSA hi i bel leh hram teh ang u tih hi ka ngenna ani e. Kan thalai te i inngaihtuah chiang teh ang u.
- Chipper ITI
Zana mi bike khawih ching Vengthar-a mite kha ching tawh suh ang che u!, kan buai thui hma hian sim vat ang che u.
- 9612178631
Thenawm veng authawm ka ngaithla a, Gas a lak theih thu bawk anih chu tiin ka Stove chu ka herh sang leh ta a, mi veng authawm mai hrelo hian kan veng a ari hriat ava chakawm em. Kan innghahna te kha khawnge in awm!? Puih kan ngai e!!.
- Sai Pa Tuai kal lai.
(Gas sem hi veng indawt dana pek/sem ani a, thenawm (College Veng) zawhah hian Dinthar lamah an sem anga chumi zawhah kan vengah tih thin ani e. Ilo nghak hram hram ang u. Ed)
Keini aia thingtlang zawkte pawn mitthi inah F.M Microphone an hman tawh laia veng fai ber nihna pawh la zak zak thei khawpa Branch chak leh changkang ten khawhar ina kan la in zam hnawk tup thin hi chu kan inhmeh tawh hlawllo. Ngei ni paihte pa petromax nei thar ang mai hian pawimawh fe ah lo chuan phawrh dawnlo leng leng.... kan la ti zel dawn nge kan la neive lo hrim hrim zawk le...!?
- Ku Dari
Red Ribbon Football Tournament lo awm tura ITI Veng tana Players zawng zawng te duhsakna sang ber ka hlan che u a, zahngai takin han kal hram hram teh u. Dinhmun ropui taka he veng hi din tir han tum phawt mai ula tichuan a tha vek mai ang. Tin, V.C hmasa ina Ball Boot sem tih kha Donation atanga pek ani zawk lo maw?. Khatih hunlaia Players chhuanawm tak tawngka atangin...!. Kan thu chhuah dawn hian i hrechiang hmasa phawt thin teh ang u khai.
- YMA News Pu (Arshavin)
NLUP thlan danah thenkhat ten hrechiang chhiah lovin YMA thlan ni a sawi a awm zeuhzeuh a,YMA chuan a dawng awmmi lakkhawm hna chauh a thawk a ni tih hre tlang i la a tha ang.
- YMA tlangval.
(Chhiartute haunga thu chhuah zawng zawng hi Editor ngaihdan a ni vek kher lo. Chhiartute huanga thu thawh duh tan 9615950677)